موقف غريــــــــــب جدا .....

[alshobaki7]

موقف غريب جدا ..

لو كنت يوم بالشغل مع أحد أصدقــائك وأخبرك أن في زميل لهم بالعمل يتعمـد أن يخلق أعذار وهمية لأحتياجـه المال ..وأنه يرغب في سداد قسط السيارة أو أمه تحتاج لعمليه جراحية ضرورية ومحتاج سلف فلوس للسفر للعلاج بالخارج ..
- أو ابنه الصغير لديه ثقب بالقلب ويلزمه عمليه جراحية ..
- أو أن منزله سرق أو صدم أحد الاشخاص ويجب أن يدفع الفدية ...

المهم ..النهاية كلها يضعك في موقف محرج جدا ...بحيث أنك لابد من أن تلبي نداء الانسانية والتي هي موجودة لدى الجميع عن طريق الفطرة ...
والمبالغ النقدية المطلوبة لاتتعدى الــ 5000 ريال أو 4000 ريال على حسب مقدرتـك .. ويطلب منك أن تمهله فترة بسيطة لكي يسددها لك ..
وتتفـاجـأ بأن هذا الشخص قد قام بهذه الفعلة مع أكثر من صديق وأكثر من زميل له في موقع العمل ..
وربما بحسبه بسيطة تستنتج أنه قد أخذ سلفة نقود من جميع الزملاء مجموعها 60000 ريال .. ويقوم بالمضاربة بها بالبورصــة ويستخلص الربح والمكسب لـه ..
وانت في أمس الحاجة لسداد أقساطك أو ضرورياتك واحتياجاتك اليومية ...

المهم عندما تطلب منه المال .. يخبرك بأنه ليس معه حاليــا ؟؟؟؟!!

مـاذا ستفعل ...؟؟؟
وما هي ردة فعلك تجـــاهه ؟؟!!!!!!!!!!!!

[المارونـــي]

هالموقف انا انحطيت به شخصياً انا شخص ما طلب من المال وهو على قوله انه بحاجه اليه ولكن الشخص عنده مدخول يدخل له كل شهر يعني لو يكون عاطل عن العمل ماراح يحتاج الى المال وعند مطالبتي له بالمال افاد بانه لايملكه في الوقت الحالي مع انني كنت في امس الحاجه الى المال لدرجة اني ماطلع من البيت علشان ماااقدر اصب بترول حق سيارتي وفي الاخير طلع هو فاعل هالفعله مع اكثر من شخص ومن ظمنهم انا وعند سؤالي الى الشخص اللي خبرني عنه قال ترى انت مش اول واحد يسويها معاه
طبعن انا مابيدي شي اقدر اسويه لكن وكلة امري اللى الله.
وانا اعتقد انه هالفصيله من الناس عندهم ضعف في النفس انه يفاول على هله بالمرض لمجرد اخذ المال او الحاجه في ضوء هو غير محتاج لها
تقبل مروري ولك مني احلي تحيه

[alshobaki7]

هالموقف انا انحطيت به شخصياً انا شخص ما طلب من المال وهو على قوله انه بحاجه اليه ولكن الشخص عنده مدخول يدخل له كل شهر يعني لو يكون عاطل عن العمل ماراح يحتاج الى المال وعند مطالبتي له بالمال افاد بانه لايملكه في الوقت الحالي مع انني كنت في امس الحاجه الى المال لدرجة اني ماطلع من البيت علشان ماااقدر اصب بترول حق سيارتي وفي الاخير طلع هو فاعل هالفعله مع اكثر من شخص ومن ظمنهم انا وعند سؤالي الى الشخص اللي خبرني عنه قال ترى انت مش اول واحد يسويها معاه
طبعن انا مابيدي شي اقدر اسويه لكن وكلة امري اللى الله.
وانا اعتقد انه هالفصيله من الناس عندهم ضعف في النفس انه يفاول على هله بالمرض لمجرد اخذ المال او الحاجه في ضوء هو غير محتاج لها
تقبل مروري ولك مني احلي تحيه


شكرا أخوي على مرورك الكريم وملاحظاتك الجميلة ..وآسف وأواسيك على الموقف اللي حصلك بس أنت أكيد شعرت أني مريت بالموقف أيضا لذلك أكتب عنه ..
والرجال ..لايقدرووون بمـال

[البسمةالعذبه]

انا احس بقهر ,,

مره رفيجتي بتتزوج وخذت مني مبلغ ,,

المهم ما حبيت اردها رفيجتي وغاليه علي ,, لكن هالموقف زعلني منها

عطيتها المبلغ ,, وقالت بترده لي قلت لها عيب والله ما تردينه ,,

المهم بعد سنه انا احتجت ربع المبلغ ,,

وادري ان عندها ,, وما كنت اقدر اخذ من اهلي لانهم كانوا مسافرين ,,

المهم دقيت لها قلت لها فلانه ممكن تعطيني هالمبلغ وكان بسيط

ولا ابغي احطه على ذمتي ,, بس قالت لا انا ماعندي سوري

انا حسيت طابوقه على راسي ,,

انا تقولين لي هالكلام وانا الي عمري ما طلبت من حد ,,

والله لو اهلي موجودين كان ما ترددت ثانيه وقلت اخواني متزوجين ما ابي اطلب وادري

مستحيل يردوني لكن بصراحه انصدمت فيها ,,

وعلاقتي فيها اختربت شوي ,, وقلت لها الي في قلبي ,,

لكن هي جلست تعتذر وما ادري شنو قلت لها تدرين الله يريد هذا الموقف يصير

عشان اعرف معندج ,,

لكن بعد ارجع واقول ما ابي اظلمها مع اني ادري ان كانت تقدر توفر اضعاف اضعافه ,,

لكن عادي تيك ات ايزي ,, وخلاص حلفت ما اطلب غير من ابوي واخواني ,,

[alshobaki7]

البسمة العذبة ..شاكر مرورك ... واكيد حصل موقفك مع الجميع ..