استفسار عاجل ياأخوان

[سهم قطري]

انا ناوي اشتري باذن الله تعالى فيلا في منطقة معيذر وبيكون الشراء عن طريق المكتب وقالي لازم ادفع مبلغ عربون للمالك عشان ارتبط معاه والمبلغ في حدود الـ 30000 بس المكتب قالي غير 30000 لازم ادفع 10000 للمكتب وعندي سؤالين وهما:

1-متى ادفع الـ 10000 للمكتب عقب عملية الشراء كاملة ولا اثناء تواجدي انا والمالك عند المكتب عشان نخلص واعطي الـ 30000 للمالك وآخذ السند والمخطط للبنك اللي بيعطيني التمويل....

2- اشرايكم في منطقة معيذر وبالاخص الجنوبي؟؟؟

وشكرا لكم

ارجوا الرد في الحال

[الجني]

اخوي نصيحة لا تدفع عربون لأن المالك يمكن يغير رأيه او يصرف الشيك و الدلاليك تفكيرهم على قد حالهم . قول حق الدلال يخليك تتحدث مع المالك مباشرة و تفاهم مع المالك على ان الشراء عن طريق البنك بالثقة خلال 5 ايام مثلا و بتعرف المالك اذا محترم ام لا.

انا عدة مرات اتفق مع ملاك فيهم رزاله عن طريق دلالين و اروح السجل العقاري بالشيك و لا يأتون للتسجيل و يكونون غيروا رايهم .

و مره زاد المالك السعر بعد الإتفاق و هذا شرعاً لا يجوز .

و الله اعلم

[سهم قطري]

تسلم اخوي وماقصرت وبخصوص الـ 10000 شلووووووووووووون

[ســـهم]

العربون لايدفع سوى بأتفاق الطرفين على المبايعه والشراء وليس للمكتب حق في أخذ هذا المبلغ اذا رفض البائع هذه الصفقه او البيعه اما اذا رجع الشاري وتردد في كلامه بعد دفع المبلغ

فمن حق المكتب الاحتفاظ بالمبلغ

[استغفرالله]

10000 تدفعها بعد اتمام التسجيل في السجل العقاري

ولا تدفع عربون اصلا وخله على الثقة

[سهم قطري]

مشكورين يااخوان طيب اذا رفض المالك يعطيني صورة سند الملكية والمخطط وقال لازم عربون ايش الحل ؟؟وابي شوركم فيلا مساحتها 500 متر مربع في مهيذر الجنوبي تسوى 1400000 ولا وماقصرتوا.............؟؟

[KHALID1]

في معيذر الجنوبي فلل ب 1350000 وفلل جديدة بس تحمل من العربون وال 10000 ولازم تعرف اذا لك نصيب فيها محد يقدر يوقفه ....

[bu shhab]

يا خوي عادي تقدر تدفع عربون

وتتفق معاهم انه العربون مجرد لصدق النيه

اما بحالة لاسمح الله البنك رفض التمويل يرجع العربون والعموله

اشترط عليهم الشرط هذا


انا بخصوص سعر الفيلا مناسب وخصوصا اذا انت مقتنع فيها كفيلا تحتاجها

حسب مواصفاتها ومكانها

والله يوفقك ان شاء الله


حتى العربون اشترط عليهم يرجع لا ن تمويل البنك بيطلع بالمبلغ كامل

بالتوفيق

[النيـــزك]

اخوي جميع مكاتب العقار اذا تم البيع يستلمون عملوتهم واذا غير رايه البايع يرجعلك عربونك واذا لم يوافق البنك علي معاملتك ياخذون المكتب جزء من العربون وذلك علي حسب اتفاق بينكم اما بالنسبه لاعطائهم العربون فهذا شي اكيد انهم بياخذون عمولتهم قبل البيع والشراء وهو مسوولون عن انهاء المعامله بحكم العموله اما اذا كل مكتب بياخذ عموله وخلاص انت والشاري تفاهمون كان كل واحد فتح مكتب وخذ عموله وغير رايه صاحب الارض او العقار بحكم اتفاق بين المكتب والبايع والناس ضيعت حلالها
هذا اجراء طبيعي اخوي ومافيه اية خوف بس لاتنسي تتفق مع المكتب انه اذا لم تنجز المعامله عن طريق البنك فان المكتب يقوم باخذ سعر معين من العربون من الف ريال الي الف وخمس ميه

[النيـــزك]

اخوي فيه ملاحضه عن صاحب العقار المالك لطلبه مبلغ 30000 الف اخوي لاتعطيه المبلغ لان العربون يكفي والوسيط بينكم المكتب اول مره اسمع عن صاحب البائع يتفاهم مع المالك بطريقه هذي ؟اذن مادور الوسيط مكتب العقار؟ اخوي اول شي تسويه تقولهم انا دافع مبلغ عشرة الاف ريال عربون والتفاهم بيني وبينكم ونت متثق طبعا بالمالك يمكن المالك ياخذ المبلغ هذا ويقولك للمكتب انا خلاص مب بايع والرجال بعدين باجيبله فلوسه انت شتسوي بالحاله هذي اخوي . اطالب من انت ؟
اخوي لازم تفهم شي انك متخلي بينك وبين المالك اي علاقه بتاتا خل المعامله عن طريق مكتب العقار واذا اصر المالك علي المبلغ لاتمانع ولكن اطلب ضمان ايضا من المكتب علي المالك بدفع مبلغ في حالة تراجعه عن البيع نفس المبلغ اللي انت تدفعه لهم واذا قالك المكتب انه المالك رافض قولهم شلون تبون تضمنون حقه ونا متضمنون لي حقي يمكن المالك يغير كلامه انا شلون اضمن حقي يعني لو غيرت انا كلامي تاخذون المبلغ علي كامل وهوياخذ 30000 ونتم متاخذون عليه شي واذا اصر المالك بعدم الدفع ونت محتاج البيت لاحول ولا قوه خذ وصل من المكتب ويكتب عليه الوصل في حالةانسحاب المالك عن المبلغ 30000 الف ريال للمشتري اللي هو انت....يقوم المكتب يسترجعلك المبلغ كامل للمشتري وقول للمكتب انا ماضمن الرجال انا اضمنكم انتو عطوني وصل ونتم المسولين عن استرجاع المبلغ في حالة التراجع وطلب منهم ايضا اهم شي النقطتين هذي اخوي وبكذا تكون ضمنت حقك القانوني ومالهم عليك اي حجه بعدها والله يجعله من نصيبك اخوي

[سهم قطري]

مشكورين على المشوره والله يكتب اللي فيه الخير ووقت الاتفاق لازم آخذ معاي واحد خبره في هالسوالف عشان يكون معاي وشكرا مره اخرى