سياحه واستثمار ؟ موضة 2007 ؟ هل صحيح هالكلام؟؟؟ ام نصب ؟؟

[ملكة البورصة]

السلام عليكم ومرحبا فيكم بعد هالانقطاع؟؟

قبل لاطرح هالموضوع اتمنى الرد يكون منطقي ومقنع من الجميع؟؟

مثل مالحظتوا او سمعتموا بشركه او شركتين تسوق فالوقت الحالي للاستثمار والسياحه؟؟ انك تدفع مبلغ وتمتلك عقار مده 40 سنه وتورثه او تبيعه وايضا اذ ماودك تسكن فهالعقار او لك خيار أتاجر هالعقار وهو طبعا ملك لك ؟ والشي الحلو ان اذ لا سمح الله صار شي بهالعقارتقدر الشركه تعطيك نفس اسم العقار او الفندق او المنتجع بس في افرعها الثانيه عكس الشركه الثانيه اللي مالها بديل اذ احترق المكان خلاص راحت عليك؟
اضافه ان لك نظام يسمونه تايم شيرنق وهو تبادل الوقت عن طريق شركة عالميه معروفه وهي ان غير الدوله اللي انت لك عقار وصك ملكيه ؟ هناك دول تقدر تزورها حول 12 اسبوع فالسنه او تهدي ربعك او اي حد هالاقامه ولك الخيار من ضمن 99 دوله و اكثر من 5000 فندق او منتجع .. وطبعا كل هاي من المبلغ اللي انت دفعته...

جات شركات سابقه وناس تقول انها انصبت عليهم؟

بس احدى هاالشركتين اللي ذكرتهم فبدايه موضوعي صاحبها انسان معروف فالدولة ويقدم لها دعم كبير ؟؟ وبرنامجهم منطقي ؟؟ بس مادري ايش رايكم اذ عندكم اي وجهه نظر؟؟؟:con2:

[qatari1]

والله يا أختي الموضوع كله نصب واحتيال....:court:
وطريقتهم أصلاً مشبوهة،، يعني مكان المقابلة، والموسيقى التي يشغلونها أثناء المقابلة، وادفع اليوم بتحصل خصم كبير، ووإذا بتدفع بكرة مافي خصم!crazy

أما موضوع إنهم مدعومين من شخصية كبيرة في الدولة فلا تصدقين هذا الكلام، يعني في الشارقة مثلاً حصلت واحد من إياهم يقول صاحب الشركة هو حاكم الشارقة!:court:

الواحد يسافر بالطرق المعتادة، ويحجز في الفنادق أو الشقق، وبلا عوار راس.:dance

[سهم الدوحة]

ملكة البورصة أحذركي أن تدفعي لهم شيئ .:anger2:

وأحذر الجميع منهم

والله أنهم كذابين ونصابين ...

وشغلهم وسخ وتحايل على الناس

بنات متزينات... وموسيقة صاخبة ...

ومندوبين يتبادلون الأدوار في الجلوس ..

الهدف : هو محاولة تشتيت ذهن العميل وشلة عن التفكير !!

بدعوة : الدفع فورا قبل فوات الفرصة !!!!

والله أنهم كذابين ...

و(( الدليل أن كلامهم خلال العرض .. يختلف تماما عن

العقد المكتوب !!!))
أقرأي العقد جيدا... تجدينة مختلف تماما عن ما قيل لك

خلال جلوسك معهم ...كلة تحايل .

وإذا دفعتي مقدما عندهم بدعوة أنها فرصة ... لن ترجع أموالك

ولا ريال إذا تراجعتي ...

أحذر الجميع خاصة شركة الفصول الأربع :anger2:

العقد عندهم : عبارة عن مشاركة بشراء عدد من الأسهم في بناء

عقار بلبنان لشخص يملك أرض ...وانت مشارك بهذه الحصة !!!!

وشكرا

[ملكة البورصة]

احترم رااااااااايكم والف شكر عالتنبيه ,, حابه اعلق بشي بسيط:

1- الشخصية المهمه اللي داعمتهم انذكر اسمها وانكتب اسمها فالعقد ,,
2- العقار عباره عن شاليه او فيلا باحد الدول العربيه واذ صارت مشكله بهالموقع مثل عمل ارهابي او اي شي غير متوقع هناك كذا فرع لهذا العقار بنفس الدوله بعده مناطق , يعني صك ملكيتك محفوظ
3- اكيد هناك عقد ولكن في حاله اختلاف الطرفين تدفع غرامه 40% من قبل الشخص اللي اخل ببنود العقد .. وموثق من المحاكم القطرية ووزاره !!!!!!! في تلك الدوله.
4- اذ العمليه نفترض مش نصب . معناه انك بدل ما كل سنه تدفع 20 الف ومافوق رسوم سفره طويلة مع الاهل وهالفلوس خلاص راحت وبعد كل سنه انت راح تدفع وتخسر نفس الفلوس او اكثر ,, انت بهالاستثمار تدفع مبلغ او نس المبلغ يتراوح 27 الف تقريبا وتقدر تسافر اي مكان ضمن الدول المذكورة ماعليك سوى التذكرة فقط ... وتعاملهم مع شركه عالمية اسمها ار سي ار وانا دخلت على موقعها فالنت وشفت تاريخها
5- هالشركة اللي تسوق حق هالخدمة لها فروع فالكويت وعمان والامارات وبريطانيا واليابان, هل معقول لو كانت نصب انها بتكمل فالدوحه ومحد اكتشفها طول هالسنين, اتمنى من كباريه وهوامير المنتدى يتقصون بالموضوع لان وااااااااايد ناس شاركوا معاهم...

اتمنى عدم الاستهانه بالموضوع وخاصه لو كان نصب واحتيال حمايه للشعب والناس والشباب اللي شاركوا معاهم... التفرج غير مقبول عشان باجر اذ صارت السالفه نصب تقولون القانون لا يحمي الاغبياء .. اللهم قد بلغت اللهم فاشهد

[سهم الدوحة]

أسم وهمي .... والله يسامحة إذا هو يعرف عملهم !!!

لأني تراجعت عن العقد خلال أقل من 12 ساعة بعد قرأتي جيدا للعقد ..وهو

يختلف عن ما تم ذكره من موظفي المبيعات ...ولم يرجعو لي ريال واحد

بدعوة أن مكتبهم الرئيسي في لبنان لم يو فقوا على رجوع المبلغ لي !!!

كما أن البطاقة الذهبية للخصومات في الفنادق والأسواق التي توزع

لعملائهم غير معترفة بها في قطر !!!!

حسبنا الله عليهم

[falamarzi]

انا مرة اشتركت معهم ودفعوني 7000 ريال دفعه وعطوني هديه طقم قلاسات ما يسوي خمسه ريال ولا شفت لا شقه ولا شئ وكل ما بغيت احجز قالوا هالوقت مافيه حجز ومليت منهم وطلبت ارجع فلوسي قالوا مافيه ويطالبوني الحين بباقي المبلغ 23000 ريال ورافعين علي قضيه في المحكمه ........... يعني احذروا منهم كلهم مافيا

[AL-ZAINA]

السلام عليكم ورحمه الله وبركاته

انا دايما اتصفح المنتدى بس وهذي اول مره اشارك
لان الموضوع حركني بصراحه


اول شي احب اشكر ملكة البورصه عشان افتحت هذا المجال للمناقشه

ااما بخصووص هذي الشركه انا شريت منهم العقد

والعقد حلوو من ناحيه استثمار اكثر من سياحه

انا فكرت فيها من ناحيه بدل ماسافر على حسابهم استثمر فيه والفلوس اللي بدخلها بسافر فيها والحلو ان انت ضامن سكن في احد الدول مثلا ووقت الصيف تكون الحجوزات فل

وانت تعلن ان عندك سكن راح يكون في اقبال وغير هذا المميزات اللي معطينك اياها مميزات
حلوووه وخصومات غير

خلنا من رايي انا الحين

العقد كان واضح ومضمون وشركه معروفه وهي قطر لاند (مادري اذا عادي اذكر اسم الشركه ولا لا ) وصاحبها شخصيه معروفه وانا شفت سجل الشركهوو الشركه لها فروع كثيره
وهناك ضمانات لك ان العقد مافيه اي نصب ولا احتيال
وموثق من وزاره السياحه في الدوله اللي انت حاجز منها
ومن المحكمه

وباقي الكلام اللي باقوله نفس اللي قالته بالضبظ من ناحيه نشاطات الشركه وومميزاتها

انا كنت اعرف ان في شركات غير مضمونه وتنصب على الناس
بس هذي الشركه غيرت طريقه فكرتي
واقنعوني بكل شي لان كل شي واااضح ومبين فالعقد


واتمنى اني اكون وصلت الفكره لكم

وان شاء الله مايخيب ضني فالشركه لان انا معاهم من 7 شهور وللحين ماشفت منهم شي مب حلو كلش

ويعطيكم الف عافيه

[بوحمد2]

انا مالوم النصابين وعلى راسهم شركه الفصول الاربعه؟
انا الوم وزاره الاقتصاد الي ماتحرك ساكن والي ماتتئكد من نوع النشاط الممارس للشركه النصابه ؟للعلم الفصول الاربعه وقفوني في1995تقريبا عند كيوتل .وسئلوني سؤال باااااااااااايخ جدا مثل وجواهم ولما جاوبت بحقاره قالوا لي الف الف مبروك فزت بجائزه ضخمه.ولاكن حتى تستلمها لازم تروح الحين خلال ساعه شركه الفصول الاربعه عند شخص اسمه.....حتى تستلم الهديه فورا. المهم لما رحت لقيت المستهدفين كلهم شباب 100%والمستقبلين كلهم لبنانيات من النوع الي بالي بالكم .وابشركم ماسلموني الهديه وقالوا لي الهديه بعد ماتدخل شريك معنا في مشروع بيكلفك 35000ولاكن ممكن تدفع لنا اليحين20000والباقي اقساط.قلت لهم ادرس الموضوع وارد عليكم.قالوا توكل وهات 18500استثناء خاص .المهم قعدت تنزل تنزل الي ان وصلنا 500وهو مربط الفرس .ولاكن رفضت بحجت اني مدين شخص 100000واول مايسدد لي بدش معاكم.وبعدها حاولت معاي من خلال الاتصالات المستمره حتى انها تريد تواعدني خارج نطاق العمل(ارتاحت لي )مدري لي والاحق100000
فقلت لها بالحرف الواحد (انتي بنفسك تبيني بالحرام اشلون اامن لك واامن حق الشركه المجرمه الي انتي فيها)

[ملكة البورصة]

الف الف شكر على مشاركتكم وردودكم وطبعا وجود شركات سابقة نصبت على ناس جعل شريحه كبيره ترفض مجرد التفكير بهالموضوع..
اشكر الاخت الزينه على ذكرها اسم هالشركه وفعلا انا قصدتها لان في ناس اعرفهم من كم يوم اشتركوا معاهم ومن بين هالناس واحد تم النصب عليه من قبل الفصول الاربعه وكان يحذرالاهل خوفا من التعامل مع اي شركه وفعلا مثل ماذكرتي كل شي انذكر من عرض موجود بالعقد وموثق وفعلا تفكيرج سليم من ناحيه الاستثمار لاني انا فكرت بنفس الطريقه وياليت مثل ماذكرت ياااليت واتمنى كباريه المنتدى واللي فيهم خير للناس مو اللي يكوشون الخير حق نفسهم ويطمعون ياليت يستفسرون اكثر من الموضوع عشان الفايده اتعم صغار المواطنين وبسكم طمع..
مثل ما انتوا عارفين البورصه وعليها السلام من زماااان واللي مايبي فلوسه يحطها هناك لازم الناس تتوجه الى اكثر من شغله كاستثمار عقاري وغيره وتترك البورصه لسنيييين وللاجيال القادمه...

وتذكروا حب لاخيك ماتحبه لنفسه والمصلحه تعم ولا تخص

والموضوع قابل للنقاش والباب مفتوح للتحقيق....

وشكرا

[AL-ZAINA]

ملكه البورصه انا كنت برد عليج عالخاص بس مايصير لان مشاركاتي اقل من 100

احب اقولج انا اروح واجي عليهم دايما

بس ماستغليت العقد للحين ولا سافرت من خذته الين الحين بس باقولج شصار معاي

انا اول ماتصلو فيني قالو لي انتي ربحتي ومادري ايش انا اول ماسمعت هالكلام صج ضحكت عليهم وقلت مب رايحه بس صادف في نفس اليوم اللي كان موعدي معاهم كنت فاضيه

قلت خلني اروح والحق الكذاب لي بيت هله وانا ماوراي شغله
المهم اني رحت عطوني هديه سكن في 99 دوله في اي بلاد انا ابيها لشخصين في اي فندق او منتجع انا ابيه المهم اني خذت الهديه

وعقب عطوني محاضره شطووووووووول ان كوني انسانه ماحب الف وادور وراسي يعورني

اول كلام قلت له انت تذكرني بالمدرسه وحصه التاريخ بعد
خلصني وعطني الخلاصه
قال لي احنا عندنا كذا وكذا وكذا والسالفه كلها اللي تعرفينها
قلت له عطني ضمانات انت انتو ماتنصبون علي
وانت ايش تستفيدون
المهم عطاني العقد وقريته وقال لي سددي نصف قيمه العقد واستلمي صك الملكيه ووراني كتاب شركه ار سي اي وهي شركه عالميه في اتفاقيه تبادل بينهم

وكل شي موثوق من وزاره السياحه
اذا انتي متخوفه منهم كلمي محمد فوزي هو حليو وطيب وبيفهمج كلشي عدل
قبل لا تدخلين شي انتي مب متطمنه له
انا من ناحيتي متطمنه منهم وكل شي موضحينه لي عدل

واذا في عندج ششي بتسئلين عنه انا موجوده وانتي تامرين

[ملكة البورصة]

هلا فديتج تسلمين واكيد ابي استفسر انتي سافرتي فالهديه والا للحين .. لاني رحت لهم مع اخوي واخوي متخوف لان ربعه كانوا فالفصول الاربعه وانتي تعرفين الباقي...

المهم اذ عندج اي تفاصيل راسليني عالايميل.. ومشكورة انا سويت معاهم عقد بس مادفعت لهم اي شي للحين انتي صار لج 8 شهور معاهم دفعتي شي او ماجربتي سفرتهم وحجوزاتهم ومشكورة على مشاركتج

malekat_albor9a@hotmail.com