قصيدة تقطع القلب

[امل الحب]

حمدان يا حمدان .......... أمك توصيك
قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمه وعطف الأم
الله يخلي لنا امهاتنا يارب
ويارب تكون هالقصيدة درس للكثير من الأبناء
ودرس لزوجات الأبناء الي يحرضون الاولاد على عقوق أمهاتهم
والدنيا دوارة

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)
الله يكون في عونها آميــــــــــــــــن

منقول من ايميلي..

[خفايا الروووح]

حزينه حيل هالقصيده مع انها مكرره بس كل مااقراها احس كأني اقراها اول مره

ويعطيج ربي الف عافيه امل :o

[ريم قطر]

اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
تسلمين ياامل

[امل الحب]

حزينه حيل هالقصيده مع انها مكرره بس كل مااقراها احس كأني اقراها اول مره

ويعطيج ربي الف عافيه امل :o

الله يعافيج ونعتذر اذا كانت مكررة.. :looking:

[امل الحب]

اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
تسلمين ياامل

الله يسلمج حبيبتي.. :)

[falamarzi]

لا حول ولا قوة الا بالله اذا هذا الولد ما بر بأمه فأنه مافيه خير لأحد وهو قمه التخلف والانانيه ............ أمثال هذا الرجل يجب ان لا يسلم عليه ولا يمد له يد العون ولا المساعدة في أي شئ لأنه خـــــــــــــــــــــــــــــــــــــــــــــــــ ـــــــــــــــــــا ئــــــــــــــــن لكل معروف من غير أمك في هالدنيا تستاهل ؟؟؟؟؟؟

[تيتانيوم]

ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا


مسكينه والله
حسبي الله ونعم الوكيـل

[انت طيب]

قصيده جميله .... ومؤثرة ...
مشكورة اختي ع النقل ....

[امل الحب]

لا حول ولا قوة الا بالله اذا هذا الولد ما بر بأمه فأنه مافيه خير لأحد وهو قمه التخلف والانانيه ............ أمثال هذا الرجل يجب ان لا يسلم عليه ولا يمد له يد العون ولا المساعدة في أي شئ لأنه خـــــــــــــــــــــــــــــــــــــــــــــــــ ـــــــــــــــــــا ئــــــــــــــــن لكل معروف من غير أمك في هالدنيا تستاهل ؟؟؟؟؟؟

يعطييك الف عاافية عالمرور وجزاه على رب العالمين..

[امل الحب]

ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا


مسكينه والله
حسبي الله ونعم الوكيـل

يعطيييك الف عافية عالمرور..

[امل الحب]

قصيده جميله .... ومؤثرة ...
مشكورة اختي ع النقل ....

العفوووو وتسلم عالمرور..