دقيقة من وقتك الثمين

[abdulla999]

يجماعة ليش منتعاون من إجل حل مشكلة الايجارات لمساعدة المساكين والمحتاجين صراحة المبادرة لازم تكون من اصحاب العقارات مش من الدولة ما نقول الدولة هي السبب ، إذا كان الواحد معاشة 3000 ريال ولايجار4000 ريال شيسوي وعنده عيال ولتزامات إنا اتفق معاكم انه الواحد مش لازم يفكر لان الرزق بيد الله سبحانه وتعالى لاكن شيطان شاطر ويخلي الواحد يفكر ، يجماعة ناس متضررة واصحاب العقارات والشقق رفعين اجاراتهم على الاجانب والمساكين ، ولا همهم شئي غير الفلوس وهذا حلالي وكيفي تبي خذ ما تبي خل .
تذكرو يمسلمين قال الرسول صلى الله علية وسلم ( إرحمو من في الارض يرحمكم من في السماء )
كم رجل رجع عائلة بلدهم والمسكين قعد يكافح وعايش كانه عزوبي يناس ترى هذي مشكلة لازم تنحل ، حنا من نقول من 4000 ريال سو 1000ريال لا في حدود المعقول والله حرم .
أنا اعرف شباب وايد معارضين فكرة الزواج الحين علشان كلشي غالي إيذ الايجار غالي اكيد كلشي بيكون غالي وهذي فرصة البنوك يرفعون مدة التقسيط 15 سنة منتهزين الفرصة :looking:
بقولكم سالفة ،كان في وحد مطوع شغال في الدعوة ولارشاد كان ساكن في عمارة ايجارها 1200 ريال والمسكين معاشة 2000 ريال وعايش والحمد الله تخيلو راعي العمارة رفع الايجار 3500 ريال مرة وحدة :eek2: المسكين رح وكلمه قام وتحجج يقول بهد العمارة بعد اسبوع المطوع مسكين ود هلة بلده وعاش مسكين مع مطوع مسجد في غرفته هذي بعد ماتعبت ويه وحنا ندور حصلنا من قولل لا لكن الايجار اكثر من معاشة كسر خاطري:eek3: .
وترى كلشي مرتفع وسبة اصحاب العقارات لي رافعين اسعارهم فوق :D بدون سبب وعلشان فلان رفع وانا مارفع مايصير اطمع بس ترى الفلوس مفيها خير والعمر لحظة بعدين الواحد بيندم ( ربي ارجعون لعلي اعمال صالحاً فيما تركت ) وسمحولي على الاطالة وهذي الواقع .
والحمد واشكر الله محد ميت جوع في هل البلد وفي ضل بومشعل .

[bo_hamad]

كلام جميل اخوي عبدالله انا معك في الرأي مشكلة الشيطان اللي وسوس في عقولهم وطمعوا وجشعوا في الارض واتمنى بأن الله يهديهم ويرشدهم واتمنى من الدعاة مخاطبة الناس في صلاة الجمعة بخصوص هذا الأمر والله المستعان

[bu shhab]

الله يعطيك العافيه

الله يهدينا ويهدي الجميع

[ملكة البورصة]

هلا اخوي معاك حق بس في نقطه مهمه جدااااا :

اصبح الكل يبي الفلوس باسرع وقت ممكن وهذي الرغبه هي اللي تدهور صاحبها واقصد ان البلاد اصبحت في طفرة محتاجه ناس على مستوى من العلم والتطوير والتدريب عشان يقدرون بتماشون مع التطور للاسف شبابنا وبناتنا بمجرد انهم يخلصون من الثانويه على طول يدورون الشغل , البعض منهم محتاج وخاصه اذ كان يعيل الوالدين ومحتاج يصرف والبعض يتخذ هالخطوة فرصة عشان يسوي كل اللي انحرم منه من ذل المصروف وكل لا لا لا ماففي فلوس فالشخص يظهر حرمان هالاسنين ويتجه لشد هالحاجه وللاسف اذ راحت السكره جات الفكرة..
تروح الفلوس حق الكشخه والالتزامات اللي تفوق مدخول الفرد.. هالكلام موجه لهالجيل .. الله يعينكم كل شي بدى يصير صعب فلازمالواحد من الحين يحدد ايش هو يبي يوصل له وعلى هالاساس يجتهد ويشد حيله ويدرس ,, بسكم من الغش فالامتحانات عشان تنجحوون بسرعه وتشتغلوون ... هذا الكلام ليس الهدف منه الانتقاص او التجريح وانما توعيه الشباب والشابات لشي احنا اللي عاصرناه نشوفه ونحسه وهم للحين ماحسوا ولا شافوا نصيحه كملوا تعليمكنم واللي مايقد يكمل تعليمه يطور نفسه واااايد برامج تدريبيه ومعلومات بالنت الواحد يقدر يدرسها ومهارات يكتسبها.. ويقدر يغير وظيفته .. الغلط انا نعرف بمحدوديه قدراتنا وراضيين ولا ناويين نغير من منفسنا ولا نشوف فرص عمل بفرض النفس ورزة الوجه وبعد مايمرالعمر وتمر السنين نبتدي نحس وبعد ماتزد وتكبر المسؤوليه نلوم الدوله وتوجهات التطور...

لازم نعرف هذا واقع وموجود فكل الدول لازم احنا نتغير عشان نواكب التطور , اذ اليوم الماي والكهرباء ببلاش واحنا نتذمر على الاجارات واغراض الجمعيات شلون باجر اذ فرضت علينا الدوله ضرايب واستوت الكهرباء بفلوس..

يا شباب ويا بنات ... خلوا عنكم لهو الدنيا والكشخه واللعبه اللي من غير تحكم وضبط وانفعوا نفسكم بنفسكم عشان تعيشوون معززين مكرمين محد يذلكم ولا حد يمد يده حق حد لان فالاخير هذي دنيا محد بتام فيها..

اسفه للإطاله بس هالموضوع وغيرة لابد دورنا ان ننبهه ونوعي اخوانا واخواتنا اذ كانوا لا يلقون هالوعي لا فالاعلام او فالبيت او حتى الربع..

واعتبروها5 دقايق من وقتي الثمين اللي مايغلى عليكم

[M O 7 A M M E D]

كلام سليم اخوي ..

ولكن كيف تقنع التجار وملاك العقارات بهذا الشي .. ؟؟

[abdulla999]

يعطيكم العافية على ردوكم وقتكم الثمين والله المستعان
ترى الكلمة الحلوة فيها اجر كبير والله يهدي الجميع

[al_1000]

يجماعة ليش منتعاون من إجل حل مشكلة الايجارات لمساعدة المساكين والمحتاجين صراحة المبادرة لازم تكون من اصحاب العقارات مش من الدولة ما نقول الدولة هي السبب ، إذا كان الواحد معاشة 3000 ريال ولايجار4000 ريال شيسوي وعنده عيال ولتزامات إنا اتفق معاكم انه الواحد مش لازم يفكر لان الرزق بيد الله سبحانه وتعالى لاكن شيطان شاطر ويخلي الواحد يفكر ، يجماعة ناس متضررة واصحاب العقارات والشقق رفعين اجاراتهم على الاجانب والمساكين ، ولا همهم شئي غير الفلوس وهذا حلالي وكيفي تبي خذ ما تبي خل .
تذكرو يمسلمين قال الرسول صلى الله علية وسلم ( إرحمو من في الارض يرحمكم من في السماء )
كم رجل رجع عائلة بلدهم والمسكين قعد يكافح وعايش كانه عزوبي يناس ترى هذي مشكلة لازم تنحل ، حنا من نقول من 4000 ريال سو 1000ريال لا في حدود المعقول والله حرم .
أنا اعرف شباب وايد معارضين فكرة الزواج الحين علشان كلشي غالي إيذ الايجار غالي اكيد كلشي بيكون غالي وهذي فرصة البنوك يرفعون مدة التقسيط 15 سنة منتهزين الفرصة :looking:
بقولكم سالفة ،كان في وحد مطوع شغال في الدعوة ولارشاد كان ساكن في عمارة ايجارها 1200 ريال والمسكين معاشة 2000 ريال وعايش والحمد الله تخيلو راعي العمارة رفع الايجار 3500 ريال مرة وحدة :eek2: المسكين رح وكلمه قام وتحجج يقول بهد العمارة بعد اسبوع المطوع مسكين ود هلة بلده وعاش مسكين مع مطوع مسجد في غرفته هذي بعد ماتعبت ويه وحنا ندور حصلنا من قولل لا لكن الايجار اكثر من معاشة كسر خاطري:eek3: .
وترى كلشي مرتفع وسبة اصحاب العقارات لي رافعين اسعارهم فوق :D بدون سبب وعلشان فلان رفع وانا مارفع مايصير اطمع بس ترى الفلوس مفيها خير والعمر لحظة بعدين الواحد بيندم ( ربي ارجعون لعلي اعمال صالحاً فيما تركت ) وسمحولي على الاطالة وهذي الواقع .
والحمد واشكر الله محد ميت جوع في هل البلد وفي ضل بومشعل .


انا معاك اخوي في الرأي .. (مب ماخذين من الدنيا غير الاعمال الصالحه اما الفلوس بتم مكانها)

[a7medooo]

موضوع جميل اخ عبدلله :) :) بس ما اعتقد ان الإيجارات بتنزل والكل يقول لازم نتفاهم مع المؤجرين ونقنعهم بإخفاض الإيجارات بس لا نحط اللوم عليهم ولا على المستأجرين اقولك ليش.....؟:con2: :con2: :con2:
اولا:لأن نفس ما انت عندك إلتزامات ومصاريف اكيد المؤجر عندة مصاريف
ثانيا: اذا انت عندك بيت إجار وشايف كل الإيجارات بحدود 4000 ما اعتقد انك بتأجرة 1000 ريال صح ولا لااااااا.....؟
ثالثــا : انا مع المستأجر لأنهم زودوها شوي:anger2: في الإيجار يعني المفروض الواحد يزود 200 ريال إلى 500 بعد انتهاء العقد اذا يبي يزود ..... بس ماشالله عليهم مايزودون إلا 1000 وطالع وإنشاللـــةomen تنحل المشكلة
وسلااااااااااامتكــــــــــــم :dance :dance

[مدور عقلي]

مشكلة كبيرة وانشالله تفرج على الجميع بس يا الطيبين ......
نبي حلول للمشكلة مانبي تعليقات ايش نسوي .؟؟؟؟؟؟
وشكرا اخوي على طرح الموضوع::nice:

[boooooon]

ما حد سامع

[بوحمد2]

اتمنى الفرج للجميع

[ملكة البورصة]

كلام سليم بس الجهات ماقصرت وحكرت للناس قبل يزيدون على كيفهم الحين من حق راعي العقار زياده 10% فقط كل سنه على المستاجر يعني لو انت امأجر الفيلا ب12000 زيا
تك الينه الجابه 10% يعني 1220 اظن يعني يكون اجاره 1320 وهلم جرة ..
قبل لازم تنتظر ينتهي عقد الأجار الحين لا عادي بس بحدود 10%