أبوتركي
17-03-2007, 09:38 AM
هند السويدي - ليش يتأخرون الشباب في الزواج ؟
مسألة الزواج اليوم صارت من المواضيع اللي نناقشها على طول لكن من دون ما نحط لها حلول .. وهي فعلا مشكلة كبيرة تهم شريحة الشباب اللي يبون يبتدون حياتهم بإكمال نصف الدين لكن يواجه مشاكل ويعاني من المسؤوليات اللي لا اول لها ولا تالي .. و(يتمشكل ) مع لوازم الزواج ويتم طول عمره أسير للمديونيات والسلفيات ويشوف نفسه غرقان في بحر كبير ما له أول ولا تالي .. أبي أتطرق اليوم لموضوع تأجيل الشباب لمشروع الزواج .. أحيانا يناقض الشباب نفسهم يعني تلقى منهم اللي يضيع فلوسه على شراء أرقام متميزة وما يتردد إنه يشتري أغلى السيارات ويتفق مع الربع على السفر وقت العطلات والإجازات الطويلة ويضيع فلوسه عليه وعليهم وما يفكر إنه يدخر له شوي للمستقبل .. وبعدين تلقاه يروح لأمه ولا لأبوه يطلب منهم يدورون له بنت الحلال .. والوالدين ودهم اليوم قبل باكر يفرحون بعيالهم ويزوجونهم ويشوفون ذريتهم .. لكن إذا ها الشاب ما يبي يفكر بالواقع ولا يبي يساعد نفسه في إنه يحافظ على فلوسه ويجمع حق مهر العروس .. شلون يبي الزواج ..
الأهل لو بيساعدونه باللي يقدرون عليه .. والحين حتى ما تلقى الأهل مثل قبل حريصين على إنهم يقدمون عينية للشاب اللي بيتزوج من أهلهم فتلقى كل رافع إيده عن الموضوع اللهم إلا المقتدرين من أخوانه .. وبنت الحلال صحيح إنها تبي الستر بالحلال لكن ما تبي تتزوج برخيص .. خير الامور الوسط ولا إفراط ولا تفريط ..
لكن كلفة الزواج مرتفعة .. والواحد لابد إنه يضمن على الأقل قيمة المهر لو كان على أكثر تقدير ثمانين ألف مثلا .. فشلون تبون العروس توافق على مهر بو 40 أو 50 ألف فقط في ظل ها الأسعار المرتفعة للمواد الاستهلاكية والملابس والمجوهرات مثلا وهي تسمع أن خطيبها شاري سيار ة بـ 200 ألف وزود .. فلا بد من الشباب أنهم يوزانون بين حبهم للكماليات وبين مهر العروس .. والسالفة ترى مو بس مهر للعروس ... السالفة اليوم إنه غير المهر في دبلة الخطوبة وحفلة خطوبة وفي حجز قاعة أفراح وفي هدايا اللقاءات المتكررة وقت الخطوبة حتى تكن ( الدنيا حلوة ) معاها وفي حجز فرقة للعرس وعزايم ليوم العرس وثاني يوم العرس وفي صباحية الزواج وفي هدية لأم العروس وفي سفرة شهر العسل اللي تشفط كل اللي في الجيب وكل اللي تقدر تجيبه بالفيزة والأسهم وما إلى ذلك بحيث إن الواحد يشوف نفسه إن لو ما فكر بالزواج كان أحسن أو إنه لو بدون ها الأسهم اللي حاطها هني وهناك كان ما قدر يجامل ولا يدفع .. وبعدين المسألة مو مسألة زواج وبس .. المسألة إن الواحد ما يقدر يكمل مشوار حياته الزوجية على اعتبار أن الشقة اللي مأجرها ماخذه الأول والتالي وتخلي الفرحان بالزواج لما يدخل الجمعية ويحصر الطلبات والمؤونة يخرج منها بحسرة و( البوز شبرين ).. ولما الله يكون كريم وياه ويعطيه بدال الولد توأم بنات ومصاريفهم من حفاظ وحليب وعيادات وغيره يحس فعلا إنه اشتبك في دوامة مو قادر يطلع منها ولا هو قادر يتخلص من التراكميات من الديون ولا قادر يطور نفسه في الوظيفة اللي ما تعطيه غير راتب خريج او سنير معقدينه بالشغل بمربوط درجة ما يطلع منها بترقية إلا بعد عشر سنين وبعلاوة ترقية ما توصل 200 ريال ..
المشكلة مو في ها الشاب اللي فكر يتزوج وتوهق .. المشكلة في الشباب العزوبية اللي لما يشوفون واحد من ها الربع تزوج وتراكمت عليه البلاوي والمسؤوليات ما يفكرون يكررون المأساة .. ويسمون الزواج بالقفص الذهبي وهو فعلا ذهبي لكنه اسمه قفص ! .. وين المهتمين بمشكلات الشباب ؟ليش ما يمدون يد العون والمساعدة للشباب القطري اللي لما الواحد يسمع قطري يقول عنده بترول في بيته وأسهم في البورصة وفلوس بالبنك.. صحيح إن في شباب يخربون على شباب لكن في شباب ملتزمين وحريصين ويدبرون ألف طريقة طريقة لإنعاش الزواج ويدخرون اللي عندهم للزواج والمستقبل لكن المسألة إن حتى ها النوعية الإيجابية من الشباب تلقى المصاعب أمامها.. وتعاني من ارتفاع الأسعار بشكل كبير والإيجارات ما ترحم .. وراتب الوظيفة ما يكفي.. وحتى العينية اللي تمنحها الدولة لهم ما تكفي إنها تغطي مصروفات الزواج.. حتى لو فكر الشاب إنه يقنن الزواج ويفكر فقط في الأساسيات ويترك الكماليات لكن يبقى الحمل ثقيل .. فاناشد بالنيابة عن الشباب أن يقوم مجلس الشورى مثلا بتعديل منحة الزواج المقدمة من الدولة .. وأناشد الجهات المسؤولة عن مشكلات الشباب إن تقدم حلولا للازمات المالية اللي تصرف الشباب عن الزواج الحلال وأناشد الإعلام بكل وسائله إنهم يهتمون لمسألة الزواج ومناقشة الصعوبات وعرض الحلول الممكنة ..
مسألة الزواج اليوم صارت من المواضيع اللي نناقشها على طول لكن من دون ما نحط لها حلول .. وهي فعلا مشكلة كبيرة تهم شريحة الشباب اللي يبون يبتدون حياتهم بإكمال نصف الدين لكن يواجه مشاكل ويعاني من المسؤوليات اللي لا اول لها ولا تالي .. و(يتمشكل ) مع لوازم الزواج ويتم طول عمره أسير للمديونيات والسلفيات ويشوف نفسه غرقان في بحر كبير ما له أول ولا تالي .. أبي أتطرق اليوم لموضوع تأجيل الشباب لمشروع الزواج .. أحيانا يناقض الشباب نفسهم يعني تلقى منهم اللي يضيع فلوسه على شراء أرقام متميزة وما يتردد إنه يشتري أغلى السيارات ويتفق مع الربع على السفر وقت العطلات والإجازات الطويلة ويضيع فلوسه عليه وعليهم وما يفكر إنه يدخر له شوي للمستقبل .. وبعدين تلقاه يروح لأمه ولا لأبوه يطلب منهم يدورون له بنت الحلال .. والوالدين ودهم اليوم قبل باكر يفرحون بعيالهم ويزوجونهم ويشوفون ذريتهم .. لكن إذا ها الشاب ما يبي يفكر بالواقع ولا يبي يساعد نفسه في إنه يحافظ على فلوسه ويجمع حق مهر العروس .. شلون يبي الزواج ..
الأهل لو بيساعدونه باللي يقدرون عليه .. والحين حتى ما تلقى الأهل مثل قبل حريصين على إنهم يقدمون عينية للشاب اللي بيتزوج من أهلهم فتلقى كل رافع إيده عن الموضوع اللهم إلا المقتدرين من أخوانه .. وبنت الحلال صحيح إنها تبي الستر بالحلال لكن ما تبي تتزوج برخيص .. خير الامور الوسط ولا إفراط ولا تفريط ..
لكن كلفة الزواج مرتفعة .. والواحد لابد إنه يضمن على الأقل قيمة المهر لو كان على أكثر تقدير ثمانين ألف مثلا .. فشلون تبون العروس توافق على مهر بو 40 أو 50 ألف فقط في ظل ها الأسعار المرتفعة للمواد الاستهلاكية والملابس والمجوهرات مثلا وهي تسمع أن خطيبها شاري سيار ة بـ 200 ألف وزود .. فلا بد من الشباب أنهم يوزانون بين حبهم للكماليات وبين مهر العروس .. والسالفة ترى مو بس مهر للعروس ... السالفة اليوم إنه غير المهر في دبلة الخطوبة وحفلة خطوبة وفي حجز قاعة أفراح وفي هدايا اللقاءات المتكررة وقت الخطوبة حتى تكن ( الدنيا حلوة ) معاها وفي حجز فرقة للعرس وعزايم ليوم العرس وثاني يوم العرس وفي صباحية الزواج وفي هدية لأم العروس وفي سفرة شهر العسل اللي تشفط كل اللي في الجيب وكل اللي تقدر تجيبه بالفيزة والأسهم وما إلى ذلك بحيث إن الواحد يشوف نفسه إن لو ما فكر بالزواج كان أحسن أو إنه لو بدون ها الأسهم اللي حاطها هني وهناك كان ما قدر يجامل ولا يدفع .. وبعدين المسألة مو مسألة زواج وبس .. المسألة إن الواحد ما يقدر يكمل مشوار حياته الزوجية على اعتبار أن الشقة اللي مأجرها ماخذه الأول والتالي وتخلي الفرحان بالزواج لما يدخل الجمعية ويحصر الطلبات والمؤونة يخرج منها بحسرة و( البوز شبرين ).. ولما الله يكون كريم وياه ويعطيه بدال الولد توأم بنات ومصاريفهم من حفاظ وحليب وعيادات وغيره يحس فعلا إنه اشتبك في دوامة مو قادر يطلع منها ولا هو قادر يتخلص من التراكميات من الديون ولا قادر يطور نفسه في الوظيفة اللي ما تعطيه غير راتب خريج او سنير معقدينه بالشغل بمربوط درجة ما يطلع منها بترقية إلا بعد عشر سنين وبعلاوة ترقية ما توصل 200 ريال ..
المشكلة مو في ها الشاب اللي فكر يتزوج وتوهق .. المشكلة في الشباب العزوبية اللي لما يشوفون واحد من ها الربع تزوج وتراكمت عليه البلاوي والمسؤوليات ما يفكرون يكررون المأساة .. ويسمون الزواج بالقفص الذهبي وهو فعلا ذهبي لكنه اسمه قفص ! .. وين المهتمين بمشكلات الشباب ؟ليش ما يمدون يد العون والمساعدة للشباب القطري اللي لما الواحد يسمع قطري يقول عنده بترول في بيته وأسهم في البورصة وفلوس بالبنك.. صحيح إن في شباب يخربون على شباب لكن في شباب ملتزمين وحريصين ويدبرون ألف طريقة طريقة لإنعاش الزواج ويدخرون اللي عندهم للزواج والمستقبل لكن المسألة إن حتى ها النوعية الإيجابية من الشباب تلقى المصاعب أمامها.. وتعاني من ارتفاع الأسعار بشكل كبير والإيجارات ما ترحم .. وراتب الوظيفة ما يكفي.. وحتى العينية اللي تمنحها الدولة لهم ما تكفي إنها تغطي مصروفات الزواج.. حتى لو فكر الشاب إنه يقنن الزواج ويفكر فقط في الأساسيات ويترك الكماليات لكن يبقى الحمل ثقيل .. فاناشد بالنيابة عن الشباب أن يقوم مجلس الشورى مثلا بتعديل منحة الزواج المقدمة من الدولة .. وأناشد الجهات المسؤولة عن مشكلات الشباب إن تقدم حلولا للازمات المالية اللي تصرف الشباب عن الزواج الحلال وأناشد الإعلام بكل وسائله إنهم يهتمون لمسألة الزواج ومناقشة الصعوبات وعرض الحلول الممكنة ..