خدمة موزاييك من كيوتل

[صليب الراي]

انا شفت استمارة عند واحد من ربعي عن خدمة موزاييك من كيوتل

واللي عرفته منه انها تشمل الانترنت والهاتف المنزلي والكيبل

مادري في حد منكم مشترك فيها ؟

وشنو فرقها عن الخدمات العاديه الي احنا مشتركين فيها ؟

الانترنت البرق نفس الشي او هاذي اسرع او ارخص ؟

واللي عنده الخدمات من اول شنو بيحصل لو راح لخدمة موزاييك

ياريت حد يعلمنا ويفيدنا لأن فواتير كيوتل الصراحه تقص الظهر

ولو كانت هالخدمه نفس الخدمات لكن ارخص بيكون احسن لنا

انتظر حد يفيدني وجزاكم الله كل خير

[ابوالجازي]

نصيحه اخوي افضل لك

لان المشكله اللى بتواجهك ان كل الخدمات مع بعض يعني لو فصلت المودم راح يفصل عندك الريسيفر .

[BuTurki®]

الخدمة حلوة وسعر اشتراكها 250 ريال شهريا

سرعة النت فيها 512 وخط تلفون ارضي محلي وع خدمة الكاش بالإضافة الى 600 قناة للكيبل

كل هذا انا اخذته مع العرض
اتوقع ان الاسعار تغيرت وصار يدفع لكل باقة تختارها اشتراك شهري


دمتم بود

[Roo7_Qtr]

أنا سمعت ان الانترنت ماتقدر ترفع سرعته فالمستقبل

و ان الكيبل لما تقلب بين القنوات يشير الريسيفر

و الله أعلم

[alwahesh]

انا مع الاخ بو تركي لان عندي الخدمه من سنه تقريبا

والايجار الشهري 250 ريال لكل القنوات

طبعا الايجار يشمل تليفون ارضي + انترنت + كيبل

مميزات الخدمه ان الواحد يقدر يوصل الانترنت بدون وايرات ( واير ليس ) عن طريق مودم خاص ونتورك كارد مع واير ليس فيجر

وبالنسبه عن قص الظهر ابشرك بتزيد عليك الفواتير وتدفع كل 4 شهور 1000 ريال اذا تراكمت الفواتير

اما التلفيزيون او الكيبل من اروع ما يمكن وما في داع انك تفصل المودم ..بس عيبه انه لازم يتركب عند فيشة التليفون لانه بدون (دش) او وايرات . مع خط البيت

معلومه :
الي سمى الخدمه هذي مسؤؤل مصري ويقول ان موزاييك ما تعني موسيقى ولكن مثل ما تشوف الاعلانات في الشوارع عباره عن الحجر او السراميك قطع صغيره

مثل الي كنا نطيرها من طوف البنوك اول ونلعب بها في السبعينات عند مركز العاصمه اذا حد يتذكر منكم ................

[السديم]

السلام عليكم ورحمة الله وبركاته ،،،

الخدمه هذي طارحتها كيوتل تقريبا من سنه وبشكل تجريبي ومن فتره 6 الى 7 شهور تم طرحها للمشتركيين بس بدون اي اعلان خوفا من الضغط والزحمة ومن عقبها الناس تشتكي وتتذمر من بطيء في عملية التركيب ..

مب كل البيوت ممكن تتركب فيها هالخدمه انت يوم تروح تقدم على الطلب اول شي يدخلون رقم البيت في الجهاز اذا المسافه بين البداله والبيت تسمح راح يوافقون على الطلب واذا المسافه ماتسمح بيوقف الطلب وهذا طبعا بشكل مبدئي لين ماتغطي الخدمه كل نطاق الدوله مثل ماصار ايام البرق قبل ..

الخدمه بشكل عام حلوة وايد وقنواتها كثيره ومتعدده وفيها مميزات كثيره منها تسجيل مايعرض في اي قناة رقابة ذاتيه الصورة جدا واضحه بدون تركيب طبق لاقط ..

تشمل الخدمه على كيبل تلفزيوني فيه حول ال 600 قناة + انترنت بسرعة 512 + تليفون ارضي ..

يعني لو بحسبة بسيطه التليفون الارضي بدون اي خدمات سعر الاشتراك الشهري 33 والانترنت سرعة 512 سعر الاشتراك الشهري 200
المجموع 233 صح
هني ممكن في خدمة الموزاييك تضيف خدمة الكيبل وتدفع كل شهر 250 ريال يعني بفارق 17 ريال فقط ..
والانترنت يكون شامل على جهاز واير لس لمسافة 80-100 م

عيوب الخدمه اول شي ان سرعه الانترنت مقيد بها 512 يعني للحين مايستوعب السرعه الاكبر بس في مشروع انهم يطرحون السرعات الاخرى للانترنت ..

ومن عيوبه ان الخدمات مرتبطه ببعضها يعني الانترنت وقف الكيبل راح يوقف معاه ..

عموما اي سؤال حاضرين للاجابه عليه باللي نقدر واي خدمه بعد حاضرين :)

[ورقــة أمــل]

ومنكم نستفيد

[حورية]

السلام عليكم
بس الي اعرفه ان هاي الخدمة اسمها تربل بلاي والموزاييك خدمة جديدة راح تطرح خلال الشهر الجاي وهي عبارة عن قنوات تلفزيونية تستخدم على الهاتف المحمول

[ANONYMOUS]

ابي هالخدمه...

بس عندي خط ارضي.. مابي يديد.. !!

شالحل..

[السديم]

** أختي حورية هي نفسها خدمة التربل بلاي نفسها الموزاييك :)

لها هالاسمين :)



** اخ شنو يعني سعر الدعم .. اذا عندك تليفون ممكن على التليفون اللي عندك تطلب هالخدمه وبيضيفون لك الكيبل والانترنت واذا عندك الانترنت نفس الشي يعني يكون تحويل الخدمه مثل من انترنت عادي الى خدمة انترنت موزاييك وراح تتجمع في فاتورة وحده يعني انت تحدد تبي على رقم ارضي عندك من قبل او تقدم على رقم جديد .. اذا قدمت على رقم جديد راح تجيك كل الخدمات معاه لكن اذا عطيتهم رقم محدد عندك بيشوفون عندك انترنت عليه ولا لا ومن عقبها بيدخلون لك الخدمه ..

MODMANY اسمح لي انت صاحب الموضوع بس حبينا نفيد :)

[ANONYMOUS]

شكرا


سديم
العلاقات العامه
كيوتل

[alwahesh]

اختي حوريه

التربل بلاي لو ترجمنا الكلمه تعني الخدمه الثلاثيه (كيبل وتليفون ارضي وانترنت ) والسرعه معقوله وما في اي علاقه بين خدمه وخدمه
اما التلفزيون عن طريق الجوال حاليا مجاناا لمدة سنه يعني الي يبي الخدمه يشتري جوال سام سونج ( اغاني سام) بحدود 2500 ريال ويتمتع بمتابعة البرامج اعتقد 12 قناة فقط

[السديم]

شكرا


سديم
العلاقات العامه
كيوتل


:anger2: :anger2:


:funny: :funny:


لحد يعلم احد بس :strong

[بن شطان]

ممكن نعرف القنوات الموجوده بالكيبل

[alwahesh]

اخوي بن سلطان اتصل على كيوتل وهم بيقولون لك