المساعد الشخصي الرقمي

مشاهدة النسخة كاملة : يا اصحاب الخبره في مجال العقارات



بنت قطر
03-03-2005, 07:49 AM
شباب ابي نصيحتكم..
اشتري ارض وابني عليها فيله
او اشتري فيله جاهزه

طبعا ابي الأرخص
___________

ابيها لغرض الأستثمار حق اجار ما ابي اسكن فيها

وكم تتوقعون سعر الفيله الحين؟

وفي اي منطقه اتكون ارخص؟

sulai6i
03-03-2005, 08:35 AM
السلام عليكم

اختي على حسب نوع العقار

تبينه سكني .. اشري لج ارض كبيره وابني عليها فيلا

تبين العقار تجاري .. اشتري لج فيلا جاهزة

طبعا السبب ان الفلل الجاهزة اللي قيمتها معقولة تلاقين مساحتها ما تتعدى الـ 600 متر مربع ( مساحة الأرض )
وهذي تنفع تكون فيلا للإجار ..

ويا هلاااا

المستشار
03-03-2005, 08:58 AM
يا بنت قطر كل قتراح له عيوبة وايجابياته
ارض وتبنين عليها يعني / ارض ما تقل عن 500الف ريال تقريباً + بناء الفلا بـ 600 تقريباً + عوار راس البناين ومقصه المقاولين = مينون قصدي مليون و 100الف ريال وضغط ويمكن السكري بعد ، وبعدين بتبيعنها بمليون و200الف ريال أو 250الف حسب التشطيب يعني ربحانه 150الف ريال مع ملاحظة أنك عطلتي فلوسك تقريباً سنه ورابع شهور .
أما اذا شريتي فلا جاهزه سوف تكون تقريباً بمليون 200الف ريال مع الوضع في الأعتبار أنك شيكتي عليها ومافيها عيوب تظهر عقب ما تأجرينها وتسندرين في صيانتها ، ويمن تأجرينها بمبلغ تقريباً من 5000ريال إلى 7000ريال حسب الموقع طبعاً ....وطالعي عاد متى بترد لكي راس مالك ، وبحسبه لك ... متوسط الأجار 6000 في الشهر * (210شهر) = 1260000ريال يعني عقب 17سنة ونصف بتردلك افلوسك ، بس ميزة أن دخل ثابت ، ونصحتي حالياً أو في هلوقت اسثمري في البورصة ما دامت شابه نار .

بنت قطر
03-03-2005, 09:28 AM
حطمتني يا المستشار

هو انا ابي دخل ثابت.. ابي اقعد في البيت واتجيني فلوس كل شهر وانا قاعده
لا شغل ولا يحزنون ولا تعب ولا ضغط
راحة نفسيه

وكل مره اقول بادخل مجال ثاني غير البورصه اشوف البورصه مربحه اكثر

يعني شنو الحل؟
بس يا اخوي الواحد لزام يأمن نفسه
الأرض الأشتثماريه لها مردود مالي صج مب كبير نفس البورصه
بس مب كل يوم طالعه نازله
مره نكسه مره تشرح للقلب
==========

انا اخوي واحد في حالة ابي تجاريه
كم تتوقع 600 متر مربع توصل قيمتها؟
في اي منطقه احسن شي واحسن سعر

قطر
03-03-2005, 12:31 PM
اختي بنت قطر

اشتري ارض وابني عليها

بتطلع لج ارخص

:)

وسوي نظام البيوت الصغيره

اللي اجارها 2500 - 3000 احسن لج لا حوش ولا هم يحزنون

موفقه

بنت قطر
03-03-2005, 12:38 PM
واتظن احسن مساحه كم؟
واخليها نظام الله يعزك حمام ومطبخ
وغرفتين وصاله احسن
وبلا حوش
وفي اي منطقه تنصحني
ابي اصرف قليل واربح اكثر؟

او ممكن اسوي نظام عماره صغيره احسن من الفيلا
اتكون الأرض اصغر وعدد الشقق اكثر
وكم تتوقع عماره طابقين باربع شقق اتكلف

الموفق
03-03-2005, 02:36 PM
شفي اختي انا يمكن افيدج في هالشي :

اول شي على حسب فلوسج تحددين يعني اذا فلوسج حق فلا وحده احسن لج تشتريها جاهزه لانج في النهايه بتشوفين الفرقيه بسطيه واحسبي بعد مده الاجار يعني الجاهزه من اليوم باتجرينها واللي بتبنينها لين تلقين الارض ولين تبنينها يعني سنه ونص لين سنتين اذا انتي ييده يعني راح عليج اجار سنتين

الا في حاله وحده اذا بتبنين من كيربي بس بنيان زين يعني تاخذين لج ارض مساحتها من 650 الى 900 وتبينها كيربي مع السراميك والمكيفات تكون مفروشه يعني بتييب لج اجرا حلو خاصه اذا كانت في الدوحه داخل والبنيان سريع واذا منطقه مافهيا قطريين خليها نظام اوروبي مفتوحه يعني

المهم اذا الارض 900 والفلتين حلوات ومرتبات بالراحه بتييب لج في هالوقت 12 الفلتين وسلامتج وازيدج من الشعر بيت لو ييتي بتبيعينهم بتربحين فيهم وايد واي استعلاام حاضر وسلامتج

Qatari in uk99
03-03-2005, 03:40 PM
والله ياختي بنت قطر انصحك بشراء راض عمارةماتقل مساحتها 500 الى 400 متر او اقل بقليل حتى تبنيبها اربع شقق بتحصلين مردود مالي جيد اقل شى بيكون اجارة الشق 4000 ريال هذا اذا كانت غير مفروشه على العموم يااختي يعتمد على سعر الارض الي بتحصلينها وسعر البناء على مااعتقد 1300-1200 ريال في المترمع تشطيب , خليك من الفلا اذا كنتي عنك مبلغ محترم والعقار هو سند الوحيد للمستقبل...
و الله يوفقك....

بوكر
03-03-2005, 06:44 PM
احسن شيء شراء الفلة جاهزة لانها مريحة ومافيها مشاكل وتتأجر او تنباع بسرعة

واحسن مكان تشتري فيه للاستثمار الآن هو معيذر والريان والمناصير

واذا تبين في المناصير عندي فلتين 5 غرف نوم على الشارع الرئيسي حاجة تفتح النفس مساحة كل واحدة 512 م بملاحقها وحوش يعني تصميم روعة وبسعر ممتاز

900 الف للفلة وقابل بعد

وللعلم ايجار الفلة هناك وصل 8000 ريال وانتي وتوفيق الله لكي

اطيب الأمنيات

بوكر

mohd@mmdouh.com

Dr.Shares
04-03-2005, 09:56 PM
الصراحه فكرت بنفس المشرووع الي فكرتي فيه بس بعد تفكير عميق وجدت بدل اشتري فله واحده اشتري اكثر من بيت شعبي .. واقووم بتقسيمه من الدااخل واقعد اجره..

والحمد لله الربح زين... بدل ما اجر... فله والاجاار 6000 او 7000


يصير الاجاار 10000

ولاحد يقوولي بلديه وعووار رااس.... العالم في العسل ...

واذا فتشتوو بتلقوون ... وبا التووفيق انشااء الله ...

qatar_moon
05-03-2005, 01:22 AM
نصيحتي لج اخذي فلة جاهزه اريح وخصوصا هالفتره وشوفي الحين يمكن تلقين لج شي لقطه لان وايد ناس يبون يبيعون حق الاسهم

ومن رايي يكون عندج عقار الا جانب الاسهم افضل

على الاقل ترتاحين من التفكير والضغط النفسي وطبعا هذا ضريبة الاسهم

واهم شي الراحه النفسيه لاتنسين والدخل الشهري الثابت

المستشار
06-03-2005, 07:32 AM
يا بنت قطر لقيتلك فكرة تينن بلا بنيان بلا خربيط
افتحيلك صالون مع دكورات كشخة ، وكم فلبينية
وقعدي حاطه ريل على ريل ، وشوفي بتهل عليكي الفلوس مثل المطر
لين تقولين ......بسنا فلوس .... بسنا فلوس يا سعد
وبعد اذا حتجتي صالون مارح التعطلين .

qatar_moon
06-03-2005, 07:40 AM
اخوي المستشار

الصالونات تارسه الدوحه

مابقى الا يسون عند كل بيت صالون :D

انا اشوف العقار افضل

بنت قطر
06-03-2005, 08:55 AM
صراحه اتحفتوني بالأقترحات كلو واحد اقتراحه احسن من الثاني

افكر خلاص بالعماره
او اخذ بيت واقسمه نفس ما قال اخوي
احسن

ام عن الصالونات الله يهديك اخوي
في قطر كل فريج فيه صالون
اكثر من الهم على القلب مشروع فاشل فشل ضريع
ولا ابي ادخل بحرام وما ادري شنو خصوصاً في هذي الأيام
وايد اشياء بالصالونات اطلعت حرام

بس لزام ادرس الوضع كل اقتراح واشوف
اقل تكلفه واعلى ربح واخذه

شكرا على الردود
فعلا استفدت من كلامكم وايد
جزائكم الله خير على النصيحه

LiquidMoney
06-03-2005, 08:59 PM
بنت قطر ... أسألي مجرب ..
مافي مثل ربح البورصه ...
فكرت هالفكره من قبل .. و نفذتها ...
مب ندمانه ... لأن العقار شئ ممتاز ...
لكن ماقدرت اقعد في البيت وانطر 7000 ولا 8000 كل شهر بس !
يعني المبلغ اللي بتحطينه في العقار ... اذا كان فايض عندج.. و ماتعرين وين اتودينه .. بتكون فكره ممتازه ...

و مــــــــــــــــــــادري بعد ... هذي مجرد راي شخصي ...

وبـــــــــــس ...

بنت قطر
07-03-2005, 07:57 AM
تسلمين على الأقتراح

مستثمر كبير
12-03-2005, 08:06 PM
انصحج تبنين افضل لان معظم الفلل في الوقت الحالي الجاهزه تجاريه الشغل فيها مش اوكي فا انصح بلبناء افضل وارخص وهذا رائي