القانون القطري

[أم ريليه]

أخواني في طبيبة قطرية متزوجة غير قطري .......وراح تسافر تكمل دراستها في كندا وتبي عيالها يكونون قطريين ,في حالة الأنجاب الأفضل لها وين تنجب وهل ولادتها في كندا تأثر على حصول أبنائها على الجنسية ,لأن هناك الكثير من التعتيم على هذا القانون حيث أن بعض الأشخاص أخبروها أن منح الجنسية لابنائها سيكون عندما يبلغون 18 .......واين ممكن تحصل على تفاصيل هذا القانون crazy

[عزوز المضارب]

أخواني في طبيبة قطرية متزوجة غير قطري .......وراح تسافر تكمل دراستها في كندا وتبي عيالها يكونون قطريين ,في حالة الأنجاب الأفضل لها وين تنجب وهل ولادتها في كندا تأثر على حصول أبنائها على الجنسية ,لأن هناك الكثير من التعتيم على هذا القانون حيث أن بعض الأشخاص أخبروها أن منح الجنسية لابنائها سيكون عندما يبلغون 18 .......واين ممكن تحصل على تفاصيل هذا القانون crazy

بالنسبه في قطر لا اعرف
ولكن بالنسبه لكندا لو انجبت في كندا المولود يحصل على الجنسيه فورا اما اهل المولود فعندما يبلغ 18 سنه بامكان الوالدين يحصلون على الجنسيه الكنديه ويمكن اقل من هالمده على حسب شطاره المحامي واثبت بانها اقامت اكثر من 1000 يوم في كندا

[بوحمد2]

اكبر جريمه انهم يولدون خارج قطر ؟
ونصيحه لاتخلين المولود بكره لين كبر يتعطل في حياته بسبب كندا؟
بيتطل فى الوظيفه والاسكان وبيعطل عياله لين كبروا.يعني بختصار خليها تربي فى بلادنا الحبيبيه قطر (اللهم فشهد)

[هداف]

وليه عيالها ما ياخذون جنسيه ابوهم ولا ما يشرف !! ابوهم !! والله وعشنا وشفنا العيال يتسمون على امهم ,, وبعدين يوم انها قطريه وماخذه زوج ما تحترم جنسيته ولا اصله والدليل تبي عياالها قطريين على جنسيتهاا من الاساس ليه تتزوج !!

انا ارد هنا والله العظيم اريد تفسير للزيجات من هذا النوع
(( قطريه تاخذ اجنبي وتريد جناسي قطريه لعياالها )) هي متزوجه رجال ولا طرطور !!!

[الرمز]

وليه عيالها ما ياخذون جنسيه ابوهم ولا ما يشرف !! ابوهم !! والله وعشنا وشفنا العيال يتسمون على امهم ,, وبعدين يوم انها قطريه وماخذه زوج ما تحترم جنسيته ولا اصله والدليل تبي عياالها قطريين على جنسيتهاا من الاساس ليه تتزوج !!

انا ارد هنا والله العظيم اريد تفسير للزيجات من هذا النوع
(( قطريه تاخذ اجنبي وتريد جناسي قطريه لعياالها )) هي متزوجه رجال ولا طرطور !!!

المفروض تتبعه لبلاده الا اذا كانت هي الزوج وهو الزوجه

[بدور]

يمكن زوجها اجنبي كندي وبتروح تولد في كندا

قلنا الزواج قسمه ونصيب بس مو للدرجه

او زوجها جنسيته مو خليجيه وتبي جنسيه كنديه وبعدين تطالب بالجنسيه القطريه

الصراحه حنا نتمنى الجنسيه لسكان قطر اللي فوق 30 سنه مو كل ماتزوجت

الوحده اجنبي قالت ابغا جواز قطري وين صرنا الدنيا سبهلله

[أم ريليه]

المرأة تبي عيالها معاها ,يتربون في بلدها ألي تفتخر فيها ,وما يعيشون أغراب وهيه أصلا الزوجة الثانية وبعدين عيب هذه الألفاظ ريال ولا طرطور بس اهيه الأمتيازات والعمل أفضل لها في بلدها محد يهد الخير والنعمة عشان بعض الناس المحترمين من اهل البلد يتفوهون بهذه الألفاظ وما في مشرفين في الموقع يوقفونهم:anger2: عن حدهم ,بعدين ألي زعلان من الطراطير يطلع يسأل وزير الداخلية ليش جاعد يجمعهم في البلد ,,,,,,,,,,,,,,,للأسف توقعت يكون المستوى أرقى من كذا والنقاش موضوعي......وللعلم في كثير من القطريات من أصول وأعراق مختلفة محد جاعد يتقدم لهم ..........أن راح ألغي أشتراكي في هذا الموقع لأن ما توقعت هالمستويات فيه وأنا ألي نزلت نفسي وكتبت فيه .:nice: :court:

[بدور]

المرأة تبي عيالها معاها ,يتربون في بلدها ألي تفتخر فيها ,وما يعيشون أغراب وهيه أصلا الزوجة الثانية وبعدين عيب هذه الألفاظ ريال ولا طرطور بس اهيه الأمتيازات والعمل أفضل لها في بلدها محد يهد الخير والنعمة عشان بعض الناس المحترمين من اهل البلد يتفوهون بهذه الألفاظ وما في مشرفين في الموقع يوقفونهم:anger2: عن حدهم ,بعدين ألي زعلان من الطراطير يطلع يسأل وزير الداخلية ليش جاعد يجمعهم في البلد ,,,,,,,,,,,,,,,للأسف توقعت يكون المستوى أرقى من كذا والنقاش موضوعي......وللعلم في كثير من القطريات من أصول وأعراق مختلفة محد جاعد يتقدم لهم ..........أن راح ألغي أشتراكي في هذا الموقع لأن ما توقعت هالمستويات فيه وأنا ألي نزلت نفسي وكتبت فيه .:nice: :court:


تعال تعال وين رايح

انت يا خوي انت كتبت وكل من يدلو بدلوه مستغربين ليش تروح تولد في كندا

من وين زوجها شو جنسيته المفروض اعيالها يتبعون ابوهم مو يتبعون كندا ولا قطر

والردود ماتزعل ويمكن اللي جاعديرد تستفيد من رده

وسع صدرك ولاتزعل وخلك معنا اجعد لاتطلع

[خالد32]

اعتقد فرصتهم في الحصول على الجنسية اكبر اذا كانوا من مواليد البلد

[nooora]

وليش هي تبي جنسية قطريه لعيالها؟ الزوج مثلا عنده كندي وولده لو انولد في كندا بياخذ جنسية كنديه ويرجع قطر معزز مكرم لان جنسياتهم لها احترام فوق ما تتصورون الناس تتمنى جنسيات غربية ، وبعدين يقولون الاجانب هذولي بيكفلونه في المستقبل ههههههههههههههههه اخاف الله يبتلينا بالكفيل crazy crazy

[بيبي هامور]

تعال تعال وين رايح

انت يا خوي انت كتبت وكل من يدلو بدلوه مستغربين ليش تروح تولد في كندا

من وين زوجها شو جنسيته المفروض اعيالها يتبعون ابوهم مو يتبعون كندا ولا قطر

والردود ماتزعل ويمكن اللي جاعديرد تستفيد من رده

وسع صدرك ولاتزعل وخلك معنا اجعد لاتطلع


هههههههههههههههههههههههههههههههههههه

وهاذي جعده :nice:

[لابس بشت]

ياجماعه صلوا ع النبي الاخ يسأل عن القانون القطري فاللي يقدر يفيده ياهلا ومرحبا وجزاه الله خير
ولا ماله داعي

[khalid1975]

اشدعوه خليتو الموضوع .... والكل مسك كلمة جاعد!!! وبدا يعلق تعليقات ما لها داعي!!!!

وينكم يا مشرفين يا افاضل!!!!!!!!!!!!!!!!!!!!!!!!!!!!!!!!!!!

[قطري كشخه]

اختي الجنسيه الكنديه ماعليها كلااااام الكل يحترمها في كل العالم اذا انتي تسأتين لين يكبر ويطالب بالارض وغيره اتوقع صعبه لانه ابوه مب قطري لو كان يبي المعاش فا ابشرج الكنديين في قطر يااخذون اكثر من اهل قطر ..

وهذا راى

[ولد الجزيرة]

ياخذون جنسية كندية أحسن لهم
على الأقل بيحصلون حقوق والكل بيحترمهم

[هداف]

اسفين ياخوي مادرينا انك صاحب المشكله وتحسست من الردود الواقعيه !! ومن طلع عن داره قل مقداره ,,, وانا يوم اقول عن الزوج طرطور لانه با لفعل يستحق هذا الاسم اذا الزوجه بتكون افضل منه با لجنسيه والمستوى وتبي عيالها يتبعون جنسيتها يعني بكل صدق هو ايش وظيفته با لظبط في الاسره دام كل شي بيد الزوجه بكل واقعيه ومن غير مبالغه الزوج
(( طرطور ))

[التيما]

المسلم يا يقول شي زين يا يسكت الريال سؤاله واضح خليتو السؤال وركزتو على ليش وليش اولا مو من حقكم تحاسبونها وشي يرجع لها تبي عيالها على ابوهم عليها على كندا شي ما يخصكم والحكومه ابخص منكم بهالامور وفروا تعليقاتكم الجارحه للريال واحتفظوا فيها واللي عنده رد على سؤاله يقوله ولي ماعنده لا يعلق ابرك له

[التيما]

اشدعوه خليتو الموضوع .... والكل مسك كلمة جاعد!!! وبدا يعلق تعليقات ما لها داعي!!!!

وينكم يا مشرفين يا افاضل!!!!!!!!!!!!!!!!!!!!!!!!!!!!!!!!!!!
:nice: :nice: :nice: :nice: :nice: صح لسانك

[ولد الجزيرة]

اسفين ياخوي مادرينا انك صاحب المشكله وتحسست من الردود الواقعيه !! ومن طلع عن داره قل مقداره ,,, وانا يوم اقول عن الزوج طرطور لانه با لفعل يستحق هذا الاسم اذا الزوجه بتكون افضل منه با لجنسيه والمستوى وتبي عيالها يتبعون جنسيتها يعني بكل صدق هو ايش وظيفته با لظبط في الاسره دام كل شي بيد الزوجه بكل واقعيه ومن غير مبالغه الزوج
(( طرطور ))


الرازق في السما والحاسد في الأرض

[<<روز>>]

تعال تعال وين رايح

انت يا خوي انت كتبت وكل من يدلو بدلوه مستغربين ليش تروح تولد في كندا

من وين زوجها شو جنسيته المفروض اعيالها يتبعون ابوهم مو يتبعون كندا ولا قطر

والردود ماتزعل ويمكن اللي جاعديرد تستفيد من رده

وسع صدرك ولاتزعل وخلك معنا اجعد لاتطلع
:funny: :funny: :funny:

[خبير البورصه]

المسلم يا يقول شي زين يا يسكت الريال سؤاله واضح خليتو السؤال وركزتو على ليش وليش اولا مو من حقكم تحاسبونها وشي يرجع لها تبي عيالها على ابوهم عليها على كندا شي ما يخصكم والحكومه ابخص منكم بهالامور وفروا تعليقاتكم الجارحه للريال واحتفظوا فيها واللي عنده رد على سؤاله يقوله ولي ماعنده لا يعلق ابرك له

والنعم فيج اخت التيما

فعلا خير ماقلتي وهذا من اصلج الطيب

مادري ليش احس احياناً المشرفين مايتدخلون ؟؟؟؟؟؟؟؟

[التيما]

والنعم فيج اخت التيما

فعلا خير ماقلتي وهذا من اصلج الطيب

مادري ليش احس احياناً المشرفين مايتدخلون ؟؟؟؟؟؟؟؟
تسلم اخوي خبير البورصه بس شي يقهر والله خلو الاهم وتشطروا على كلمه جاعد هاي اللي فلحوا فيه بس ما اقول الا الله يكمل الكل بالعقل بس

[خبير البورصه]

تسلم اخوي خبير البورصه بس شي يقهر والله خلو الاهم وتشطروا على كلمه جاعد هاي اللي فلحوا فيه بس ما اقول الا الله يكمل الكل بالعقل بس


مشكلتنا اختي التيما بالعنصريه الزايده

يعني الريال يتزوج اجنبيه وعياله قطريين معليه بس المرأه لا حرام عليها

والله عقليات القرون الوسطى

[madia]

اسفين ياخوي مادرينا انك صاحب المشكله وتحسست من الردود الواقعيه !! ومن طلع عن داره قل مقداره ,,, وانا يوم اقول عن الزوج طرطور لانه با لفعل يستحق هذا الاسم اذا الزوجه بتكون افضل منه با لجنسيه والمستوى وتبي عيالها يتبعون جنسيتها يعني بكل صدق هو ايش وظيفته با لظبط في الاسره دام كل شي بيد الزوجه بكل واقعيه ومن غير مبالغه الزوج
(( طرطور ))
ماذا بك يابني
لماذا تقول للرجل طرطور
الرجل سأل سؤال ويريد ان يعرف الاجابة فلماذا تقول له طرطور اذا كان الابناء ولدوا في بلد امهم فماهي الجنسية التي تتوقع ان يطلبوا الحصول عليها هل هي جنسية الارجنتين ام جنسية موزمبيق وحتى ابوهم احتمال ان يكون ولد في قطر فكيف تريد ان يطلبوا جنسية اخرى
عندما تفكر بحسد فأنت لن تستطيع ان تقول جملة مفيدة وسوف تسب الناس وتقول لهم طراطير وقد تقول لهم صراصير وليس فقط طراطير لأن الحسد من المصائب الكبيرة ايها الهداف

[هداف]

ماذا بك يابني
لماذا تقول للرجل طرطور
الرجل سأل سؤال ويريد ان يعرف الاجابة فلماذا تقول له طرطور اذا كان الابناء ولدوا في بلد امهم فماهي الجنسية التي تتوقع ان يطلبوا الحصول عليها هل هي جنسية الارجنتين ام جنسية موزمبيق وحتى ابوهم احتمال ان يكون ولد في قطر فكيف تريد ان يطلبوا جنسية اخرى
عندما تفكر بحسد فأنت لن تستطيع ان تقول جملة مفيدة وسوف تسب الناس وتقول لهم طراطير وقد تقول لهم صراصير وليس فقط طراطير لأن الحسد من المصائب الكبيرة ايها الهداف

اي حسد واي بطيخ !! هل انا اخاطب عقول من عالم اخر !! كلامي واضح وسؤالي واضح ماهو دور هذا الزوج في هذه الاسره !! اذا كانت كل الامتيازات في الزوجه ماذا يملك هذا الزوج اذا كانت حتى جنسيته غير مرغوب فيها ؟؟ الموضوع ومافيه نغار على رجولتنا من هذه المواقف الغريبه العجيبه !! وكلمة طرطور وصف دقيق يزعل منه فقط من يحس انه ينطبق عليه كل ما سبق !!

وعلى فكره الجنسيه الكنديه او الامريكيه افضل من مليون جنسيه عربيه وسوف تكسب الاحترام وتفرضه فرض ,, الجنسيه العربيه في ذيل القائمه العالميه
(( عالم ثالث ارهابي متخلف )) هذه هي النظره العالميه لنا للاسف

والقانون القطري الى الان لايحق للابناء القطريه المتزوجه من عربي الحصول على الجنسيه القطريه ويوجد اخبار جديده في هذا الخصوص انه سوف يستثنون حالات خاصه ولكن لايوجد تأكيد رسمي ....

[ســـهم]

اعتقد فرصتهم في الحصول على الجنسية اكبر اذا كانوا من مواليد البلد


كلام سليـــــــــــــم

يمكن يكونوا من اصحاب الاولويه في القانون الجديد

[madia]

كل اناء بما فيه ينضح والله يديم النعمة علينا

[nooora]

مشكلتنا اختي التيما بالعنصريه الزايده

يعني الريال يتزوج اجنبيه وعياله قطريين معليه بس المرأه لا حرام عليها

والله عقليات القرون الوسطى


الا والله صدقت العنصرية الزايده خلى بعض يفكرون انهم نازلين من السماء، كلنا من طين:)

[الفـــارسه]

يمكن زوجها اجنبي كندي وبتروح تولد في كندا

قلنا الزواج قسمه ونصيب بس مو للدرجه

او زوجها جنسيته مو خليجيه وتبي جنسيه كنديه وبعدين تطالب بالجنسيه القطريه

الصراحه حنا نتمنى الجنسيه لسكان قطر اللي فوق 30 سنه مو كل ماتزوجت

الوحده اجنبي قالت ابغا جواز قطري وين صرنا الدنيا سبهلله


صح كلامج وازيدج بعد ياليت اللي تفكر تتزوج اجنبي ماتفكر تنجب

لانها تزوجت وماتبي جنسية زوجها لعيالها وتبي الجنسيه القطريه

انزين ليش انتي تزوجتي هالاجنبي مافكرتي بجنسيته قبل ماتحملين وتوهقين بعيالج

[عزوز المضارب]

المسلم يا يقول شي زين يا يسكت الريال سؤاله واضح خليتو السؤال وركزتو على ليش وليش اولا مو من حقكم تحاسبونها وشي يرجع لها تبي عيالها على ابوهم عليها على كندا شي ما يخصكم والحكومه ابخص منكم بهالامور وفروا تعليقاتكم الجارحه للريال واحتفظوا فيها واللي عنده رد على سؤاله يقوله ولي ماعنده لا يعلق ابرك له
:app: :app: :app: :app: :app: :app: :app: :app: :app: :app:
:app: :app: :app: :app: :app: :app:
:app: :app: :app: :app:
:app: :app:
:app:

[qatari1]

أخي الكريم..
القوانين غير واضحة حتى الآن، ولا توجد فيها تفاصيل كافية لإبداء الرأي الصحيح حول هذا الموضوع..

بالتأكيد محل ميلاد الأولاد، ومدة إقامتهم في قطر له دور كبير في حصولهم على الجنسية القطرية إذا كانت لهم الأولوية.
فضع هذه النقطة في الإعتبار، إضافة إلى أن مهنة الزوج، ومدة إقامته في قطر بالتأكيد لها دور كبير في ذلك.

[ابوالجازي]

أخي الكريم..
القوانين غير واضحة حتى الآن، ولا توجد فيها تفاصيل كافية لإبداء الرأي الصحيح حول هذا الموضوع..

بالتأكيد محل ميلاد الأولاد، ومدة إقامتهم في قطر له دور كبير في حصولهم على الجنسية القطرية إذا كانت لهم الأولوية.
فضع هذه النقطة في الإعتبار، إضافة إلى أن مهنة الزوج، ومدة إقامته في قطر بالتأكيد لها دور كبير في ذلك.

الله يجزيك الف خير اخوي qatari1 على هالرد الطيب

اعتقد اخوي الاجابه واضحه لك الحين

اسف لاغلاق الموضوع لانه خرج عن مسار السؤال