غزو الماركات !!رأيكم يهمنا^^

[سهم ماسي]

لفت نظري هاي الايام الاهتمام الزايد في لبس الماركات ..

من شباب وبنات ,,ويبذلون جهدهم عشان يعرضونها على العالم مثل ماتشوفون في المجمعات !

وصار الميسور يلبس الماركات اكثر من الغني ..

يعني الي يبي يلفت النظر يلبس الماركه الفلانيه !!

(( الاهتمام بالمنظر وترك الجوهر !))

ويعطيكم العافيه ولاتحرمونا من مشاركاتكم ..

:con2:

[بدور]

بالعكس مو شرط اللي يهتم بالماركات مايهتم بجوهره

اللي الله منعم عليه ويحب يلبس الماركه لانه ميوله ذواقه ويحب الزين

والجوهر مايتغير بلبس الماركات الموضه تتغير كل يوم والجوهر ثابت

اصيل ماتغيره المظاهر ولايكون فيه نقص عشان يهتم بالماركه

مثلاً غير الماركات ناس عندهم نقص بالذات وحاس انه ناقص

طبعاً مريض نفسياً ومعقد ويتمنى يوصل للافضل يتخذ نك نيم وهمي يتصف بالعظمه والكبرياء

ويتمنى الناس ينادونه بالاسم الوهمي ويعيش دور العظمه يعني هالانسان جوهره مريض

وهو مريض لانه يحس ان هناك من افضل منه ويتمنى ان يصل لمستواهم الاجتماعي مثلا

وكذلك الشخص اللي يتغير جوهره مع الماركه مريض الله يشفيهم

[أبوتركي]

شكرا لك على طرح الموضوع ...................... موضوع مهم ومميز في نظري.

لبس ماركات معينة من قبل الشاب او بنت (أو شايب ليش لا مثل حالاتي :eek3: ) ما فيها شي اذا كان الانسان ميسور الحال وربنا منعم عليه .... بشرط ان لا تزيد عن حد الذوق والأدب والدين.

العيب أخوي انك تجد ناس تلبس آخر الماركات الباهظة التكاليف وكل يومين تغيير موديل وتحصل كل هذا من ورا سلف وقروض من فلان وعلتان وديون عليه وعلى أهله ..... الشخص عايش في غرفة سقفها طايح وهو يراكض ورا الماركات والفشخرة ........ هذه النوعية من الناس ، في نظري ، ما تسوى ذرة من الاحترام.

وشكرا لك مرة أخرى أخوي



بس عاد أخوي قول لي وشو الماركات اللي تشوفها في نظرك جيدة وتفضلها للبس الرجال .... ابي أعرف اذا كان ذوقي حلو ولاّ لاء :nice: :nice:

[التيما]

انا مو اهتمامي هالشغلات اي ما انكر ان عندي ماركات بس مو هدفي المنظر كل ما هنالك ان شكلها عجبني يعني الامكانات ولله الحمد موجوده عند الاغلبيه والناس في خير ونعمه واللي يشتري عشان يقول للناس شوفوني هاي مو شايف خير ومحدث نعمه

[سهم ماسي]

يعطيكم العافيه انا بغيت انوه على الموضوع

لان الموضوع زاد عن حده ..يعني لو حد بياخذ ماركه عشان قيمتها واتم وياه فتره مب ياخذله اربع شناط مثل بنات هاي الايام الله يستر عليهم ..


واحترم وجهات نظرج ..بدور


بوتركي ..توك شباب ..يعطيك العافيه


تسلمين اختي التيما انا بغيت اوصل فكرة انشاء الله وصلت للقارئ ..

[البسمةالعذبه]

سهم ماسي

مشكورة اختي على الموضوع

انا من ناحيتي اذا الشي عجبني اخذه سواء ماركه او مب ماركه

بس احب في العروس اكشخ يعني الشنطه مع الصندل الله يعزج يكون طقم ,,

ما ادري تعودت على هالشي ,,

ومب كل اغراضي ماركات لا الي يعجبني اخذه ,,

وبالفعل الحين الكل صار يحب يلبس ماركات,,

حتى الصغار كل يلبسون ماركات ,, والي عنده يحب ياخذ ماركات ,,

يعني المسأله صارت عاديه ,,

[ضوى]

امور شكلية ما تهمني وايد

اذا شئ عجبني وسعره مناسب اخذته ، شئ مبالغ فيه لا ما له معنى ، وعموما احب الاشياء البسيطة والناعمة سواء ماركة او لا المهم الذوق العام

[تيتانيوم]

ماباقي الى الفانيله والسروال
ولاى الباقي كلا ماركه

[ghareeb]

هل هذا ينطبق على السيارات أيضاً ؟؟؟؟؟؟؟؟؟

ما هو المهم في السيارة ؟؟؟

الحجم ؟؟ القوة ؟؟ السرعة ؟؟ الشكل؟؟
أم الأسم ؟؟؟؟؟؟؟؟؟؟؟؟؟؟؟

[سهم ماسي]

البسمه العذبه ,,مشكوره على مرورج اختي ..
اي والله من كثره صار الامر عادي ..وثانيا انا واحد (male)

====================================

انا معاج اخت ضوى احلى شي البسيط والكلاسيك ..يعطيج العافيه ,,

====================================

تيتانيوم ..مايخلون شي حتى السراويل والفنايل صارت ماركات ..مشكور على المرور

=====================================

اكيد ينطبق على كل شي..

المهم التساوي بين كل الي ذكرتهم في نظري ..

على طاري السيارت شفت واحد حاط على موتره كله ستيكرات gucci

الله يهداه ويهدي جميع المسلمين ..

[الفـــارسه]

شنسوي يا خوي تعودنا من صغرنا اهالينا يلبسونا الماركات

ويوم كبرنا نلبس الماركات ومافكرنا تتغير نفوسنا لانه الملابس نرميها

ونفوسنا باقيه على اصلها