أشعــــــــــــــــــــ خيـــانــة ــــــــــــــــــــار

[أبوتركي]

أشعــــــــــــــــــــ خيـــانــة ــــــــــــــــــــار

إهــــــداء خــــاص :nice: :nice:




ماني قايلك عسى الله يهنيك..

لله يحرمك كل ماكان هنّاك..

وعسى العمى يا خاين العهد يعميك

فوق الغرور اللي على الارض أعماك..

عساك ما تفرح وتكثر بلاويك..

وعسى أمك تشق الجيب من عظم بلواك

[أبوتركي]

انت لك عمرك وعيشه

وانا لي عمري وبعيشه

منت بالدنيا مميز

ولا اظن عالراس ريشه!!

[أبوتركي]

لا تنصدم لا قلت انا اليوم مابيك

القلب عافك وانتهى اليوم دورك

اعميتني بحبك عسى الله يعميك

وارميتني يازين بأعمق بحورك

يالله توكل لا تجيني ولا اجيك

يالله حبيبي قوم رتب امورك

:nice: :nice: :nice: :nice:

[ونه الم]

إذهب
إذا يوما مللت مني..


شعرك يعور القلب :eek3:

[Qa6ar]

خيانه الله يكفينا شر الخيانه

مسيت بالخير ابوتركي ... والله يبعدك عن الخيانه

[أبوتركي]

خيانه الله يكفينا شر الخيانه

مسيت بالخير ابوتركي ... والله يبعدك عن الخيانه


ههههههههههههه :nice: :nice: :nice: :nice: ......... الله يكفينا ويكفيك أخوي شر الخونة والكذابين خخخخخخخخخخ .......... هم كثير حولنا تجدهم في كل مكان

[أبوتركي]

لحظه حبيبي وقف هناك بالدور

ماني بفاضي يمكن افضى لك شوي!!

لازم تذوق المر و تعيش مكسور

واكويك من جمر الهوى لا غدى حي

ولو بعتلي عمرك فلا قلت مشكور

لانك بعيني صرت كلك "ولا شــي"

[Qa6ar]

ههههههههههههه :nice: :nice: :nice: :nice: ......... الله يكفينا ويكفيك أخوي شر الخونة والكذابين خخخخخخخخخخ .......... هم كثير حولنا تجدهم في كل مكان


ياهلا بك

الله يبعدهم عنا

[أبوتركي]

ياخاين مالك ضمانه...دور على غيري يسليك

عنك رفعناها الحصانه......إزعل وخل الغير يرضيك

[أبوتركي]

تحسب اني في غيابك بذكرك في كل حزه

واتندم و اترجى واعتذر وابوس راسك؟

للأسف كنت زقاره تنتهي في كل مزه

وانتهيت و ماطفيتك و احرقك غيري و داسك

[أبوتركي]

وفر كلامك ورني عرض الاكتاف

قلبي كره هرجك ولا هو بمجبور

ترى القلوب بطبعها شي شفاف

الكسر فيها صعب تلقى له جبور

ولا تحسب اني من الهجر بخاف

ياشيخ خذ حبك وقلبك و مشكوور

[سهم المراقيب]

تحسب اني في غيابك بذكرك في كل حزه

واتندم و اترجى واعتذر وابوس راسك؟

للأسف كنت زقاره تنتهي في كل مزه

وانتهيت و ماطفيتك و احرقك غيري و داسك
:strong :strong

خاطري في راس عنب ,,

[أبوتركي]

:strong :strong

خاطري في راس عنب ,,

ههههههههه ... قلنا زقارة مب شيشة ومعسل .... يا حبك حق التخرب :nice: :nice: :anger2: :anger2:

[أبوتركي]

لا تظن يوم برجع بشتريك....

لو بكيت دم ما عندي مجال

سهم صوبته بإيدك رد فيك...

والنهايه جت وهجرانك (حلال)

[أبوتركي]

لازم تذوق الذل وتعيش مكسور,,

هذا وعد مني مادمت انا حي

ولو بعت لي عمرك ماقلت مشكور،،،

لانك بعيني كلك ولا شي!!

[أبوتركي]

لا تحسب اني عقبكم في ندامه

ماني على حب المقفين ندمان

من باعنا بالرخص...نرخص مقامه

نشطب عليه ونتركه دون عنوان

[أبوتركي]

لا تكثر بهرجك ترى دربك أشواك..يا حافي الرجلين ثمن كلامك

واذكر زمان أول وأيام بلواك..من سنعك للناس وعدل مقامك؟

لا يفلت لسانك على شخص رباك..أنا بنيتك وماني عاجز اهدامك!

[أبوتركي]

والله لخلي عزتك تحت موطاي

تمشي وعينك ما تعدي مواطيك

ابيك درس لكل خاين ونساي

وافهمك قدك وقيمة مباديك

والله لهينك لين تبكي تبي رضاي

ذليل تكسر عيون منهو يراعيك

[أبوتركي]

يا صاح انا ماعدت بهواك...ابدا ولا لي قلب يغليك

يوم السعد هو يوم فرقاك...يرتاح قلبي من بلاويك

[أبوتركي]

منك نتعلم لعبة الصد ونصد

مدام قلبك والليالي علينا

منك نتعلم كيف مانحفظ الود

وشوف منا ماتسويه فينا

الحيــن لازم تاخذ المسأله جد

علمتنا نقسى و شفنا قسينا

[أبوتركي]

**من حضرتك عشان قلبى تذله**

سو اللى براسك ولاتذكر اسباب
لاصرت بايعني توكل على الله
مابيني وبينك مشاريه وعتاب
شف دربك الي جيت منه تدله
ماراح تغلبني لو الحب غلاب
من حضرتك عشان قلبي تذله

في ذمتي لجعلك عبره للاحباب
لين الخل يتوب عن جرح خله
زلاتك اللي مانفع فيها احساب
لاجيت اعددهن ثمانين زله
احرجتني بين القرايب والاحباب
كن الجفا سيف بوجهي تسله
ماكنت اقصر فيك من كثر الاعجاب
يومك تساوي عندي الكون كله
كنت القريب وكلهم كانوا اغراب
حتى القمر لاغاب شفتك محله
خلاص لاترجع ترا خاطري طاب
ابي طرا اللي كنت عايش بظله
رح واعتبرني واحد اذنب وتاب
ماني بثوب تلبسه ثم تمله
مايجتمع بالحب صادق وكذاب
رزقي على الله وانت رزقك على الله

[أبوتركي]

لا تابهي من صرخات الا مي
واكثري من طعنات غدرك اكثري
واضحكي وابتسمي وارتاحي
وتلاعبي باوراق عمري وبعثري
لم كل هذا الحقد سيدتي
لم تبيعين بحبي وتشتري
لاحظي نفسك يوما بالمراة
سترين نفسك شيطانا هيا انظري
اسفي عليك وتنهدي
فانا استطعت نسيانك فهل انت تقدري
والى اين ستاخذك الحياة
فانا اعلو واسمو وانت تنحدري
صدقيني كل جرح بي منك
سيكون عنوان خطابي اقوله من منبري
ايتها الدميه التي لا قلب لها
ارحلي عني بعيدا لا اريدك تظهري
قد مات قلب الطفل الذي عاشرك
وماتت كل احلامي ومشاعري
اشربي من كاس غدرك وارتوي
واخر كلمة من اليك اقولها عني غادري

[relaax]

الله يكون بعونك :nice:

[أبوتركي]

الله يكون بعونك :nice:

:eek2: :eek2: :eek2: :eek2: :eek2:

[أبوتركي]

بعد الخيانه انتهت رغبتي فيك

وان كنت تذكرنا ترانا نسيناك


يشهد علي الله لا حل طاريك

يروق قلبي لكن اذكر سواياك

[أبوتركي]

لا ردج الله لا ولا اطلب ترديــن ......ادعي عليك بعثرة فـي صلاتـــــــي


عثره تشلك ما بعدها تقوميـن ......يا قاتلتني يوم صرتي حياتــــــــي


خدان لك بالقلب كانت بساتين ......وريضان وغصونا بها يانعاتـــــــي


كنتي مناة القلب والروح والعين ....واليوم عينك يعلها ما تباتـــــــــي

[أبوتركي]

رسالة خاصة من أشعار الشاعر الاماراتي أحمد الوحشي:deal: :deal:


لا ردج الله لا ولا اطلب ترديــن ......ادعي عليك بعثرة فـي صلاتـــــــي


عثره تشلك ما بعدها تقوميـن ......يا قاتلتني يوم صرتي حياتــــــــي


خدان لك بالقلب كانت بساتين ......وريضان وغصونا بها يانعاتـــــــي


كنتي مناة القلب والروح والعين ....واليوم عينك يعلها ما تباتـــــــــي


كنت أحسبك للعهد والحب توفين ..قلتي الغدر بالحب ماهي بسواتــي


وحلفتي يمين الله ما منك اثنتين.......وانك ملاك دون كل البناتـــــــــي


وانك على عهد المودة تسيرين ....ولا تسمعين أهل الحسد والوشاتـي


وصار اليمين ستار خلفه توارين .......ورماح غدرك بالخفا مشرعاتـــي


وبان الغدر سم جرى بالشرايين ......الله عسى يسقيك سم الفعاتــــي


كلي سقيتك حب واليوم تنسيـن........تقولين حلم ايام واليوم فاتــــــي


خذتي الهوى لعبه على ما تحبين ......لين عصفت بالهوى عاصفاتـــي


من زينك يا بنت بالشعر تزيين ............ من صورك بابياته الطايلاتـــي


انا من غرامي قلت كانك تذكرين ...... قلت الخجل صاب البدر من مناتـي


وصرتي بشعري في العذاري تباهين...تقولين انا شمس العصر في حلاتي


زينتك بشعري ولا غربك الزين ..........ما زانتك صبغات حمر الشفاتــــي


صورتك بالشعر حزام ورياحين .......واثرك هضاب وشوك ما به هداتـي


رسمتك سحابه خير قطر تنفين .........فزت لك الصحراء زهور ونباتـــي


رسمتك مهاه للجميله تقودين .............واثرك قطيعه وضيعتها الرعاتـي


واثرك غراب يوم سدل الجناحين ......كنت احسب اني شايف لي قطاتي


بالشعر غليتك على كل غاليين ...........واثرك دنيه وتعشقين الدناتـــي


وبالشعر عاتبتك عتاب المحبين .........انا من يسوم الروح لك يا غناتـي


توسلت لك خايف على حب عامين .......عامين لكن في حسابي مئاتــي


ناديت لكن لي ابد ما تسمعين ...........عمري وروحي فكري في ثباتي


حذراك للشينات عمري تماشين ............عديمات اصل اخلاقهن دانياتي


غاب الولي عنهن ولعبن بحبلين ................يا خس واليهن وخس الولاتي


ما همهن في الناس زين ولا شين ...........وقلوبهن من حقدهن مظلماتي


وقلتي وربك لو يكونا ملايين ..............ما غيرن بالطباعهن من سماتي


تحسبين انك بالمهافه ترقين .................كيف الصعود يكون للهاوياتي


وخنتي وبعتي كل عهد وايامين ............ما عاد يفرق بين ماضي واتي


وصرتي مثل غيرك برخص تبيعين .........يا مرخصتني ما بقى لك غلاتي


صبري نفذ واليوم ثارت براكين .............مظلوم انا وباكر تحل ادعواتي


سمعي عسى من بعدها ما تسمعين ...سمعي دعا من صار قلبه حصاتي


ادعي عسى من ناضرك ما تشوفين ......وتطحن بك الايام طحن الرحاتي


وعساك عوق منه ما عاد تبرين ..............عوق تشافق له قلوب العداتي


ويالله عسى يحتار فيك المداوين ...........تبين الممات ولا يجيك المماتي


ويالله عسى كف الندامه تعضين ..............تندمين يوم انه يفوت الفواتي


وتبكين دم يسيل من مقلة العين .............وتحتار امك عن عناك وتحاتي


عسى ما تلاقي من له القلب تهدين .....وان حصل ادعي عساك الشتاتي


يا بلوة اللي وسط بيته تعيشين ..........ساهي وحوله شب جمر الغضاتي


عسى بعمرك ساعه ما تهنين ..............وتمضي حياتك بين هم وشقاتي


يا بنت قلبي وين مثله تلاقين .................قلبا عطاك الحب ما قال هاتي


جيتك وروحي شلتها لك بكفين ............وفي التاليه رمح الخيانه جزاتي


يالله عساك النار يا أم وجهين ................كله انكشف لا ما تفيد العباتي


ويالله عسى تلبسك جن وشياطين .....وتكونين مدعاة الحكي والشماتي


يا حية رقطا تقود الثعابيـــــــــــن .........باكر تحن ايامك المعتمـــــــاتي


وباكر على فعلك بمثله تجازين ..............ظلم المشاعر ما تحكمه قضاتي


بيني وبينك تحكم ايام وسنين ............وانا شاهدي قلبا من الغدر ماتي


ويا دمعة التمساح لالا تذرفين .................العيون رغم ادموعها كاذباتي


لا ما عرفتي الحب لا ما تحسين .............وغدرك تعدى غدر ذيب الفلاتي


الذيب يعوي قبل يغدر بمسكين ........وانتي غدرتي خافقي في سباتي


لو كان غدرك في كفوف الموازين ......لكان رجح كل غــــــــــدر البناتي


انتي السبب سقتي على القلب .......جرحين غدر الغرام وموجع الذكرياتي


وانتي السبب واليوم لالا تلومين ....... وان جاك باكر شوفي اشلون يأتي


والله لاكتب وافضحك في دواوين .........وارقص واغني يوم خبر الوفاتي


وارسم لاهل العشق قلبا وسهمين ............وقصة خيانه ما روتها الرواتي


ويمين لانشر فوق اسمك عناوين ........واشهرك من قاصي اليمن للفراتي


ومن غرب هالدنيا الى قاصي الصين .....ديوان غـدر فيه كل اللغـــــــاتي


والبادي اظلم سنة العين بالعين .............والا فذي لا عادتي ولا صفاتي


ويا شبه انسانه برأس ورجلين .............اعوذ بالرحمن منك بصـــــــلاتي

[ابوعلي]

كفا ما مضى ما هو براجع #### و لا يحتاج تقليب المواجع

لانك ما عـرفت الهـم مثلي #### سهرت الليل جافيت المضاجع

و لا جربت حرماني و حزني #### اللي منه غفا بالنوم هاجع

و لا دورت بـحـروف القصـايـد #### و لا قلبت كتبي و المراجع

و لا غنيت مع صوت السهارى #### غريب في بعيد الدار ناجع

تاكد ما جرى لك ما جرى لي #### تاكدي ما مضى مهو براجع

[خفايا الروووح]

أنـا مـاالعب عـلى الـحبلين،وقت الطيش وسنينه" "تـبين الـحين يـوم أني كبرت العب على الحبلين؟!

تـرى عـند الـبدو بـالذات((عيب اللي تسوينه))!!" "حـلاتـك لاعـشـقتي..تعشقيني لـيـوم الـديـن

غـرامٍ نـسكن ضـلوعه...حشيمه مـن مـجانينه" "جـفـا،يجمع مـعـزتنا...ولاعشق يــذل أثـنين

كـثـار الـلـي تـحـدوني وقـالـولي :تـحبينه" "امـانـه..لاتخليني صـغـير بـعينهم ii((تـكفين))!!

لانـــي كــل مـاقـالوا((تخون))..اقول:مسكينه" "عـلـيك الله وأمـانـه..علميهم مـنـهو الـمسكين

أنــا خـايف((لياطاح الـجمل تـكثر سـكاكينه))" "وأنـا مـاعاد بـضلوعي مـكان لـطعن السكين

مـثل مـاقالوا:((المكتوب واضـح مـن عـناوينه))" "لـو ارحـل مـنك للغربه..بسافر من ظلامك وين؟!

كـفـايه..كل حـلـم يـمـر بـرقـادي تـزورينه" "كـفاية...من تـفارقنا..وأنا مـاغمضت لـي عـين

قـبل يـومين شـفتك بـالمنام وقـمت مـن حـينه" "ونـمت أمـس،ورجع نـفس الـمنام اللي قبل يومين

من اشعار حامد زيد :nice:

وتسلم اخوي بوتركي ... والله يبعد عنا هالصفه

[أبوتركي]

لا جيت ابنسى واتراجع واسامحك
ــــــــــ صاحن جروحي واشتكن لي طعونك

كلك خيانه قول وشلون ابمنحك
ـــــــــــ وش موقـفك من شخص دايم يخونك

اكبر خطا.. لو جيت يمك اصالحك
ــــــــــــ اول تحــول .. لاتـغــــرك .. إلحونك

اللي تـقوله صح لو كنت جارحك
ـــــــــــ (مير) انت غارق للاسف في ظنونك

وصفك نسيـته بس .. باقي ملامحك
ــــــــــ بنهيك .. وانهي .. بالنهايه جنونك

ماتستـحق امد (كفي) واصافحك
ـــــــــــ مثلك غلط عمري .. وابحيا .. بدونك

لعبت دورك شاهداتٍ مسارحك
ــــــــــ خدعتـني .. واظهرت خافي فنونك

كنت اعتـقد قلبي هو ابرز مطامحك
ــــــــــ اللي يبيع الناااااااس .. لجله يصونك

تعـبت اسوق الشوق عندك واصارحك
ــــــــــ اخلصت لك .. بالحب ( شوفت ) عيونك

لكن خسارة صرت غاية مصالحك
ـــــــــــ ياليـتـني .. ماجـيت لحظه .. بكــونك

بالامس كنت بـنشوة الحب .. امازحك
ـــــــــــ اخيل برقــك .. واتـحرى .. امـــزونك

واليوم من صفحة حياتي ابمسحك
ـــــــــــ هديت صرحك .. ثم ( طاحت ) ركونك

ولابي عيوني لو تصـورت تلمحك
ـــــــــــ اعلنـت موتك .. وانـسجن لي .. كفونك

وان جيـت تطلب ترتجيـني .. اسامحك
ــــــــــــ بهديك .. طعنه .. من بقااااايا .. طعونك

[أبوتركي]

لا أحد يعلم مالذي دعا الشاعر عبدالرحمن الحربي الى الدعاء بكل هذه الامراض على حبيبته .. ولكن ربما لديه سببه



شخــــــصٍ هويته جعل ربي يسلّه ------ أصعب شلل ويكون مايوجــــد دواه

والا برص يضفي على الجسم كله ------ يبدا بوجهه ثم يمشي على اعضاه

والا مرض طاعــــــــــون حتى يفله ------ يسمع علاجـــه بس من دون يلقاه

ويصاب بالسكر وجســــــمه يسله ------ حتى المشي بالرجــل ماعاد يقواه

اللي بلاني وانتقـــــــــل من محلّه ------ وأنكر عهودٍ كانت العـــــــام ممضاه

[أبوتركي]

رجاء يا أخوان ... لماذا يحذف ما كتبته ؟؟؟ وقد راجعت قوانين المنتدى لم أجد أي خروقات ... أرجوا من الادارة الجواب رجاء بالله عليكم.

انا لست بشاعر ... هذا شعر مر عليه قرون .... لم يكن لي الا ان نقلته

[بوسعود77]

الله يكفينا شر الخيانه

وصح لسانك اخوي

[ابو عامر]

يعطيك العافية

[أبوتركي]

الله يكفينا شر الخيانه

وصح لسانك اخوي


شكرا على مرورك أخوي

[أبوتركي]

يعطيك العافية


الله يعافيك أخوي

[الراقية]

لا تنصدم لا قلت انا اليوم مابيك

القلب عافك وانتهى اليوم دورك


:app: :app: :app: :app: :app:

الضربة اللي ما تقتلك تقويك

عساك على القوة أخوي

اختيار موفق لكل كلمة