سؤال لكل أب ؟؟

[التيما]

عندي سؤال وااااااااااايد محيرني :confused:


ليش لمن اثنين ينفصلون وبينهم طفل واتكلم من منطلق شخصي وتجربه شخصيه الاب ينسى ان عنده ولد :confused: ليش ؟؟ اوكيك ما نبي منه مصاريف بس على الاقل المفروض ولدي يحس بهالكلمه يمره مره في الشهر على الاقل مو بالسنه مره هاي اذا مر اصلا :eek3: ليش ما يتصل يكلمه يحسسه ان في اب حوله :confused: احس ولدي نسى اصلا ان عنده اب :eek3: مع اني مرات ادق على ابوه عشان اخليه يكلمه :con2: بس ابي اعرف ليش هالقسوه من الرياييل على فلذات اكبادهم في حاله الطلاق ؟؟ كاسر خاطري ولدي :eek3:

[بروه]

كلام صحيح

والمشكله انها تأثر بعدين في الاود في الحياة الاجتماعيه او شخصيته

لا حول الله

يسلمو

[أبوتركي]

الله يعينج أخت التيمـــا

[الماسي]

الله يعينك على تربيته التربيه الصالحه

[عبدالمحسن]

الله يكون في عونك ، هذا اولا

وثانياً : اعتقد والله أعلم !! ان هالتصرف يعود على الوازع الديني لدى الأب ، فلو كان يعرف الله حق المعرفه ، لعرف أن عليه حقوق وواجبات لأبنه ولأم أبنه. اسأل الله أن يهديه.

ولكن نصيحتي

أتمنى بأن لا تحسسي أبنك بتقصيـر ابوه ، كي لا ينعكس على شخصيته ، وكي لا ينسى أبوه عندما يكبر ، خصوصـاً أن الأدوار ستتبدل.
( بأحتياج الأب للأبن بعكس احتياج الأبن للأب الآن )


فـ بالتأكيد سوف تمر السنين ويتسائل الأب ،!! أين ابني ؟ لا يسأل عني !؟


..

كان الله في عونك ، وادعي لوالد أبنك بالصلاح ، وحاولي بأن يكون هناك اهتمام من اعمامه أو اخواله أن وجد




..

تحيــاتي لك

[بورصة مان]

الله يعينج أخت التيمـــا

المشكله اذا الرجال كره المره

يكره حتى عيالها...للاسف

[::.Silent.::]

الله المستعان

[الطرف الأغر]

غاليتي التيما يقولون بعيد عن العين بعيد عن القلب

ومافي مخلوق راح يسد مكان الأب ( لا الجد ولا الخوال ولا الأعمام ) كل من له دور وتأثير في حياة ابنك ، ، نصيحه من واقع تجربه وشوفي تأثيرها الفعلي على ابنك : اقرأي له دائما قصص الرسل والصحابه والعضماء في التاريخ الذين ولدو وهم ايتام وفي اصعب المحن ، ، وبالذات سيرة الرسول وكيف اصبح احب الخلق وقصة يوسف وتأثيرها القوي على الطفل ( أنتظر النتيجه )

وربي يعينج ويقويج على تربيته ، ، ويحنن قلب الأب على ولدج


تحياتي لج

[ضوى]

لا حول ولاقوة الا بالله

ما ادري شاقول بس الاخوان والاخوات ما قصروا

بس اتمنى ما تقسين عالولد في ابوه يعني حاولي دايما تدورين اعذار لابوه لانشغاله عن ولده حتى ما يحس انه ابوه متعمد ما يجيه ، حاولي تكلمينه عن ابوه خليه يتعلق فيه وصدقيني براءة الاطفال راح تذوب الصخر مو تذوب قلب الاب ، حاولي وشوفي منتي خسرانة شئ وربج كريم ومبدل قلوب يمكن بكرة يتعلق فيه اكثر منج ويعوضه عن كل الحرمان اللي شافه

الله يقويج ويساعدج على تربيته التربية الصالحة بس نصيحة من اخت لج لا تدلعينه وايد بحكم بعد ابوه عنه ترا هذا الشئ ممكن يأثر سلبيا عليه والله يحفظه لج ويبارك لج فيه وتشوفينه مثل امام المسجد الحرام الشيخ السديس وامثاله الصالحين قولي امين

[امل الحب]

الله يكونج في عونج .. ويتربى تربية صالحة على يدج ..

[رايق]

غاليتي التيما يقولون بعيد عن العين بعيد عن القلب

ومافي مخلوق راح يسد مكان الأب ( لا الجد ولا الخوال ولا الأعمام ) كل من له دور وتأثير في حياة ابنك ، ، نصيحه من واقع تجربه وشوفي تأثيرها الفعلي على ابنك : اقرأي له دائما قصص الرسل والصحابه والعضماء في التاريخ الذين ولدو وهم ايتام وفي اصعب المحن ، ، وبالذات سيرة الرسول وكيف اصبح احب الخلق وقصة يوسف وتأثيرها القوي على الطفل ( أنتظر النتيجه )

وربي يعينج ويقويج على تربيته ، ، ويحنن قلب الأب على ولدج


تحياتي لج


كلام طيب و اتفق معاه 100%

الله يوفقج اختي التيما و يبلغج في ولدج و يكون لج سند و عون

[whaggagy]

الاب يهرب من احساس الفشل فى حياته معكي
وذلك عندما يشاهد ابنه او يكلمه

[عزوز المضارب]

عندي سؤال وااااااااااايد محيرني :confused:


ليش لمن اثنين ينفصلون وبينهم طفل واتكلم من منطلق شخصي وتجربه شخصيه الاب ينسى ان عنده ولد :confused: ليش ؟؟ اوكيك ما نبي منه مصاريف بس على الاقل المفروض ولدي يحس بهالكلمه يمره مره في الشهر على الاقل مو بالسنه مره هاي اذا مر اصلا :eek3: ليش ما يتصل يكلمه يحسسه ان في اب حوله :confused: احس ولدي نسى اصلا ان عنده اب :eek3: مع اني مرات ادق على ابوه عشان اخليه يكلمه :con2: بس ابي اعرف ليش هالقسوه من الرياييل على فلذات اكبادهم في حاله الطلاق ؟؟ كاسر خاطري ولدي :eek3:

الله يكون في العون اختي التيما
وراح اجاوبك ليش الاب يقسى من واقع كذا تجربه
اولا يا اخت التيما الاب يتمنى ان يكون ابنه في حضنه ويتمنى ان يراه كل ساعه ولكن المشكله هو ان الاب يعتقد عندما يريد رؤيه ابنه او الاتصال به يظن احيانا سوء الظن للاسف بانه بهذه الحاله سوف ينكسر ويظن ايضا ان زوجته او مطلقته بتذله بابنها فطبيعه الرجل الشرقي لا يقبل بهذا الشي ولو انه بعض النساء يستغلون هذه النقطه احيانا ..فالرجل يشعر بان زوجته او مطلقته تذله بابنها او ابنتها وانه هي تجيب راسه بالولد ..لا اختلف معك هناك نساء يقدرون العشره ويحبون الاب يسال عن اولادهم ولكن نظره الاب نتيجه ضغط اهله وكلام اهله تترسخ لديه فكره انه"" تحمل تخليك تنكسر بسبب ولد او بنت"" ولديهم مقوله شهيره الاهل في حاله الاختلاف بين الزوجين وافتراقهم """الاولاد تقدر تعوضهم وتقدر تتجوز غيرها وتجيب غيرهم "وهذا الخطا الذي يقع فيه الاهل والضحايا دائما هم الصغار""

[bo_hamad]

لا حول والا قوة الا بالله قمنا نشوف ونسمع سوالف ما مر علينا ولا على اجددنا مثل اللي قاعد يصير الحين صار بعض الريايلين ما لهم لا احساس ولا ضمير حتى بعض النساء نشوفهم الحين متسلطين وخاصة اذا كانت تشتغل اذا زعلت تقول انا بروح بيت امي او بيت اختي خذا العيال ما ابيهم إنا لله وإنا إليه راجعون

[البركان]

قووولى امين


جعل ربى يرزقج الرجال اللى يعرف قيمتج

جعل ربى يسهل امورج وامور ولدج

[المزن الرياني]

الله يعينج اختي التيما على تربيه ولدج
وفعلا كلامج ... ولد عمي مطلق زوجته وعنده منها ولد ولايدري عنه ... حتى ريال مايعطيه
بس جده اللي هو عمي مب مخليه محتاج شي
بس هذا مب معناته ان الكل لهم نفس الفعل ... الناس اجناس

بالنسبه لي .... عيالي الاثنين بكفه ... وباقي الدنيا بالكفه الثانيه
واذا لاسمح الله صار انفصال بيني وزوجتي ... عيالي عندي لو شنو

[" النــــمـــــر"]

عندي سؤال وااااااااااايد محيرني :confused:


ليش لمن اثنين ينفصلون وبينهم طفل واتكلم من منطلق شخصي وتجربه شخصيه الاب ينسى ان عنده ولد :confused: ليش ؟؟ اوكيك ما نبي منه مصاريف بس على الاقل المفروض ولدي يحس بهالكلمه يمره مره في الشهر على الاقل مو بالسنه مره هاي اذا مر اصلا :eek3: ليش ما يتصل يكلمه يحسسه ان في اب حوله :confused: احس ولدي نسى اصلا ان عنده اب :eek3: مع اني مرات ادق على ابوه عشان اخليه يكلمه :con2: بس ابي اعرف ليش هالقسوه من الرياييل على فلذات اكبادهم في حاله الطلاق ؟؟ كاسر خاطري ولدي :eek3:


اختي كما تدين تدان والله أعلم رح يحس فيها الأب عند الكبرcrazy رح يحس انه كان امقصر مع ولده:eek3: وأختي كوني صبورة والله ما يضيع عمل مؤمن...
والله انقهرت خبريه يفتح نك عالمنتدى وحنا بنراويك فيه:strong

[ورقــة أمــل]

في رجاجيل يقولون والله هي مللتني لين تطلقت وفلستني وخذت ماوراي ودوني
وبعد خذت الياهل عيل خلااااص خل تربيه بنفسها اذا تقدر..
ويروح يتزوج غيرها..
والطفل مرده بيكبر وبيرجع لابوه مهما كان... حتى لو ابوه اهمله....
حاولي تحسسينه ان انتي الام والاب وتعوضينه عن ابوه.. ولما يكبر بيفهم بنفسه ان ابوه ما سئل عنه وان انتي اللي منتي له الام والاب..

[السهم الذهبي 2007]

لا حول ولا قوه الا بالله

[ســـهم]

التيما

زوجك هذا شاذ مع اللاسف ولا تعتقدين ان جميع الآباء هالشكل

لا اعرف سن طفلك هل هو كبير او صغير اذا كان كبير يمكن طرشينه كل يومين ليحتك بأعمامه

وأهله وأذا كان صغير يمكن ان تذهبين انتي الى والدة ابوه وتشرحين لها هذا الوضع

مادري بصراحه شقول غير هذا لكن الله يهديه

[هسلان]

الله يكون بالعون
مش كل الرجال مثل المذكور اعلاه
لكن عندي نصيحة خلي الولد يتقرب من خاله أو عمه لان الولد يلزمه رجل يكون له قدوة ولكي لايتصرف نفس تصرفات الفتيات لالتصاقه بامه وفقدان وجود الاب فالطفل بطبعه مقلد ويحب يقلد القريب منه لذلك وجود بديل للاب ضروري جداً
والله يهدي ابوه

[هسلان]

الله يكون في العون اختي التيما
وراح اجاوبك ليش الاب يقسى من واقع كذا تجربه
اولا يا اخت التيما الاب يتمنى ان يكون ابنه في حضنه ويتمنى ان يراه كل ساعه ولكن المشكله هو ان الاب يعتقد عندما يريد رؤيه ابنه او الاتصال به يظن احيانا سوء الظن للاسف بانه بهذه الحاله سوف ينكسر ويظن ايضا ان زوجته او مطلقته بتذله بابنها فطبيعه الرجل الشرقي لا يقبل بهذا الشي ولو انه بعض النساء يستغلون هذه النقطه احيانا ..فالرجل يشعر بان زوجته او مطلقته تذله بابنها او ابنتها وانه هي تجيب راسه بالولد ..لا اختلف معك هناك نساء يقدرون العشره ويحبون الاب يسال عن اولادهم ولكن نظره الاب نتيجه ضغط اهله وكلام اهله تترسخ لديه فكره انه"" تحمل تخليك تنكسر بسبب ولد او بنت"" ولديهم مقوله شهيره الاهل في حاله الاختلاف بين الزوجين وافتراقهم """الاولاد تقدر تعوضهم وتقدر تتجوز غيرها وتجيب غيرهم "وهذا الخطا الذي يقع فيه الاهل والضحايا دائما هم الصغار""

عذر غير مقنع بالمرة
وهذا يدل على ضعف الشخصية

[ROSE]

:( حاسة فيج والله صار هالموقف للاسف حق وحده عزيزه علي وايد

دورج صعب يالتيما في انج تربين ولدج بطريقة مايحس فيها بغياب ابوه

محد راح يقدر يعوضه غيابه وخاصة انه كل ماشاف احد راح يقول له بابا ولا يبه

هو بيحاول انه يتخذ من اي شخص يبحث عن شخصية ابوه الحقيقي :(

بس مثل ماقلت لج ايمانج بالله وقوة عزيمتج ان شاء الله راح تخلينه مايحس بهالفراغ

وادعي ربي يحنن قلب ابوه القاسي عليه وغفلته عن ولده ومسيره بيرد وبيحن قلبه ان شاء الله


الله يعوضج احسن وافضل ان شاء الله

[عزوز المضارب]

عذر غير مقنع بالمرة
وهذا يدل على ضعف الشخصية

يعني هالشخص لو عنده قوه شخصيه ما صار اللي صار ...والرجل اللي يترك ابنه او بنته ما في خير اصلا وضعف الشخصيه من انواع الرجال اللي ما فيهم خير

[بدور]

الله يحفظ ولدج وتبلغين فيه يا ربي

حبيبتي لاتزعلين على هالاب هناك كثير من الاباء امثاله

لي قريبه تركت زوجها واعيالها اطفال عمر البنت 4 سنوات والولد 9شهور

طلبت الطلاق من سوء العشره واهتمت بعيالها وربتهم افضل تربيه

والبنت هالحين بالجامعه من المتفوقات والولد رفع راسها بتفوقه

وطول هالسنين مايعرفون شيء عن ابوهم وهالحين من فتره يحاول يتودد لهم

ولكن رافضين الاعيال ان يدخل بحياتهم لانه تركهم اطفال ورجع ندمان

ولكن بعد فوات الاوان ويعيش بعذاب من بعدهم عنه هالحين

واتمنى ولدج يرفع راسك فكوني فخوره الله يحفظك غاليتي

[التيما]

كلام صحيح

والمشكله انها تأثر بعدين في الاود في الحياة الاجتماعيه او شخصيته

لا حول الله

يسلمو
هاي اللي ما ابيه حق ولدي بروه انا انسانه اخاف الله واعترف بحق ولدي وحق ابوه بس المشكله ابوه ما يسأل عنه

[التيما]

الله يكون بالعون
مش كل الرجال مثل المذكور اعلاه
لكن عندي نصيحة خلي الولد يتقرب من خاله أو عمه لان الولد يلزمه رجل يكون له قدوة ولكي لايتصرف نفس تصرفات الفتيات لالتصاقه بامه وفقدان وجود الاب فالطفل بطبعه مقلد ويحب يقلد القريب منه لذلك وجود بديل للاب ضروري جداً
والله يهدي ابوه
البيت مليان اولاد وشباب وانا بنفسي اتصل على يدته لأبوه عشان يكلمها بس كاسر خاطري

[التيما]

الله يعينج أخت التيمـــا
امين يسلمو ابو تركي

[التيما]

الله يعينك على تربيته التربيه الصالحه
امين يارب يسلمو الماسي

[التيما]

الله يعينج أخت التيمـــا

المشكله اذا الرجال كره المره

يكره حتى عيالها...للاسف
يمكن لو كان يكرهني كان بيناحسني ويسأل عن ولده الغريبه انه يسأل عني انا ومو حول ولده

[ابوعلي]

الاخوه والاخوات ما قصروا في الرد

ممكن اختي يدخلون اطراف يعزون على الاب ويفهمون الامر وتأثيره على الابن في الحاضر والمستقبل لعل الاب في غفلة ويحتاج لتذكير