للبيع نمر هندي مروض بيدي(صورة)

[بطران]

سلام عليكم

صراحه ودي ابيع سفاح جبته وعمره شهرين من الهند لحد يسئلني اشلون دخلته صار لي فلم اهني هههههههههههه:nice: هناك بالهند ماعندهم مشاكل بس اهني المشاكل بجواز سفر ومدري شو و ورقه صحيه ..لدرجة اني اجرت مندوب يراكض لي ههههههههه

بالنسبه للسفاح اسمه الحالي:strong جبته كان خايف و وحشي ...طريقة تدريبه شليت ضروسه ومخالبه .. ولبست قفازات وحاولت اعوده على يدي وهو يعضض بعافيتي:D لحد ما زهق ورضى امسح فوق ظهره ... الحين مثل القطو الوديع بس مهما كان مفترس وحلاته شبعان ... ياكل نص ذبيحه مفرومه يوم ورا يوم ..لازم مفرومه ماله ضروس

الوقت الحالي عمره ست شهور.. سبب البيع كبر حجمه ومب عارف وين احطه خوفي يشرد ويسويلي مشكله .. والقفص الحالي بدا يضيق عليه ...

السعر الي طالبه .. 50 الف ريال زايد القفص خمسه ب خمسه متنقل حديد بالكامل وثقيل

للجادين العرض وارجو عدم الاستخفاف بالهوايه مثل موضوع الطير الكوكاتو كذا واحد مستخف بالسعر مع اني اشوفه عااادي:)

ملخص الكلام..نمر هندي ذكر ... ست شهور .. من غير ضروس او مخالب ...فحص دوري دايمن كل شهر ..يوم ورا يوم نص ذبيحه صغيره ومفرومه!!

اذا محد عزم يشتري ..راح اهديه لحديقة الحيوان باذن الله:)

وهاذي صوره


http://img405.imageshack.us/img405/9986/34036174gj9.th.jpg (http://img405.imageshack.us/my.php?image=34036174gj9.jpg)

[ســـهم]

أحنا ماقدرنا على الهود انفسهم


شلون نقدر على نمورهم :eek2:

الله يهديك

والله يوفقك

[بطران]

أحنا ماقدرنا على الهود انفسهم


شلون نقدر على نمورهم :eek2:

الله يهديك

والله يوفقك

يامرحبا بك الشيخ شاكر تواصلك .. الله يقدرك على نمورهم:app:

[ALRAYYAN]

والله ان يوم عن يوم يزيد اعجابي بك وبهاويتك اللي مانشوفها الا في قنوات دسكفري وفي اوروبا وشرق آسيا

والله لو بيدي سويت معاك برنامج او حلقه كامل عن هوايتك العجيبه والجميله في نفس الوقت

الله يوفقك يالغالي

[theeb_qatar]

مووضووع جميل .. و هوايات اجمل ...
اتمنى لك التـوفيق يالغلا ...

تحياتي
اخووك

[بومتعب]

ياكل نص ذبيحة !!!!!!

الله يعين صاحبه

[كروة]

يعني كل يومين ذبيحة اذا بتفقرني احسن لك اهديها لحديقة الحيوان علشان تشتهر ويحطون اسمك بالجرايد مع وضع الصورة (شاب قطري أهدى نمراً للحديقة)

[وحيد-الشوق]

يعني كل يومين ذبيحة اذا بتفقرني احسن لك اهديها لحديقة الحيوان علشان تشتهر ويحطون اسمك بالجرايد مع وضع الصورة (شاب قطري أهدى نمراً للحديقة)

:funny: :funny: :funny: :funny:

[M O 7 A M M E D]

الله يوفقك اخوي بطران ..

وهوايتك فعلا ممتعة ومكلفة في نفس الوقت ..

:)

[ورقــة أمــل]

الله يوفقك اخوي

وماشاء الله عليك هوايتك وايد حلوة ونادرة

[Bin Hood]

ما شاء الله

عليك يا بطران وعلى هواياتك وشجاعتك

حتى هواياتك فيها بطره

[بدور]

نمر هندي :eek2: :eek2:

كل ماله يكبر والقفص صغير عليه هذا يبيله فيلا خاصه :funny:

طر جيبي مع هالهوايه الخطره :eek3: اخوي

[قناص قطر]

بعد اسبوع بيكون عندك فيل

اخوي صدق اذا عندك فيل صغير انا شراي من الحين

[بطران]

والله ان يوم عن يوم يزيد اعجابي بك وبهاويتك اللي مانشوفها الا في قنوات دسكفري وفي اوروبا وشرق آسيا

والله لو بيدي سويت معاك برنامج او حلقه كامل عن هوايتك العجيبه والجميله في نفس الوقت

الله يوفقك يالغالي

مرحب الشيخ .. بتسوي لقاء معاي ههههههههههه البلد متروسه من هالشباب ... اعرف واحد عنده تماسيح رابين بحديقة بيتهم ومسوي خندق بالنص وغزير
:app: وفي واحد شاري نمر ابيض بالكامل ب نص مليون وحاطه عند باب الميلس;)

[بطران]

مووضووع جميل .. و هوايات اجمل ...
اتمنى لك التـوفيق يالغلا ...

تحياتي
اخووك

شاكر تواصلك:strong

[بطران]

ياكل نص ذبيحة !!!!!!

الله يعين صاحبه

يامرحبا بك ..الخير وايد الحمدالله .. شاكر تواصلك:strong

[بطران]

يعني كل يومين ذبيحة اذا بتفقرني احسن لك اهديها لحديقة الحيوان علشان تشتهر ويحطون اسمك بالجرايد مع وضع الصورة (شاب قطري أهدى نمراً للحديقة)

يامرحبا ...وشاكر تواصلك .. ترى مب انا اول ولا اخر واحد اهدي الحديقه ... الربع ماعطينهم غزلان ونعام وقرود من نوع الامريكي القزم و قرد بومي ... ف شبل النمر ذي ولا شي:strong

[بطران]

شاكر تواصل جميع اخواني الشباب والبنات

[بطران]

بعد اسبوع بيكون عندك فيل

اخوي صدق اذا عندك فيل صغير انا شراي من الحين

هههههههههههههه الفيل بيئته صعبه الشيخ ولازم له مدرب هندي في طريقة تخاطب انا مب فاهمها ولا بافهمها للحين :strong وله موسم بالسنه يكون هايج حده حول اربيعين يوم اذا جا موسم التزواج ماله ...ف عاااادي يدوسني وهو مخمس علي بعد:D

[qatar_moon]

اتصدق والله خاطري اربي نمر ولا اسد بس من اول ماينولد مب الحين

اخاف

[بطران]

اتصدق والله خاطري اربي نمر ولا اسد بس من اول ماينولد مب الحين

اخاف

مايخوف ومارد كل صغير يكبر:nice:

[qatar_moon]

مايخوف ومارد كل صغير يكبر:nice:

تعال ابتطلع له ضروس مره ثانيه:eek3:

[بطران]

تعال ابتطلع له ضروس مره ثانيه:eek3:

اي لازم الشيخه تطلع له انياب اول شي .. لازم كل اسبوعين ع الاقل تنشال ونفس الشي مخالبه اهم من ضروسه:D

[qatar_moon]

اي لازم الشيخه تطلع له انياب اول شي .. لازم كل اسبوعين ع الاقل تنشال ونفس الشي مخالبه اهم من ضروسه:D

:con2: اي زين:looking:

[بطران]

:con2: اي زين:looking:

هواية وراها عباله ادري:nice:

[qatar_moon]

هواية وراها عباله ادري:nice:

الخوف مش من العباله الخوف ياكلني:looking:

[بطران]

الخوف مش من العباله الخوف ياكلني:looking:

نظرة التحدي تكفيه ... اذا طالع لازم ماشل عيني من عينه واكسرها له اهني يصير مثل القطو;)

اول ماتعلم جذي كان ينقز علي وعصبي الحين اوكي مايحط عينه بعيني واليف حده:nice:

[قناص قطر]

هههههههههههههه الفيل بيئته صعبه الشيخ ولازم له مدرب هندي في طريقة تخاطب انا مب فاهمها ولا بافهمها للحين :strong وله موسم بالسنه يكون هايج حده حول اربيعين يوم اذا جا موسم التزواج ماله ...ف عاااادي يدوسني وهو مخمس علي بعد:D


ههههههههههههههه

يعطيك العافية

اخوي في تايلاند عندهم شيء وصغار

صحيح اذا هاج الفيل مشكلة وشيمسكه ذيك الحزه

بس اصعب فيل ( حلوه ) اصعب حب

الفيل الافريقي

[حمد]

نظرة التحدي تكفيه ... اذا طالع لازم ماشل عيني من عينه واكسرها له اهني يصير مثل القطو;)
اول ماتعلم جذي كان ينقز علي وعصبي الحين اوكي مايحط عينه بعيني واليف حده:nice:


اشعنده الاسد :dance

[ابوعلي]

الله يهديك اخوي احنا القطو وزين نمسكه تبينا نمسك نمر وهندي بعد :eek3: :eek3:

[ROSE]

هواية رائعة اخوي واتمنى لك التوفيق


والله خاطري اشتريه بس اخاف منه حتى لو بدون ضروس

بس يطالعني هو في شرق وانا في غرب :eek3:


مااقدر ع المكاسر اخاف :looking:

[بطران]

اشعنده الاسد :dance

حتى انا ساعات اضحك على نفسي ليش مستغرب الشيخ ... ترى هذا علم ... وينطبق على كل انواع السنوريات ... لاحظ انت اذا شفت قطو حط عينك بعينه وراقب تصرفه ... يا انه يشرد او انه يعضك بخشمك ههههههههههههههه:funny:

[بطران]

هواية رائعة اخوي واتمنى لك التوفيق


والله خاطري اشتريه بس اخاف منه حتى لو بدون ضروس

بس يطالعني هو في شرق وانا في غرب :eek3:


مااقدر ع المكاسر اخاف :looking:

لا فيها مكاسر ولا شي الشيخه ... حده حبوب واليف ... وروز قطوتج محجوزه وانتي باللسته هههههههههههه:D

[بطران]

الله يهديك اخوي احنا القطو وزين نمسكه تبينا نمسك نمر وهندي بعد :eek3: :eek3:

اهو مثل القطو زايد انه حمقي شوي زايد انه كل شوي تحسه اكبر ههههههههههه:D

[qatar2929]

لوسحت يا البطران رقمك على الخاص
علشان نتفاهم على موضوع النمر

[khalid81]

والله مادري وش أقـولك يالبطـران :con2: :con2:

أنا قبل فتـرة كنت أدور لي على شـبل

وقالـوا لي أن الشبل أرخص من صغير النمـر

لأن الأول سهـل ترويضـة لكن النمـر بطبيعة حالـة عدوانـي

وصعب يتروض فمـادري ياخـوي هو حجمـة وشكـــبر

وياحبـذا تحـط صورته كاملـة علشـان الواحـد يحكم هل بيشتريـه ولا لا

ومشكـور يالغـالي

[بطران]

:)

والله مادري وش أقـولك يالبطـران :con2: :con2:

أنا قبل فتـرة كنت أدور لي على شـبل

وقالـوا لي أن الشبل أرخص من صغير النمـر

لأن الأول سهـل ترويضـة لكن النمـر بطبيعة حالـة عدوانـي

وصعب يتروض فمـادري ياخـوي هو حجمـة وشكـــبر

وياحبـذا تحـط صورته كاملـة علشـان الواحـد يحكم هل بيشتريـه ولا لا

ومشكـور يالغـالي

الصوره صعبه بالعزبه هو ... وانا قلت عدواني وحجمه يزيد يوم عن يوم واهم شي انه شبعان .. والقفص خمسه بخمسه تعطيه شهرين وبيضيق عليه:) اعطيك من الاخر الشيخ

[بطران]

لوسحت يا البطران رقمك على الخاص
علشان نتفاهم على موضوع النمر

شيك الخاص طال عمرك

[qatar2929]

بطران مافي شي على الخاص

طرش مره ثانية

[khalid81]

:)

الصوره صعبه بالعزبه هو ... وانا قلت عدواني وحجمه يزيد يوم عن يوم واهم شي انه شبعان .. والقفص خمسه بخمسه تعطيه شهرين وبيضيق عليه:) اعطيك من الاخر الشيخ


معليش اخوي البطـران تحملـني

حالياً حجمـة حجم السلقـة وأنت بكرامـة ولا أكبـر ؟؟

[التيما]

وااااااااااااو روعه بس يخررررررررررع اخاف اروح فطيس على يد سفاح ههههههههههههه

[بطران]

تم حجز سفاح من خارج المنتدىواسمحلي اخوي قطر 2929 .. عارضه برع ب 60 وجاب السعر الي في بالي على الخساره الي خسرتها ... توه جايني تلفون والله

ارجو من الاخ محمد تصكير الموضوع ...

[بطران]

معليش اخوي البطـران تحملـني

حالياً حجمـة حجم السلقـة وأنت بكرامـة ولا أكبـر ؟؟

حجمه تقريبا ونص زياده الشيخ ... وخلاص توه جايني تلفون بياخذه واحد .. ب 60

[khalid81]

حجمه تقريبا ونص زياده الشيخ ... وخلاص توه جايني تلفون بياخذه واحد .. ب 60


بالتـوفيق يالغـالي

وشكلك وأنا أخـوك تحب تربيـة الحيوانات

فإذا كان عندك ولا سمعت عند حد شبل يبغي يبيعـة لاتنساني وأنا اخوك تراني شراي

[بطران]

بالتـوفيق يالغـالي

وشكلك وأنا أخـوك تحب تربيـة الحيوانات

فإذا كان عندك ولا سمعت عند حد شبل يبغي يبيعـة لاتنساني وأنا اخوك تراني شراي

ابشر ... انا خلاص تبت منه وزين احجزه الريال عبالته مب عباله .. الاكل مدري وين يروح ههههههههههه

[قطر]

تم حجز سفاح من خارج المنتدىواسمحلي اخوي قطر 2929 .. عارضه برع ب 60 وجاب السعر الي في بالي على الخساره الي خسرتها ... توه جايني تلفون والله

ارجو من الاخ محمد تصكير الموضوع ...

بالمبارك

والله ايوفقك ويوفق الشاري