التريلات

[منــار]

السلام عليكم ورحمه الله وبركاته..


انا حبيت أشتري تريلات اي نوع مطلوب للشركة ..

ممكن حد يفيدني بأي شركة موثوقه طالبه تريلات ...


السائقين موجودين ..

[" النــــمـــــر"]

أختي اشتري تريلات نوع مرسيدس Lp حمولة 50 طن صح غالية اشوي بس هاذي المطلوبة بالدوحة أنا شريت وحده موديل 98 من شهر ونص ب 250000 ريال والحين تسوى 305000 ريال ..

وبالتوفيق

[منــار]

شكرا اخوي نمر الاسهم ع المعلومه وع المرور


تعبت وانا ادور شركات تعطيني بسعر يستاهل ياليت من الاخوان يعطوني اسامي شركات معروفه ومضمونه في نفس الوقت .





شكرا

[" النــــمـــــر"]

شكرا اخوي نمر الاسهم ع المعلومه وع المرور


تعبت وانا ادور شركات تعطيني بسعر يستاهل ياليت من الاخوان يعطوني اسامي شركات معروفه ومضمونه في نفس الوقت .







شكرا



أختي من الشركات المضمونة الجابر بس تبين حد تعرفينه عندهم وعقودهم سنوية ومضمونة

[منــار]

يعطيك العافية اخوي

[alwahesh]

نصيحه اخويه نصحني بها اخ عزيز علي واعتقد انه خبير تريلات (ابعد عن الشر وغني له )

وقبل التفكير في مشروع مثل هذا لازم تفرين شوي ومن اهم الاسئله ؟؟
هل عندج ناس يبارون التريلات ويحاسبون السواقسن ويراقبونهم ؟
هل انتي مستعده لعوار الراس والمشاكل الي اتي من وراهم مثل لا قدر الله الحوادث الخ الخ
هل الشغله تسوى العنوه ولو حسبنا ( دراسة جدوى) التريلا طبعا الشبه جديده 2002 مثلا سعرها اليوم 220000 الى 250000 جاهزه ..او اكثر شوي المهم

المبلغ هذا يمكن يسترد بعد سنتين الى 3 سنوات حسب القدر طب
وبعدين وين المربح ولا قدر الله لو صار حادث او مصبيه والله مكثرها حفظكم الله المربح في بيع التريلا اذا تمت صاحيه بعد الاستهلاك

اختي العزيزه نصحوني الخبرا ان الواحد اذا يقدر يشتري 10 تريلات يمكن يستفيد وطبعا لازم يكون عنده عمال ومراقبين ومتابعة الصيانه ولا شي الفايده من ارجاع الشاحنه بعد سنه وهي مستهلكه ولا تصلح للاستخدام بدون صيانه ..
هذي نصيحه انا تعلمت منها والارزاق على رب العالمين لكل واحد منا الله كاتب له رزق ومثل ما يقولون اش لك في البحر واهواله ورزق الله على السيف .
اذا عندج خير نصيحه استثمري في مشروع نسائي مثل صالون او مرقص قصدي ( رقص الباليه او يروبيك ) صاله للنساء لرياضة الباليه او البوروبيك شي كذي وانتي تباشر حلالج وتديرين المشروع ..وعط الخبز للخباز مثل مايقولون .
ولو المشروع فيه خير ماكانت التريلات الي صافه في الصناعيه اكثر من السيارات وغير الاعلان الي في الجرايد عن شركة عندها اكثر من 100 تريلا لليجار

وعلى فكره الناس الي انصب عليهم اكثر من الي ربحو ( ان لم تكن ذئبا اكلتك ...؟؟؟)

[حسين بن عاقول]

الي صافين تريلاتهم موديلات 98 او اقل لانة اكثر العقود بالدولة طالبين مودل 2000 وطالع
ثاني شي اذا عندج عقد مضمون مدة سنتين او 3 ابشري بخيرج
تريلا مودل 2001 راس ب170 او 175 بالكثير وعلي فحص

[منــار]

اخوي alwahesh وحسين بن عاقول مشكورين ع المرور والنصائح وباخذهم بعين الاعتبار

يعطيكم العافية

[alwahesh]

اللهم اني بلغت اللهم فشهد

انا سويت الي علي وعلى قولة الصعايده عقلك براسك وتعرف خلاصك

وبالتوفيق

[" النــــمـــــر"]

الي صافين تريلاتهم موديلات 98 او اقل لانة اكثر العقود بالدولة طالبين مودل 2000 وطالع
ثاني شي اذا عندج عقد مضمون مدة سنتين او 3 ابشري بخيرج
تريلا مودل 2001 راس ب170 او 175 بالكثير وعلي فحص

أخي العزيز أنا أملك تريلا والحمد لله موفق بعقد لمدة سنة وقابل للتجديد صافي شهريا 40000 ريال ....
بس المعرفة اتسويلك كل شيء;)

[ANONYMOUS]

أخي العزيز أنا أملك تريلا والحمد لله موفق بعقد لمدة سنة وقابل للتجديد صافي شهريا 40000 ريال ....
بس المعرفة اتسويلك كل شيء;)



حلو.. لعبت..

اهنيه الناس اللي تشتري وتعرف شسالفه..

مب مثل بعض الناس سمعوا عن فلان صار عنده خير قال انا بشتري تريله..

قبل لايشتري الانسان تريله..

1- يكون عنده عقد مضمون ويعرف ناس ماجرين تريلاتهم عالشركه.. ويتأكدون من نزاهة الشركه..
2- يسأل بالضبط عن مواصفات التريله المطلوبه للتأجير..
3- يعرف او يكون عنده خبر عن اسعار التريلات.. وقطع غيارهم عشان يكون في الصوره.. والديزل.. الخ
4- يكون عنده سايق امين لو الشركه تأجر مع سايق..
5- يعرف كراجات امينه.. لو صار شي لسمح الله..
5- يتابع حلاله ويباريه..


واخر شي واهم شي يعرف حد اب هالمجال.. ولا بتروح عليه

[السهم الثابت]

نصيحه اخويه نصحني بها اخ عزيز علي واعتقد انه خبير تريلات (ابعد عن الشر وغني له )

وقبل التفكير في مشروع مثل هذا لازم تفرين شوي ومن اهم الاسئله ؟؟
هل عندج ناس يبارون التريلات ويحاسبون السواقسن ويراقبونهم ؟
هل انتي مستعده لعوار الراس والمشاكل الي اتي من وراهم مثل لا قدر الله الحوادث الخ الخ
هل الشغله تسوى العنوه ولو حسبنا ( دراسة جدوى) التريلا طبعا الشبه جديده 2002 مثلا سعرها اليوم 220000 الى 250000 جاهزه ..او اكثر شوي المهم

المبلغ هذا يمكن يسترد بعد سنتين الى 3 سنوات حسب القدر طب
وبعدين وين المربح ولا قدر الله لو صار حادث او مصبيه والله مكثرها حفظكم الله المربح في بيع التريلا اذا تمت صاحيه بعد الاستهلاك

اختي العزيزه نصحوني الخبرا ان الواحد اذا يقدر يشتري 10 تريلات يمكن يستفيد وطبعا لازم يكون عنده عمال ومراقبين ومتابعة الصيانه ولا شي الفايده من ارجاع الشاحنه بعد سنه وهي مستهلكه ولا تصلح للاستخدام بدون صيانه ..
هذي نصيحه انا تعلمت منها والارزاق على رب العالمين لكل واحد منا الله كاتب له رزق ومثل ما يقولون اش لك في البحر واهواله ورزق الله على السيف .
اذا عندج خير نصيحه استثمري في مشروع نسائي مثل صالون او مرقص قصدي ( رقص الباليه او يروبيك ) صاله للنساء لرياضة الباليه او البوروبيك شي كذي وانتي تباشر حلالج وتديرين المشروع ..وعط الخبز للخباز مثل مايقولون .
ولو المشروع فيه خير ماكانت التريلات الي صافه في الصناعيه اكثر من السيارات وغير الاعلان الي في الجرايد عن شركة عندها اكثر من 100 تريلا لليجار

وعلى فكره الناس الي انصب عليهم اكثر من الي ربحو ( ان لم تكن ذئبا اكلتك ...؟؟؟)
مرحبا شخباركم.... احييك اخوي على النصيحة وارجووو ان اختي منارر تاخذ بنصيحتك انا من الي شروو تريلات .. من 3 سنوات وكل يوم خراب بالتواير والا بالشاصي ولا السائق شارد ... وبالاخير بعتها بخسارة اكثر من 80 الف خلال 3 اشهرر وعشت مرتاح المزاج .... المعدات الثقلة حلوةةة للي عندة كراج وعندة شركة متكاملة المبتدى ,,,,, بس خساير وعوار راس
لكم الشكررر....باي