فرحة الشعب القطري بالاجازةاكبر من فرحة الانتخابات!! [الأرشيف]

مشاهدة النسخة كاملة : فرحة الشعب القطري بالاجازةاكبر من فرحة الانتخابات!!

الزاجل

31-03-2007, 05:00 PM

هلا شبابون وشبابات

ما اتلاحظون ان فرحة الشعب القطرية بالاجازة واهتمامهم
بمعرفة مصيرهم بخصوص الإجازة اكبر من
اهتمامهم بمعرفة المرشحين ومن هم الأفضل لدائرتهم ؟

ما اتلاحظون ان التلفونات اشتغلت والمنتديات اشتعلت
والاهتمامات زادت لمعرفة مصير باقي الشركات والمدارس المستقلة
في حين الغالبية ما يعرفون شي من المرشحين الا ان
دعاية فلان اكبر من دعاية علان
وان فلان اكشخ من علان
وان فلان شكله يكسر الخاطر
وعلان باين عليه شري:court:

فهل بالفعل غدا يوم عرس للشعب القطري
بسبة الانتخابات
والا بسبة الاجازة ؟:D

التيما

31-03-2007, 05:03 PM

انا اولهـــــــــــــــــم :app: :app: :app:

الزاجل

31-03-2007, 05:04 PM

انا اولهـــــــــــــــــم :app: :app: :app:
اعتقد اولهم في اللي مستانس وفرحان ويحس انه عيد وعرس
بسبة الإجازة صح ؟

حسن بن علي

31-03-2007, 05:06 PM

ايش سوا لنا المجلس السابق

لا شئ

ليش اضيع وقتي

افرح بالاجازه احسن

عذايب قطر

31-03-2007, 05:11 PM

اخوي الزاجل
تبي الصراحه فرحتنا بالاجازة اكثر من الانتخابات

شو سوه لنا المجلس البلدي ولاشي

كله حجي وكلام من قبل المرشحين بس من دون فعل
والكل ملاحظ هالشي

تحياتي لك

عذايب قطر

ابو الاسهم

31-03-2007, 05:11 PM

انا ما عندي اجازة :eek3:

عذايب قطر

31-03-2007, 05:13 PM

الله يعطيك العافية

التيما

31-03-2007, 05:23 PM

اعتقد اولهم في اللي مستانس وفرحان ويحس انه عيد وعرس
بسبة الإجازة صح ؟
صححححححححححححححححححححححححححححححح :funny:

امل الحب

31-03-2007, 06:14 PM

وانا مستانسة لان شوي بنرتاح من الجامعة والدكاترة وشيل الكتب..

صج يوم لكن يفرق واايد..

السديم

31-03-2007, 06:23 PM

مرحبا أخي الزاجل ..

صحيح الشعب فرحان ومستانس لان الاحد اجازة رسمية ..

وانا أولهم طبعا بنفتك من الدوام يوم واحد على الاقل ..

بس تأكد لو المجلس كان له دور في الدورات السابقة وحقق ولو جزء من طموح المواطن كان الاهتمام بيكون بشكل اكبر ..

لكن مثل ماقلت الناس ماعادت تلتفت للجدول والبرنامج الانتخابي لكل مرشح قد ماعلقت على شكل فلان والمرشح ذي متصور في غاية الاحلام ماعليكم منه في الواقع شكله جيكر :nice:

اجازة سعيده للكل وحظ وافر لكل مجتهد احسن النية لخدمة الوطن ..

والتحية موصوله لك اخي الزاجل :nice:

لجين

31-03-2007, 07:05 PM

ايش سوا لنا المجلس السابق

لا شئ

ليش اضيع وقتي

افرح بالاجازه احسن

This is my opinion also :nice:

فتى البورصة

31-03-2007, 07:24 PM

الحمد لله اجازة علشان كل واحد منا ينتخب

الراقية

31-03-2007, 08:24 PM

أنا ماعندي إجازة

بس عموما نعم كل شخص يستانس بالاجازة اي كان نوعها ...يكفي اسمها اجازة

بس تبي الصدق عندما تكون الاجازة مقرونة بشء او مناسبة يكون يوم مهم

وبعدين يكفي ان الجميع يشارك ويكفي أنك حتى لو المجلس ماله اهمية يمكن اليوم ماله اهمية وماعنده صلاحيات ولا الية تنفيذ بس مستقبلا اكيد بيكون له دور فعال وهذا ما نتمناه

ونحن كشعب

ننتظر بفارغ الصبر

البرلمان لما له من اهمية

يعطيكم العافية

وهذا رائيي الشخصي

ورقــة أمــل

31-03-2007, 08:42 PM

انا ماعندي اجازة

وماتفرق عندي لاني مب مسافره

الزاجل

01-04-2007, 12:26 AM

ميرسي يا جماعة على الردود:p

اهاااا

طلعنا بالفعل فرحانين بالاجازة

ياليت مرة ثانية ما يعطون اجازة الا للي عنده بطاقة
ناخب وبطاقة مرشح
ويثبت انه صوت :looking:

Darco

01-04-2007, 01:59 PM

أكيد الفرحة بالإجازة.. لأن الناس خلاص عرفوا أن المجلس البلدي ما منه فايدة ولا يهش ولا ينش ..

واللي بيروح ينتخب أحد المرشحين مب منتخبه لأنه ينطر منه شيء للدائرة, ينتخبه عشان أنه يعرفه أو أنه موصيه على هالشي ..

وحتى اللي مرشح نفسه في الغالب, مهب مرشح نفسه لأنه يبي يفيد أو أنه متوقع أنه يقدر يسوي شي .. يرشح نفسه حق الفلوس أو الظهور في الجرايد.

الله يستر من البرلمان .. أخاف أننا ناكل به مقلب مثل المجلس البلدي.

الزاجل

01-04-2007, 03:23 PM

8
8
8
بالفعل

سمعت اكثر من شخص يقول لي

برشح رفيجي .. واللي يقول المرشح الفلاني مب داش قلبي.

من الأساس العملية بكبرها ما قامت اتييب نتيجة

فمب عارفين ليش يصرون في وسائل
الإعلام على نعتها بالعرس القطري ؟

الجني

01-04-2007, 03:45 PM

محد مستانس الا العيال في البيت بالإجازة

الزاجل

01-04-2007, 05:24 PM

8
8
8

بصراحة كلنا مستانسين

بس ما يصير تكون ردود افعالنا باردة
في موقف المفروض يكون وطني ..

لابد من تصحيح الوضع حتى يتم التفاعل
بشكل جدي مب بشكل هزلي والهدف انتظار
اجازة رسمية لا اكثر ولا اقل ..

بيانو

01-04-2007, 05:28 PM

انا اولهـــــــــــــــــم :app: :app: :app:

اه منك يا لومينا
crazy crazy

بيانو

01-04-2007, 05:29 PM

h2004

01-04-2007, 06:32 PM

يكفي ان المجلس البلدي منسي طول ايام السنة فالاجازة ضرورية لهذا اليوم على الاقل تساهم في توعية الناس بان هناك انتخابات وبرنامج انتخابي ومرشحين ومنها تزداد التوعية يوم بعد يوم واعتقد الاجازة ضرورية في ايامنا هذه ايام الدوام الطويل والعمل الكثير فدع الناس تستانس شوي وفي نفس الوقت يؤدون دورهم الوطني والديمقراطي وشكرا

شاهيناز

01-04-2007, 06:42 PM

الحمدلله العرس الانتخابي نجح والحمدلله

واقبال الناخبين كان رائع اكثر مما تصور الجميع
وهذا دليل ان الجو الديموقراطي يسير بصوره رائعه
والثقافه الديموقراطيه عند الناخب والمرشح

في تطور مستمر

والله ياعمري قطر

في انتظار انتخابات مجلس الشورى

وكل عام وانتوا بخير

إنتعاش

01-04-2007, 08:39 PM

بالفعل اخوي
الفرحه بالاجازه
اكبر من الفرحه بالانتخابات بكبرها

ويعود ذلك لوضع المجلس البلدي
( استشاري فقط )

يعني لا يهش ولا ينش

. . .

اعتقد لو في المستقبل تم إعطاء صلاحيات ( تنفيذيه او رقابيه )

للمجلس بنشوف نتائجه ملموسه على الدائرة نفسها وكفاءة كل عضو

عموما ً سوينا اللي علينا وشاركنا وصوتنا . .

لكن نتأمل ان نشوف النتائج على شوارع الدائرة و مرافقها .

المزن الرياني

01-04-2007, 09:02 PM

50.0 % نسبه التصويت من أصل 28000 تقريبا اللي مسجلين
يعني تقريبا 14000 من شاركوا في العرس الجماعي
يعني تقريبا مانسبته 8 % من عدد القطريين

8% من عدد القطريين شاركوا ومسمينه عرس
عيل لو النسبه 80% شكان المسمى ؟

العوض أن شاءالله بأنتخابات البرلمان

alshobaki7

01-04-2007, 09:14 PM

يــا جمــاعة ... نفس قصة وسيناريو الاكتتاب بالبورصة من زمان بالماضي

كان الماضي زمان .. الواحد ما يعرف عن شيئ اسمه اكتتاب او بورصة .. ولو الواحد طلب من صديقة بطاقة للاكتتاب يعطيها له مجانا ..اما الآن فأصبحت المسألة لها مقابل مادي ..

وهكذا أصبحت الانتخابات ..وستصبح بنفس السيناريو ...
عندما تصبح بطاقة الشخص أو الناخب ذات قيمة ..سيتهافت الجميع على التصويت وعلى الانتخابات ..
ولربما لن يكفي يوم واحد اجازة بل ستمنح الدولة اكثر من 5 ايام اجازة لتمكين المنتخبين من التصويت ...
ولكــــــــــــــن متــــــــــــــى يصبــــــــــــــــــــح ذلك ؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟ متى
عندما يصبح هنالك مقابل مادي للأصوات ..
اي ان يتم شراء الصوت بمبلغ مالي فبالتالي المنتخب سيستفيد ماديا ..فلطالما هنالك عائد مادي سوف يكون هنالك تصويت ..
على قول المثل ( نـفـعـني وانـفـعـك ).. نفس الوضع الحاصل مع انتخابات مجلس الامة بالكويت .. الاصوات تباع بـ 350 دينار وتصل في آخر الأيام الحرجة حتى 650 دينار كويتي ..

والايام بيننا .. والقادم اعظم ..