ما تفسيركم لشي حصل في مركز صحي

[عليه العوض]

كان عند المدام مو عد لمراجعة طبيب المختص في علا ج مرض السكري في احد المراكز
الصحيه ما يحتاج ذكر اسمه تارك لكم التخمين .
فقلت للمدام لازم نروح من باكر لنكون اول المراجعين ونفتك من الانتظار الممل
وفعلا وصلنا مع وصول المو ظفين لا تا خذ المدام رقم واحد في المراجعات وكنت با نتظارها
في السيارة لكن المفاجئه المدام طلعت من المركز الى عندي ومعاها الرقم وتقول فعلا
وصلنا اول ناس وما في احد في المركز غيري من المراجعات بس موظفة الا ستقبال
اعطتني رقم 12 و قلت لها ليش تعطيني رقم 12 وما اشا يفه احد من المراجعات هنا
فرد ت بزعل هذا مش شغلك . ارجو من الكل ابداء رايه و تفسيره لهذا الموقف
وارجو منكم المعذره ولا تعتبروه شكوى على المركز الصحي الهدف منه معالجة
بعض الظواهر السلبيه الغير حضاريه

تحياتي لكم جميع معطره بعبق الفل

[abo rashid]

عليه العوض

فيه ناس مأخذة ارقام من الليل

[غريب احساس]

راي هو تهاون الناس في الاموار هذي اقرب مثلا انت اخوي اذا ما اشتكيت الموظفه تكون واحد من الاسباب اللي خلتها تسوي اللي تبي ولا الومها في تماديها

[ضوى]

اولاً : زوجتك غلطانة انها سكتت على حقها كان المفروض تروح تكلم الاداري وتقوله اللي صار لانه هذا شئ غير مقبول وحجز الادوار بالتلفون ما يصير وممنوع واذا هي بتاخذ لربعها واصدقائها فهذا شئ بينها وبين نفسها ما لنا شغل فيه المهم انا حقي ما يضيع
ثانياً : معالجة الظواهر السلبية تكون بعدم الاستسلام للخطأ ولو انت زوجتك على حق المفروض تحاربون هالشئ اللي نعاني منه بشكل اسطوري بدولتنا قطر
ثالثاً : انصحك تقدم شكوى بهالممرضة وانا واثقة حقك راح يرجع لك وراح تحرم هالاخت انها تسوي جذي لانه التطوير اللي صاير بحمد محد يقدر ينكره وممكن جدا جدا توصل الموضوع لصالح المري مدير ادارة الرعاية الصحية الاولية وهو انسان راقي في تعامله وراح يجيب لك حقك

[البارع]

الله لايواخذنا بمايفعل السفهاء منا

[ROSE]

انا مااحب اروح هالمراكز لموقف صادني قبل فتره بنفس الطريقة

اي وحده تجي من معارفهم يكونون حاجزين لها رقم على كيفهم واشكره بدون حيى ولا مستحى

ولي حاججتهم يقولون لا هذي جاية قبل ومخليه رقمها هني ومن هالسوالف


قلت يبه الله ليعوز حد حق احد هين جيبك ولا تهين نفسك الخاص ماقال شي :court:

[عزوز المضارب]

اخي الكريم ما دام زوجتك عطوها رقم 12 وما كان في حد مراجعين كان المفروض زوجتك اطنش للاستقبال وتدخل على الطبيب فورا في هذه الحاله الطبيب نفسه يحقق بالواقعه

[غريب احساس]

انا مااحب اروح هالمراكز لموقف صادني قبل فتره بنفس الطريقة

اي وحده تجي من معارفهم يكونون حاجزين لها رقم على كيفهم واشكره بدون حيى ولا مستحى

ولي حاججتهم يقولون لا هذي جاية قبل ومخليه رقمها هني ومن هالسوالف


قلت يبه الله ليعوز حد حق احد هين جيبك ولا تهين نفسك الخاص ماقال شي :court:



معليش اخوي اني رديت بموضوع ولكن السموحه


اذا كل واحد بيفكر مثل تفكيرك خلاص تقفل الدوله مستشفياتها وتصير المستوصفات الخاصه هي البديله ؟

الحل هو انك تاخذ حقك با الشكوى الى ادراه المستشفى واذا مانفع فيه الف طريقه وطريقه ثانيه توصل الصوت بس عيبنا السكوت والعجر تقول اقعد اتشكى وارح وفعل وتطولها اخرتها تقول خله يولي هو ورقمه (كانه مستشفى ابوه) مو للدوله وهذا اكبر عيوبنا

[Smart]

هل هو طبيب الاسنان؟

ويمكن الارقام تبتدى من 12

هل انتظرت ..وهل اى احد وصل بعدها ودخل قبلها احس ان الموضوع ناقص وصعب الحكم فيه

[امل الحب]

الاخوان كفو ووفو في شرح الاسباب..

[M O 7 A M M E D]

اعتقد هذا في عيادة العظام ..

لانه كان عندي موعد وراجعتهم كذا مره واروح لهم من صباح الله خير وكله يعطوني الرقم 12 ..

بتقولون لي ليش 12 .. ؟؟

لانه الله يسلمك الارقام من 1 لين 12 حق الحريم والاطفال لانهم اول من يدخلون على الدكتور ..

وانت تقول زوجتك عطوها رقم 1 وانت رقم 12 هاللي فهمته منك ..

تحياتي ..

:)

[ANONYMOUS]

اعتقد هذا في عيادة العظام ..

لانه كان عندي موعد وراجعتهم كذا مره واروح لهم من صباح الله خير وكله يعطوني الرقم 12 ..

بتقولون لي ليش 12 .. ؟؟

لانه الله يسلمك الارقام من 1 لين 12 حق الحريم والاطفال لانهم اول من يدخلون على الدكتور ..

وانت تقول زوجتك عطوها رقم 1 وانت رقم 12 هاللي فهمته منك ..

تحياتي ..

:)

يخوي سومتك بعيده :)

اقصد شكلك مافهمت الموضوع عدل.. يقول مرته عطوها 12 مع انها اول وحده وصلت..


عموما.. لو الموضوع صار لي.. وكان صج الموظقه خاشه الارقام..

بلطّش في الموظفه..

وبلطّش في الدكتور..

وبلطّش في مدير المركز..



الله يعز قطر للبترول.. مثل ماعزت موظفيها..

[Thamer_Qat]

يخوي سومتك بعيده :)

اقصد شكلك مافهمت الموضوع عدل.. يقول مرته عطوها 12 مع انها اول وحده وصلت..


عموما.. لو الموضوع صار لي.. وكان صج الموظقه خاشه الارقام..

بلطّش في الموظفه..

وبلطّش في الدكتور..

وبلطّش في مدير المركز..



الله يعز قطر للبترول.. مثل ماعزت موظفيها..


الله يعز السامعين, مركز قطر للبترول الطبي صار يبدي الأجانب على القطريين القله. والله يا اخوان اتصل الصبح بدري يقولون لي مافي حجزحق اليوم!! اشلون مادري؟!! عاد اروح عيادات خاصه خبركم قطريين يحبون يصرفون والهنود والماليزيين يجمعونها ويتمتعون بكل شي بلاش من المؤسسه ويزاحمون القطريين آيه عليهم.

[غزلان]

المفروض ماتسكت وتكلم الأداريين

[alwahesh]

الله لايواخذنا بمايفعل السفهاء منا

[التيما]

زين ما طاحو في يدي جان شافو اللي ما شافوه قال 12 قال الحمد لله بطلت من سنين المراكز والله يخلي الخاص ادش بسرعه ومافي انتظار

[الجــــوري]

كان الأولى من زوجتك انها تطلع رأساً بالرقم اللي عطوها اياه على الادارة وتشتكي على موظفات الاستقبال واسلوبهم الوقح بالرد على المراجعات

واذا هي سكتت وغيرها سكت موظفات الاستقبال بيحتكرون كل الارقام الاولى لربوعهم واهاليهم

والناس المسكينه اللي مالها اي معرفة بهالمراكز عليها العوض

[شيطونة]

الله لايواخذنا بمايفعل السفهاء منا

[كروة]

اكيد تم حجز البطاقات لـ الصديقات والربع والاهل واقرباء الصديقات .. الخ