لذوي الخبرة في هذة المواضيع

[style]

السلام عليكم:
اليوم وانا واقف في موقف السيارات اعتقد ان احد فتح باب سيارتة على سيارتي بقوة وسبب خفس صغير في الباب الامامي ...ماهو الحل سمعت ان فية اماكن في الدوحة اقصد كراجات تصلح هذة الامور بدون اي صبغ اي بطريقة الشفط ...هل هذا صحيح وين هذة الكراجات ومن احسن كراج وياليت رقم الشارع واسم الكراج اكون شاكر لكم يااخوان

شكرا:o

[alwahesh]

الكريستال شارع 27 الصناعيه


كراج الدانه احسن كراج شارع الوكالات قريب من كيا (العطيه )

[ALRAYYAN]

اللي اعرفه الكرستال مثل ماقال اخوي الوحش

[المولع22]

تبغي استشارتي ياخوي ..

ابعد عن الكرستال

والله حرااامي ياخي ..

قسم الله انا كان عندي خفس بحجم كف اليد تقريبا وكان الخفس هذا بمكان سهل تقريبا

مب مثل باب او حاجة يعني ..

كان الخفس فوق الرفرف

رحت له قال لي بيشفطه بـ 800 ريال !!!!!!!!! ؟؟

والله رحت حق كراج اسمه ( بن زابن الدوسري ) في شارع 3

كرستال قال بيسويه بـ 800 وكراج الدوسري عمل لي اياه بـ 200 ريال !!؟ شفتو الفرق

والله ياجماعه شغله ماشاء الله نظيف من قلب يعني كأنه شغل وكالة ..

والله يوفقك اخوي

[مزيون_قطر]

كريستال واعتقد في محل في محطة المسيله يمدحونه بعد مر علي جنب الكافتيريا

[M O 7 A M M E D]

مرحبا اخوي ..

في محل في شارع السد الخلفي اللي عند شاطر عباس ..

وانت جاي من السنتر بوينت وشاطر عباس على يسارك ومرمرة اسطنبول على يمينك ..

خذ اول لفة يسار وعلى يدك اليسار بتحصل المحل وما اذكر اسمه ..

قبل كان مغسلة سيارات والحين هالمحل وعندهم في شفط الدعمات ..

:)

[اوراق مالية]

محل جلاس بداخل محطة بترول التيسير طريق سلوى بس لازم يكون عندكورقةتصليح من الشرطة ........... باالتوفيق ان شاء الله

[السني 73]

الكريستال .... شغله زين لكن للأسف يبالغ جداً في اسعاره.... وحاسب ياخوي من هالكراجات ترى ادخل سيارتك تصلح شي ويشمخون لك شي ثاني

[جنيه ذهب]

اخوي عندك الكريستال توني من كم يوم مطلع موتر ولد عمي مصلح ضربتين وحده بالرفرف الامامي والثانيه بالباب الخلفي وتصليح ما عليه كلام ولا كان في ضربه من قبل شغل محترم بس شوي غالي بس يستاهل اهم شيء ما ينصبغ الموتر ...

[style]

شكرا لكم جميعا ...رحت التيسير جلاس ورحت اللي في السد على فكرة اسمة الحماية ورحت اللي في المسيلة ...ورحت كريستال محد منهم قدر يسوي شي لان الضربة صغيرة وقال لي كريستال لازم تصبغ ...اعتقد احسن لي اروح الوكالة واشوف ايش يقولون اذا فية صبغ انا اشوف الوكالة اضمن ولا ايش رايكم ياشباب ...بس واللة مارحت كراج بن زابن ولا كراج الدانة

شكرا واللي عندة حل غير الصبغ الرجاء يفيدني لان السيارة توني مطلعها ماصار لها اسبوع بس ...عليها تامين شامل بس ابي حل غير الصبغ... حرام :(