مطلوب شريك أو شريكة

[قطرية وبس]

حبيت أطرح لكم موضوعي هذا وهو بخصوص طلب شريك في مركز نسائي يضم صالون وبوتيك نسائي لبيع جميع أنواع البضائع النسائية وهو يكون فيلا طابقين الأول يتكون من الصالون والثاني من البوتيك النسائي .:looking:

[سهم جديد]

السلام عليكم ورحمة الله وبركاتة
الشريك موجود بأذن الله بس محتاج لبعض التفاصيل ان امكن
al3nabe@hotmail.com

[saifa]

بالتوفيق

[شقردي قطر]

شيك على الخاص

[بيانو]

اختى هل المكان موجود

متوفر لديكى

[كروة]

المشروع ناجح 100% بس وين الموقع ؟

انتي تدرين هاي الايام الايجارات ما تقل عن 20.000 الف ريال داخل المدن وفي الشوارع الرئيسية 30.000 الف وما فوق ؟

الموظفات العاملات في الصالون + البوتيك (أجورهم) كم تتوقعين ؟

رسوم الكهرباء والماء ؟

اسئلة يحتاج لها الرد والدراسة

والله الموفق

[قطرية وبس]

أخوي سهم جديد
أسفه اخوي لأن ماعندي ماسنجر حاليا ولا أقدر أرسل لك رساله خاصة لأني ما وصلت للمشاركة الـ100 فياليت لو ترسل لي رسالة على أيميلي (q1234_2004@hotmail.com

[قطرية وبس]

الأيميل الصحيح هو (q1234_2006

[قطرية وبس]

إذا عن الإجارات ما نقدر نقول إلا الله هو المستعان
أما عن العاملات وأجورهم فبعض العاملات بيكون بالنسبة يعني النص بالنص في الشغل وبدون سكن .
وبعضهم بيكونون على كفالة المحل ومنهم الفلبينيات والهنود وهذولا رواتبهم ما تتعدى 800 ريال .
وبعدين فيه شي واحد الكل لازم يعرفه قبل لا يفكر في أي مشروع وهو إن المحل يبغي له وقت علشان ينعرف ويلاقي أقبال يعني بالأقل من 3 إلى 6 شهور تقريبا .
والمكان إلا أنا مختارته أكثر من رائع وفي مكان إستراتيجي فوق المتوقع .
والله الموفق ...

[المهم1000]

إذا عن الإجارات ما نقدر نقول إلا الله هو المستعان
أما عن العاملات وأجورهم فبعض العاملات بيكون بالنسبة يعني النص بالنص في الشغل وبدون سكن .
وبعضهم بيكونون على كفالة المحل ومنهم الفلبينيات والهنود وهذولا رواتبهم ما تتعدى 800 ريال .
وبعدين فيه شي واحد الكل لازم يعرفه قبل لا يفكر في أي مشروع وهو إن المحل يبغي له وقت علشان ينعرف ويلاقي أقبال يعني بالأقل من 3 إلى 6 شهور تقريبا .
والمكان إلا أنا مختارته أكثر من رائع وفي مكان إستراتيجي فوق المتوقع .
والله الموفق ...


اوكي اختي ممكن اعرف كم الاجار

وممكن اعرف كم راس المال الي تبينه

[قطرية وبس]

آجار الفيلا إلى مختارتها 25.000 ريال وندفع 3 شهور مقدم وتجهيز الصالون النص بالنص
وانا الحين بطلع علشان بروح البيت وإن شاء الله بكرة بتابع معاكم..
المعذرة يا أخوان
نلتقي غداً إن شاء الله
وعلى فكرة السجل موجود عندي بس باقي الترخيص .

[المهم1000]

آجار الفيلا إلى مختارتها 25.000 ريال وندفع 3 شهور مقدم وتجهيز الصالون النص بالنص
وانا الحين بطلع علشان بروح البيت وإن شاء الله بكرة بتابع معاكم..
المعذرة يا أخوان
نلتقي غداً إن شاء الله
وعلى فكرة السجل موجود عندي بس باقي الترخيص .


اوكي وانا اقدر اطلع الترخيص

اسهل شي

بس ابي اعرف كم راس المال الي تبينه

[المهم1000]

هاي ايميلي اختي ضيفيني ممكن

almhm1000@hotmail.com

[KHALID1]

أنا جاهزة بإذن الله بس يا ليت ترسلين لي رقمج على ايميلي almasa321@hotmail.com

[كروة]

ممكن تذكرين لنا ميزانية المشروع من (إيجار/ أجور الموظفات والعاملات/الكهرباء والماء) كاملة لمدة سنة؟

[قطرية وبس]

ممكن تذكرين لنا ميزانية المشروع من (إيجار/ أجور الموظفات والعاملات/الكهرباء والماء) كاملة لمدة سنة؟


إذا عن الميزانية لمدة سنة هاذي بتكون صعبة شوي لآني سبق وذكرت إنه يبغي له مدة من 3 إلى 6 شهور علشان ينعرف زين وإذا بدأ يشتغل بيكون الإجار ورواتب العاملات من الإجار نفسه .
وأما عن الأجار فسوف ندفع مقدم لمدة 3 شهور .
واما بالنسبة لأغراض الصالون فسوف نشتريها وتكون بالفواتير وانا ادفع النص والشريك النص.
وأما عن أغراض البوتيك فأنا راح أجيبها من برا مثل الرياض وجده ودبي وبعد من دول أروبية.

بس فيه نقطة وحدة هي إلي وقفتني للحين وهي أجار الفيلا لأنها على شارع عام وبالمقابل مجمعات تجارية , وأنا قاعدة ادور على أرخص منها شوي حتى لو يكون داخل بس تطل على الشارع من بعيد على أساس لو علقت اللوحة حق الصالون تبين لو من بعيد .

[المهم1000]

اختي مب مهم اجار الفله
يعني 25 الف الاجار حلو

بس المشروع كم راس ماله ادري النصب بالنص بس كم راس المال

[قطرية وبس]

هلا أخوي المهم
أنا حاطة في بالي تقريبا 150 الف لأن بندفع منها 3 شهور مقدم والباقي حق التجهيز لأن تعرف المشروع صالون وبوتيك يعني يبيله شوي تجهيزات زيادة علشان يكون شي راقي.

[blackjacket]

یا ختی اسمحلی اتدخل و اقول لك ترى المبلغ مب كافي لان 75 الف من راس المال بتروح للاجار و يبقى عندك 75 الف وشلون بتسوين ديكور للصالون و بتجهزين اغراضه و بتشترين بضاعة للبوتيك كله ب75 الف ريال ؟؟؟؟؟

انا مسوي ديكور حق محل تلفونات (باب واحد) كلفني في حدود 60 الف :eek3:

ياريت تعيدين دراستك لراس المال قبل ما تدخلين في المشروع:nice:

[مزيون الدوحه]

بالتوفيق مشروع ناجح

[قطري طموح]

السلام عليكم
اختي قطريه وبس عندي فيلا جديده ومكيفه بالكامل وكبيره ومصرح لها ان تكون تجاريه .

ايجارها 20000 الف بشرط ان يكون عقد لايقل عن 3 سنوات .

لو حبيتي تشوفينها ممكن اوصفها لك .
تحياتي

[ام عــبدالله]

المشروع ناجح لان الصوالين تمشي

خاصة الاعراس ما تخلص مشاء الله

بس انصحج بايدي عامله جيده وماهره

طبعا هاي اللي يحتاجه اي صالون عشان يمشي

انا اقترح ان تضبطين الصالون وتخلين البوتيك في الخطه المستقبليه يعني في التوسعه

لان الصالون بروحه يبي له تكاليف من اجهزه وديكور

شلون اذا بعد بتسوين فيه بوتيك وبتجيبين بضاعه

هاي يبي له راس مال ثاني

وربي يوفقج للي فيه الخير

[الاسهم بلشة]

مرحبا ام عبدالله

ممكن الشيخة ترسلينلي على الخاص سعر الغرشة مع كيفية التوصيل

[قطرية وبس]

هلا أخوي قطري طموح
وين مكان الفله إلى عندك ؟
لأن في بالي مكان تجاري بالفعل .
والله الموفق .

[KHALID1]

اختي قطرية وبس انا شارية فيلا جديدة على شارع رئيسي بصراحة موقع ما فيه بعده ممكن اشارك بس الرجاء التواصل عن طريق الايميل وبارسل لج جوالي بعد للتفاهم
almasa321@hotmail.com

[alwahesh]

بالتوفيق
مشروع ناجح جدا

[بنت الاصايل]

السلام عليكم
يا زينكم وانتو متعاونيين والله شي يفرح القلب وللامام انشالله بس نصيحه لكل من يبي يدش بمشروع يدرسة دراسه وافيه وكامله على شان ما يورط نفسه في ديون واي مشروع يحتاج له دراسه جدوى وراس مال كافي وقبل كل هذا التوكل على الله وكثير من الجهد والصبر

[alwahesh]

مشروع مثل صالون نسائي ما اعتقد انه يحاجه الا دراسة جدوى لان معظم الرواد مدرسات وطبيبات ومعيدات وعرايس وهاذي الفئه وللأسف ناقصه (,,,)

وما اعرف ليش ان الوحده اذا سألت عن الحساب مقدما عندها عيب او حرام وبعد ما تخلص
تنحرج وتكون متوقعه 100 ولا 200 ويكون الحساب الف والفين ..ومن الربحان طبعا الفئه الي وصل عدد هم 40 الف وكلهم اقامتهم غير شرعيه والضحايا بنات قطر الي يكفلونهم ولا ياخذون منهم ولا ريال

[قطر]

تم نقل الموضوع الى المنتدى المختص

[صافي القلب]

مشروع ناجح

ماعندي مانع اكون شريك

في راس المال بس الادارة والمتابعة

لا استطيع لانشغالي

[alnoida]

بالتوفيق

[فيافي]

مشاريع نسائية منذ زمان وأنا أفكر فية
بس ما حب سوالف العماله .. والاقامات والتأشيرات ... والايجارات ..
كلها تذهب رأس المال ... وتكون الارباح نازله
أفضل تسوي مكان في بيتكم .. أحسن
وجهة نظر ...
:::: فيااا في ::::

[قطرية وبس]

مشكورين ياأخوان وخاصة للأخت فيافي على النصيحة
بس أن شاء الله عن قريب تشوفون إعلان الصالون في المنتدى
لإني خلاص خذته وحصلت شريكة .