بالعـــــامي الفصيـــح ،، الوظــايف والاختراعــات !!

[OTOsan]

مره قريت في احدى الجرايد مقالة عن موارد الارض .. والمقاله تتحدث عن ان موارد الارض تتجدد كل 25 عام وبالتالي هالشي مايخلي الناس تقول ان الفقر قادم لامحالة ..

طيب .. يعني شنو موارد الارض ،،


لما تكلم المقال عن موارد الارض كان يقصد .. البترول .. الذهب .. الفحم .. الماس .. والسوالف الاخرى التي تستخرج من باطنها ..

طيب .. معلوم ان الوظائف احد الاركان الاساسية للحصول على المال !!


كل ما اكتشفوا شي من باطن الارض .. انوجد شغل لمزيد من الناس .. وبالتالي الشغل يجيب الراتب والراتب يصرف على اسره .. وهكذا دواليك ..

طيب ..

فكرت وفكرت .. وقلت .. طيب .. اذا مافي راتب .. مافي فلوس .. مافي صرفيات .. وبالتالي الموجود بيكون فقر لامحالة !

انزين ..

اشلون يجي الشغل بالضبط ..؟؟وهذي نقطة الموضوع !!


اكتشفت ان الشغل .. احد اركانه الرئيسيه هي الاختراعات اللي الانسان يخترعها سواء كانت تعتمد على موارد الارض كالبترول .. او تعتمد على موارد اخرى كالطاقة الشمسية والمائية ..


طيب .. شاللي تبي توصل له ..؟؟

انا باقول لكم .. الوظايف ماراح تنتهي من العالم .. لان الاختراعات ماتخلص وكل اختراع يلحقه وظايف تعتمد عليه اعتماد تام !!

اشلون يعني !!

انا باقول لكم ..


حبه .. حبه .. واختراع اختراع ،،


السيارة !!

انا اعتقد ان السيارة هي اعظم اختراع انوجد وادى الى وجود الملايين بل المليارات من فرص العمل .. وبالتالي من الرواتب .. بتقولون اشلون .؟

السيارة .. كل جزء فيها يبيله مصنع بروحه .. والمصانع فرص عمل كبيره ..

صنعنا السيارة .. لازم تمشي على اسفلت .. والاسفلت هذا شغله بروحه .. من يوم مايستخرج من البترول الين مايحطونه على الارض .. شوفوا كم شغله يبيله !! وبالتالي فرص عمل لشركات مقاولات .. بكل ماتحتويه هذه الشركات من وظائف !

طيب ..

كثرة السيارات ادى الى وجود شرطة مرور .. ياحبيبي .. وهذي فرص عمل اخرى كثيره ، ويبيلها اشارات .. وهذي فرص عمل اخرى !
تواير السياره بروحها شغله كبيره .. من يوم مايطلعونها من شجرة المطاطا الين ماتنحط عالسياره !! شوفوا كم شخص يشتغل فيها !!

كهرباء السيارة .. يبيلها كهربائي .. واجزائها يبيلها ميكانيكي .. ودعماتها يبيلها تامين وشركات تامين .. وتوزيعها وبيعها بروحه شغله كبيره من الوكيل المعتمد الين معارض السيارات !!

مافكرتوا اشكثر سوالف وشغلات .. اساسها هي هالشي التي يتحرك على اربع تواير !!
يمكن هي اكثر شي يصرف على بيوت بكامل الاسر اللي فيها .. غير التوصيل ومدارس السواقة الخ الخ .. وايد وايد !

ولاننسى انه مع الوقت تزيد السيارات وتزيد الحاجة الى الوظائف التي تعتمد عليها !!


طيب ..

التلفون والجوال

زمان .. والى الآن .. كان في تلفون .. وارتكزت عليه وظائف كثيره .. من مصانع الاسلاك الى شركات الاتصالات الى تصليح التلفونات وصناعتها !

خلص التلفون .. لا ماخلص .. بس ..

جا اختراع يسمونه الموبايل .. ادى انتشاره الى الكثير من الوظائف التي تعتمد عليه .. من مصانع تصنع الى وكيل يوزع الى محلات تبيع ونغمات تتنزل ومنتديات تختص فيه واشياء كثيره يمكن ماقدر اتذكرها حاليا !!

طيب ..

جاكم الكمبيوتر !!

والكمبيوتر يبيله مصانع موذر بورد ومصانع شاشات ومصانع كيبوردات وفارات ولانننسى الطابعات .. والاسكنرات .. وشغلات وشغلات ..

لا مايكفي الكمبيوتر بروحه .. لازم حد يعلمنا الكمبيوتر .. وبالتالي فتحنا معاهد كمبيوتر وسوينا تخصصاته بالجامعات .. ومحلات تبيعه وصيانه .. وايد وايد !!

انزين .. بس كمبيوتر حاف ..؟؟ لا طبعا

الانترنت .. وهذي شغله كبيره بعد .. مواقع واتصالات ووايرات توصيل ويبيلها هب ومودم ومن هالسوالف ، ولازم لها ناس يديرون الشبكات سواء الداخليه او الخارجيه ..

اانزين .. البرامج !! اي هذي بعد فتحت بيوت كثيره .. ناس تخترع برامج .. وناس تبيع برامج وناس تخصص حماية برامج !! الخ الخ الخ !!

التلفزيون !!!

الاذاعه !!

هذول بروحهم سالفة .. من مخرجين ومصورين ومقدمين ومعدين ومسلسلات يبيلها ممثلين واغاني يبيلها كليبات فيها ممثلين وممثلات !! غير طبعا اخصائيي الصيانه ، واللي يروحون بث خارجي .. والمراسلين والمراسلات !!

الفلوس !!

مطابع فلوس .. وزارة ماليه .. بنوك .. مزورين .. شرطة تدقيق اموال .. مكاتب تحويل !! وغيرها الكثير

باقول لكم اخر شغله وباترك الباقي لكم تفكرون فيه !!



الكوره !!


بااااال .. الكوره هذي لوفكرت كم وظيفه يبيلها بتتعب !!
لعيبه .. مصنعيي ملابس ومعدات رياضيه .. مدربين اخصائيي علاج مراكز تدريب ويبي لها حكام ويبيلها ملاعب يتواجد بها مسؤولين عن الملاعب وشركات تتخصص في الملاعب ..
قنوات رياضيه !! يبيلها كل مايشمله التلفزيون !! معلقين ، محللين ،،
يبيلها ناس تخيط الاعلام .. وناس تبيع الاعلام .. وناس تتخصص في التشجيع .. وناس يبيعون حب ههههه .. الخ الخ ..


انا مادري اشلون اشرح لكم .. بس مافكرتوا من قبل ان الوظايف موجوده موجوده مهما طال الزمن .. لان اختراعات الانسان ماتخلص ،، وبالطبع ماننسى الوظايف اللي قايمه عالانسان نفسه من صناعة ملابسه الى علاجه في المستشفيات اللي يبيلها اطباء وممرضات الى اسنانه الى انفه الى قدمه وساقه .. كل جزء في الانسان يعتبر باب مفتوح من الوظائف التي تخدمه !!


لكم كل التقدير ،،


لونلي .. كاتب تحت تأثير الملل !!


فــاصـــلة ممللة !!

غرفتنا بابا وطن ..؟؟؟
قلت له اييييييييه ..
غرفتنا بابا وطن .. وطن وطن ..
بس وطن بالايجــااااااااااارر --> يسلم لي هالصوت الحلو :D ،،

[M O 7 A M M E D]

ماشاء الله عليك ..

كلام جميل وربط رائع في الافكار اخوي لونلي ..

وعقب كل اللي قلته في ناس تحصلهم فاضيين بدون شغل .. ! ! !

فايش السبب في رأيك .. ؟؟

[PoBox]

ذكرتني ب

المفتاح عند الحداد
والحداد يبي الفلوس
والفلوس عند العروس
والعروس تبي العيال
والعيال يبون حليب
والحليب عند البقر
والبقر يبون حشيش
والحشيش فوق الجبل
والجبل يبي مطر

والمطر عند الله
لا اله الا الله



وفي السماء رزقكم وما توعدون

وكلامك يؤيد هذه الآية بشده
ولن تنتهي الوظائف ( والارزاق )
ويعطيك العافية على الموضوع الجميل اخوي لونلي

[OTOsan]

ماشاء الله عليك ..

كلام جميل وربط رائع في الافكار اخوي لونلي ..

وعقب كل اللي قلته في ناس تحصلهم فاضيين بدون شغل .. ! ! !

فايش السبب في رأيك .. ؟؟

اكيد .. وهالشي لا احد ينكره ،،

يمكن احد الاسباب هو التشبع من الاختراع نفسه .. يعني لما ياخذ حقه وزياده من ناحية الوظائف تلاقيه غير مجدي او غير قادر على استيعاب وظائف اخرى :) ،،


لك مني كل التقدير والشكر على المرور ،،

[أم الزين]

كلام اكثر من رائع لونلي

وقد كنت بالفترة الاخيره

أفكر في هذه النقطة ليش ما نخترع

ليش ما عندنا هذه الافكار او

التفرغ والاهتمام في هذه النواحي

والله اننا نمتلك عقول ما يستهان فيها ولا فيه فرق بيننا وبين الاجانب

لكننا الحين فقط مستهلكين سلبيين للآخر

ياريت لو نشوف حل لهذه النقطة في البلد

بدال ما ندفع ملايين الملايين الريالات على الكرة فقط

[OTOsan]

ذكرتني ب

المفتاح عند الحداد
والحداد يبي الفلوس
والفلوس عند العروس
والعروس تبي العيال
والعيال يبون حليب
والحليب عند البقر
والبقر يبون حشيش
والحشيش فوق الجبل
والجبل يبي مطر

والمطر عند الله
لا اله الا الله



وفي السماء رزقكم وما توعدون

وكلامك يؤيد هذه الآية بشده
ولن تنتهي الوظائف ( والارزاق )
ويعطيك العافية على الموضوع الجميل اخوي لونلي


الله يعافيك اخوي بوبوكسنج ، وشاكر لك هالمداخلة الرائعة .. ومرورك الكريم :)

[OTOsan]

كلام اكثر من رائع لونلي

وقد كنت بالفترة الاخيره

أفكر في هذه النقطة ليش ما نخترع

ليش ما عندنا هذه الافكار او

التفرغ والاهتمام في هذه النواحي

والله اننا نمتلك عقول ما يستهان فيها ولا فيه فرق بيننا وبين الاجانب

لكننا الحين فقط مستهلكين سلبيين للآخر

ياريت لو نشوف حل لهذه النقطة في البلد

بدال ما ندفع ملايين الملايين الريالات على الكرة فقط


آخر سطر اخاف يسبب لك مشاكل مع محبي الكوره ، كله الا الكوره :)

شاكر لك مرورك اخوي موديغلياني وتعقيبك الرائع ،،

[السديم]

مرحبا لونلي ..

موضوع رائع كما عهدناك ..

وتواصل جميل بين الافكار ..

ومع كل هذه الاختراعات و هذه المجالات المتعدده للعمل ..

تجد من يقول البطاله في ازدياد :con2:


تحياتي لك ولقلمك الرائع :nice:

[ضوى]

في عصور الايس ايج الوظايف كانت متوفرة وكان في تشبع وظيفي بس سيطرة الجيل الاخير على عقول الايس ايج خلت الوظايف تتراكم ولا تلقى من يشغلها

هلوسة واحدة من عصر الايس ايج :looking:

[بيانو]

كلام جميل وربط رائع في الافكار

الله يعطيك العافية

[OTOsan]

مرحبا لونلي ..

موضوع رائع كما عهدناك ..

وتواصل جميل بين الافكار ..

ومع كل هذه الاختراعات و هذه المجالات المتعدده للعمل ..

تجد من يقول البطاله في ازدياد :con2:


تحياتي لك ولقلمك الرائع :nice:

ولكِ كل التقدير على المرور والتعقيب ، والبطالة واقع لاننكره واتمنى ان تظهر اختراعات جدية تساهم في الحد منها وتقليلها ...

[OTOsan]

في عصور الايس ايج الوظايف كانت متوفرة وكان في تشبع وظيفي بس سيطرة الجيل الاخير على عقول الايس ايج خلت الوظايف تتراكم ولا تلقى من يشغلها

هلوسة واحدة من عصر الايس ايج :looking:

في عصر الآيس ايج .. لم يكونوا يملكون سوى وظيفة واحدة .. وهي اصطياد الماموث !! واكله والتمتع بالدفء بواسطة فرائه الكثيف كخخخخخ ----> شرير !!

لك كل الشكر على هذه المرور والتعقيب .. والهلوسة :)

[OTOsan]

كلام جميل وربط رائع في الافكار

الله يعطيك العافية

الله يعافيك اخوي بيانو وشاكر لك مرورك ،،