مطلوب : عقــار في الأردن - عمّـــان

[Chambray]

السلام عليكم

ابحث عن سكن خاص في الاردن
سواء ( شقة - بيت - فيلا ) ..

للشراء . وليس للأجار

ماهي نصائحكم


وكم الاسعار تقريباً

المناطق المفضلة :
الجبيهه - الرابيه - ضاحيه الرشيد - صوب منطقة الدوار الخامس .. ( لا مانع في المناطق الأخرى ) ..


الي عنده عروض اتمنى مايبخل علينا ..
تراني جاد وشراي ..

[ســـهم]

مرحبا اخوي الدبلوماسي

الصيف كنت هناك وكانوا أهل عمان يتكلمون عن الغلاء اللي صاد العقار ارتفع العقار

100 % وخاصة بعد دخول فئه كبيره من أثرياء العراق

عموما ارشح لك منطقة تلاع العلي منطقه هادئه ومرتفعه في الصيف تكون بارده

وأيضا قريبه من الجامعة الاردنيه

اذا حصلت فيها اخذ وادع لي بالصحه :)

[KHALID1]

اذا بتاخذ فيلا خذ في تل الرمان او دابوق كل الفلل والقصور اللي فيها لامراء وملوك اردنين وعرب وخليجين والفلل تهبل والاسعار من 2000000 وطالع... وبالتوفيق انشالله..

[انت طيب]

اسعار الشقق والفلل اخوي الله يسلمك .. على حد علمي مولعه ناااااااار .. الله يوفقك

[Chambray]

والله يالربع ادري ان الاسعار غاليه ، لكن لاتزال اهناك بعض الشقق اسعارها معقوله ..
وانا راح اخذها لي انا مب تجاره .. يعني شئ خاص ...
اخوي خالد ،، الله يهديك 2 مليون مرة وحده ،، ههههههه .. انا حدي حدي 300 - 400 الف ريال ..

ابي نصايح الي قد اشترى من هناك ، وكيفيه الشراء والطريقة .. هل هناك محامي ؟ رسوم شهريه ، سنويه ؟؟ فواتير كهرباء وماء شهريه ولا سنويه ؟؟ يعني من هذا القبيل
ابي نصايحكم

وجزاكم الله خير ..

[الامير]

ادخل على موقع اسمه زلوم للعقارات نشالله تلاقي لك شي انا دارس في الاردن 3 سنوات اي خدمه حاضر اذا تبي احد يكون معك وذو امانه بعد حاضرين احنا حابين نساعد اخوانا القطريين هذا اميلي mr_4747@hotm