السهم الي عينك عليه

[qatar_moon]

هلا شباب هلا شابات

شفتوا برنامج شرينا وبعنا

انا ابي اعرف اهنيه مخططاتكم قبل لاتشترون وتبيعون

في شنو بتشترون وفي شنو بتبيعون

وليش :confused:

بليز ابي استفيد منكم الله يخليكم الي يدخل يرد علي :(

[قـطـريـه]

وانا معاج اختي قطر مون
نبغي نستفيد من تجارب الاخرين
موضوع بعنا وشرينا
وايد مفيد,,,,,,,,,,
انتظر الرد معاج,,,,,,,,,

[qatar_moon]

هلا وغلا ياقطريه

بنقعد انا وياج ننتظر عسى حد يمر ويعلمنا :p

[ومن الغباء ماقتل]

انا ناوي الاسبوع الجاي اشتري في الصناعات والنقل البحري (استثمار متوسط الاجل) .. وانشالله يتنفذ لي الاوردرات المعتادة للسلام والمواشي (اسهم المضاربات السريعة)

[eXpert*]

والله الاسهم شقد اللي العين عليها بس الواحد بيهلك وهو يشتري ،، خصوصاً الاسبوع الجاي

بيردون الفلوس .

والله لو يصير بشتري لي 10.000 سهم السلام بس مافيه عرض كلش ، ونفس الحال مع اغلب

الشركات .

هالايام عيني على الاجاره ان شاء الله متفائل بها وقاعد القط باللي ينعرض بالسوق .

سهم المخدرات (( الصناعات )) هم مايتفرط فيه اللي عنده سيوله يصيد اللي يقدر عليه قبل لا يطلع

طلعه جنونيه مره ثانيه .

المصارف والبنوك وشركات التأمين الاسلاميه <== خطوتي الجايه باذن الله .

والله بصراحة السوق هالايام ما عليه كلام ،، وانا قلت كل اللي عندي علشان نفيد وتستفيدون .

وحمد الله شعاريّ :- ((( لا للأنانية )))

يالله عاد لاتنسوني اذا صرتوا مليارديريه :d

[qatar_moon]

اخوي من الغباء ماقتل

مشكور على ردك وان شاء الله يتنفذ لك الاوردر :)

بس ماتشوف مواشي والسلام ارتفعوا وايد يعني تعتقد بيرتفعون اكثر

*******************

اخوي راشد السليطي مشكور على الرد

بس اشمعنى اشوف الكل مركز على السلام يعني تتوقع كم يوصل سعرها :confused:

ونفس الشي صناعات

[النورس]

بالنسبة لي مخطط على

المواشي

و

المخازن

أن شاء الله

[eXpert*]

بس اشمعنى اشوف الكل مركز على السلام يعني تتوقع كم يوصل سعرها :confused:

ونفس الشي صناعات



باذن واحد احد بيوصل السلام كحد اقصى خلال الفتره القادمه مابين الـ 55 ريال الى 65 ريال

مع شوية صبر بيروح فوق الـ 70 ريال ولاتنسون السلام العالمية شغاله على مطار الدوحة الدولى ..


الصناعات : الله يستر من هالسهم والله مادريّ بلحق عليه قبل لا يطال عنان السماء ولا لا اذا الحين السهم وصل فوق الـ 200 ريال بريالين ( 202) . اجل على الاسبوع الجاي توقع كبير +225 اذا مب اكثر .


وكلها توقعات شخصيه بس منها ان شاء الله صحيح .

[ومن الغباء ماقتل]

انا اشتري وابيع ثاني يوم في حالة المضاربات السريعة .. اول ما تظهر علامات التشبع في الاسعار (الي الكل عارفها طبعا) راح اوقف المضاربات.

[ومن الغباء ماقتل]

اخوي راشد .. الصناعات راح يظل يرتفع الى آخر يوم قبل دخول الاجانب .. واحسب له 5 بالميه ارتفاع يوميا .. انا بطبعي ما احب التنبؤات .. لكن الا سهم الصناعات بالنسبة لي اشوف ان شبه مستحيل انه ينخفض او حتى يثبت على سعر معين .. انصح الجميع انهم يلمون منه على قدر مايقدرون .. لو 100 سهم بس

[qatar_moon]

اخوي النورس مشكور على الرد

مواشي ومخازن عمري ماشريت فيهم مادري ليش ماتشجع :confused:


*************

اخوي راشد السليطي

مشكور على الرد والتوضيح

بصراحه كلامك يشجع عن السلام

مايندرى اروح اشتري فيها

ولافي صناعات

******************

مشكوراخوي ومن الغباء ماقتل على الرد والتوضيح

اما لوصار الي تقوله عن صناعات ماظن بلحق عليها :D

[بيـــزات]

انا والله حاليا ما احرك ساكن

وباراقب السوق( بس السلام باركض وراها والله يعين)

لانها على حد علمي عليها اسهم مجانيه وجمعيتها بعد شهر تقريب
ومتوقعين لها تطير بين 45-50 وان شاء الله نطير معاها

[THE END]

السوق في انتعاش وانشاء الله ما بنخسر انشاء الله اللي يريح الواحد نسبة الامان 5% والله يعين

[سراب الامل]

بالنسبة لي اول اشي انتظر فلوسنا ترجع لاني ميته قهر اشوف الاسهم تطلع وسيوله ماعندي وكل اللي عندي حطيته بالغاز

والثاني انها انشاءالله اول ماترجع حاطه باعتباري احط كل السيوله وحاول الحق لي على كم سهم من الصناعات او العقاريه

والا شرايكم لاني محتاره بين الصناعات واللي احسها بتطلع طلعه خلال شهر واحد او العقاريه افيدوني

[ومن الغباء ماقتل]

حطي ثقلج على الصناعات .. تراها بتطلع طلعه جامده بعد كم شهر .. طبعا العلم عند الله اولا وخيرا

[ابوعلي اليافعي]

العقاريه سهم ممتاز واتوقع انه يصل سعره ال160ريال وربما بعدها يريح شوي..الصناعات الى 250ريال..بس انا هالايام قاعد اشتري في الشركه المتحده وللاسباب التاليه..الشركه ليها عدة مشاريع عملاقه مثل جزيرة اللؤلؤه-تبريد-مصنع الالمنيوم طور الدراسه-المشاركه في مشروع مطار الدوحه- ........نية الشركه زيادة راس المال عن طريق الاكتتاب وسيعلن عنه حين تنتهي الشركه المكلفه بدراسة هذه الزياده......الكميات الكبيره الي تنلم من السوق خلال الفتره الماضيه ذكرتني بالكميات الي كانت تنلم على سهم الصناعات ايام كان بال60ريال......اخيرا السهم عندما نزل السوق اول يوم تداول ب55ريال وقبل اسبوعين من الان كان سعره 57 ريال واغلاق يوم الخميس كان 59.2اي ان السهم لم يرتفع بشكل كبير حتى الان واتوقع له ارتفاع كبير خلال الاسبوع القادم ..هذا والعلم عند الله..

[عمران]

بالنسبه لي افضل ::::::::: الصناعات :: الوقود::العقاريه::التجاري::المصرف::::::::::::::::: :: كلها اسهم طويله الاجل .
واسهم المضاربه :::::::::: المواشي :: الأجاره:: التحويليه::المواشي::المخازن::::::::::::: (والسلام صعب الحصول عليه)

[عبدالرحمن]

بالنسبة لي الصناعات هي السهم الافضل لانه من وجهة نظري المتواضعه اتوقع ان السهم بيوصل تقريبا 250 ريال خلال اسبوعين من اليوم

[سراب الامل]

ابو علي اليافعي بالنسبة للي قدرت اشتري 900 سهم بالمتحده تتوقع بعد انعقاد الجمعية 16/4/2005 ودخول الاجانب كم راح توصل

ويريت تعطيني اقتراحك لي ايش الافضل لاني اذا حطيت السيولة المرجوعه من الغاز في الصناعات كلها راح تطلع تقريبا 350 سهم اما بالنسبة اذا حطيتها بالعقارية راح تطلع بـ 600 سهم يعني الضعف فشرايك احطها بالصناعات او العقارية

[قطر]

انا والله حاليا ما احرك ساكن

وباراقب السوق( بس السلام باركض وراها والله يعين)

لانها على حد علمي عليها اسهم مجانيه وجمعيتها بعد شهر تقريب
ومتوقعين لها تطير بين 45-50 وان شاء الله نطير معاها

اخوي بيزات مافي اسهم مجانيه

في اكتتاب خاص بعلاوة اصدار 5ريالات

========================


سراب المتحده ماراح تتأثر بدخول الاجانب لان هم الحين ايبيعون ويشترون بها

هي من الشركات المسموح للخليجيين التداول بها من زمان.

لكن عندي توقعات في شهر 4 لها بارتفاع كبير... وذلك لبداية مشروع اللؤلؤة


:) والله ايوفقك

[بيـــزات]

اخوي بيزات مافي اسهم مجانيه

في اكتتاب خاص بعلاوة اصدار 5ريالات

========================





تسلم اخوي على تصحيح المعلومه :)

<========== :cool: الاخ برع البلاد

والظاهر اللي معطيني المعلومه يبي ينكبني

[محمد]

ما راح ابيع شي
وبحاول قدر المستطاع اشتري في ناقلات مع اني غاسل يدي اني احصل فرصه فيها اول ماتنطرح للتداول في البرصه كلن ماسك اسهمه ماظن حد يبيع . لكن هذا الي افكر فيه بصراحة في الوقت الحالي
ايضا اسهم السلام و المتحده ماخذهم بالحسبان .. والله كريم

[سراب الامل]

[u] مشكور اخوي قطر على النصيحه الغاليه بس ياريت تعطيني اقتراحك وين اقط السيولة اللي عندي الا وهي 76 الف ريال احطها كلها بالصناعات والحق لي على كم سهم او احطها كلها بالعقاريه

[المستثمر القطري]

الواحد وده يكون عنده اكبر جحم ممكن من السيوله بس الحمدلله ..
لأن هالفتره في نظري فترة ربح يعني الي يشتري مايخسر و تخيل كل يوم تربح 5%

بس شرايكم مب الاسهم احسن من العقار؟؟؟ :confused:

[قطر]

بيزات ترى الاكتتاب جيد بعد واحسن لنا من الاسهم المجانيه

سراب ......... المبلغ صغير لكن اذا منت مستعجل عليه اشتر في الاسمنت

او في الدولي الاسلامي

او في التحويلية


وانت واختيارك

[khalid1975]

اتوقع وباذن الله على نهاية الاسبوع
بوصل سعر صناعات 255

اللي يلحق يلحق عليه

والخيار لكم

[بيـــزات]

صحيح الغالي
بس المعلومات الصحيحه مهمه

في هالجانب

وتشكر مره ثانيه

[qatar_moon]

مشاء الله عليكم

مشكورين كلكم لتفاعلكم مع الموضوع :)

اه على السيوله وين هي :mad:

عيب العقار انك ماتقدر اتبيعه متى ماتبي وين وين تحصل لك حد يشتري على مزاجك

زين سهم وقود ماتتوقعون له قفزه نفس صناعات بعد

[ابوعلي اليافعي]

الاخت سراب عفوا على التاخر فالرد..مثل ماقلت لج اذا قدرتي تشترين صناعات يوم الاحد ممكن تبيعينها اخر الاسبوع بربح او تحتفضين باسهمها حتى تصل ال250االى270 اما العقاريه فهي ممتازه بشرط الاكتتاب بالاسهم وبعد ذلك تبيعينها وقت دخول الاجانب سيعاود السهم الطلوع مره اخرى..يعني اذا تبين الصبر مع مبلغ جيد فعليكي بالعقاريه واذا تبين شغل مضاربه بدون اكتتاب فعليكي بالصناعات يوم الحد............

[سراب الامل]

اليافعي مشكور جزيل الشكر على ردك وقررت انشاءالله على الاتي اني ازيد السيوله اللي عندي شويه واحطها على سلتين السلة الاولى العقاريه والسلة الثانية التحويلية لكن باسرع وقت قبل لا تولع الاسهم زياده والا شرايك[b]

[قـطـريـه]

قطرمون شكرا على الموضوع استفدت من الردود

يوم الاربعا انا شريت صناعات ب192
يوم الخميس صارت 2002
الحمدلله
والحين افكر ابيع جزء من الملاحه
واشتري بعد صناعات
الربح فيها افضل


اليافعي متفائل وايد في المتحده
عندي نسبه كبيره من اسهم المتحده
وهذا الي متعبني نفسيا كرهت شئ اسمه متحده
لان المضاربه على السهم كبيره
ينزل بسرعه وفرق السعر يكون كبير,,,,,,,,,,,,,

[qatar_moon]

العفو اختي قطريه اذا متعبتج اسهم المتحده انا مستعده اخذها منج وبلاش بعد :D


محد قال رايه في وقود :confused:

[قـطـريـه]

قطر مون مايغلى عليج

قصتي مع المتحده مسلسل قطري :d
شريت المتحده ب36
ونزلت لين 28
ورد الوسيط وشرى لي
وبعدين باع جزء منهم
وقلت له بيع الباقي يوم وصلت ل40
قال لا صبري

وكل ماتترتفع اقول بيع يقول لي لا
اخرتها قلت له اشتري لي اسهم
قال المتحده
كنت تعبانه وفي العمل قلت اشتري
شرى لي ب57
يوم ثاني نزلت لي 47
تعبت منها
وتعبت من الوسيط كل ماقول بيع يقول لي
هذا وجهي كان ماوصلت 90

المشكله الوسيط يبيع لي اي سهم اقوله بيعه
الا المتحده مادري وش سالفته ,,,,,

[ابوعلي اليافعي]

الاخت قطريه هالوسيط الي تتعاملين معاه فاهم جدا جدا جدا ..ويرى ان السعر رخيص..عالعموم المتحده مرت بفتره بيع كميات كبيره لعدد من كبار المستثمرين..ولا كان شفتي سعرها هالايام بل80..لكن صدقيني هالسعر مو بعيد عليها..

[سهم عتيج]

لازم تعرفين شي يا قطر مون ان عملية البيع أو الشراء تختلف من شخص لآخر ومن زمن لآخر,,

يعني ممكن آنه أقولك اني راح أشتري هالسهم الفلاني,, وتقومين انتي وتطخين فيه اللي تقدرين عليه,, بس يمكن ظرفي يختلف عن ظرفك,, اشلون,,

يمكن السهم اللي أبغي أشتري فيه هو في الأصل عندي وأبغي أزيد فيه بغض النظر عن ارتفاعه أو نزوله,, أما لو اشتريتي انت هذا السهم وتعرض للانخفاض فقد تتأثرين كثيرا,, أما أنا فقد لا أتأثر كثيرا لأن خطتي قد تختلف عنن خطتك وهكذا
يعني اللي أبغي أوصله لك ولكل الأعضاء أنك حتى تتوصلين الى نتيجة أن السهم الفلاني سيرتفع,, فلا بد أن تعرفي سلوكيات على الأقل 60% من الناس التي تتعامل في البورصة حتى تتوصلي الى النتيجة,, فعلى مدى ساعتين ونصف الساعة تداول في اليوم,, وعند جلوسك أمام شاشة التداول هل تستطيعين أن تعدي كم مرة يأتي اليك سواء قرار الشراء أو البيع؟؟ أعتقد في كل دقيقة تغيرين رأيك سواء بالبيع أو الشراء,, لذلك فالعملية تخضع الى امور كثيرة جدا حتى تحددي موقفك من عملية الشراء أو البيع,, وأي الأسهم الأفضل أو الأسوأ وهكذا

والله يوفقكم جميعا

[qatar_moon]

مشكور اخوي سهم عتيج على التوضيح

بالفعل كلامك كله صحيح

[المخلب]

عيني على العقاريه والصناعات :eek:

ياحلوهم ويازينهم وهم خضر ^ فووووووووق