OTOsan
04-04-2007, 01:32 PM
صديقي طفولتي العزيز ..
حبيت اكتب لك هالرساله من صميم قلبي ، عشان تعرف انك للحين حبي الاول والاخير ..واني مانسيت ايامنا الحلوه مع بعض حتى ولو مر الزمن !
صديقي العزيز ..
لما اشيلك في ايدي هالايام .. اتم اتذكر ايامنا الخوالي .. ايام الطفولة .. لما كنت ترافقني ونا رايح المدرسة .. وتكون معاي ونا راد منها ..
اشكثر كنا نستمتع مع بعض ومعانا رفيجنا ( مينو ) .. مره مينو الاخضر ومره اخوه الازرق !
تتذكر مينو ..؟ ذاك اللذيذ المحشي بالكريمة البيضا .. تتذكر لما كنا نجتمع انا وانت وهو ونشكل مع بعض ثلاثي عنيد .. يتحدى الغبار والاتربة في الطريق من والى البيت والمدرسة .. واتم انا شايلك وشايله بيدي .. اشفط منك شفطه .. واقضم منه قضمه ..
مممممم .. ايام وياليتها تعود ..
تتذكر التلفونات اللي كنت اسويها منك .. يوم اربطك انت وواحد من ربعك لخيط ونتم نسولف انا ورفيجي واحنا احذا بعض .. يعني مسوين فيها انك تلفون !!
ولا لما كنت اقص اطرافك .. واسوي فيك مروحه !!
صديقي العزيز ..
تدري اشميزتك ياصديقي العزيز ..
ان الدنيا تغيرت ..
كل الدنيا تغيرت ..
شارع ال شافي اللي كنا نمشي فيه مع بعض تغير اسمه .. وتغيرت ملامحه ..
بس انت ماتغيرت !
المدرسة اللي كنت اخذك معاي لها .. تغيرت .. كانت مدرسة الاخلاص النموذجية وصارت الحين مدرسة الامام الشافعي الاعدادية .. ومايندرى اذا تغير اسمها بعد ولا توها ..
بس انت ماتغيرت ..
مدرسة الريان الابتدائية .. اللي كنت اخذك من الدكاكين اللي قدامها .. واستمتع فيك في عز الحر خاصة ونت مثلج .. تغيرت ..
بس انت ماتغيرت !
ربعك البضايع اللي يكونون حذاك تغيروا .. ان ماكان باسعارهم .. فتغيروا بشكلهم ..
وانت ماتغيرت !!
ميزتك يوم حبيت تتغير حطيت لك نقشه على ويهك .. مسوي فيها تمويه يعني محد بيعرفك !!
حتى البقالات اللي كنت اشتريك منها تغيرت .. صارت ديكوراتها غير .. عمالها غير .. حتى بضايعها غير .. بس انت مهما صار لك مكانة .. مب بس في قلبي .. ولكن في قلوب كثير من الناس .. تدري ليش ..؟
لانك ماتغيرت !
اخر هالرسالة .. ابي اعتذر لك لاني كنت استمتع ونا احفر حفر بويهك .. شاسوي ويهك مغري ويخليني اسوي هالشي غصب عني .. مرة بالمصاصه ومره بصبعي ومره بضروسي !!
تقبل مني كل الحب والوفاء .. لك ولامثالك اصحاب المبادئ الثابته .ياصديقي !!!
ملاحظة .. مرفق صورة شخصية لك .. مع توقيعي عليها عشان تتذكرني دايما ..
http://i7.tinypic.com/4dbrpj8.jpg
http://i10.tinypic.com/33o4pxw.jpg
الى اللقاء ياصديق طفولتي .. عصير بونص !!!
حبيت اكتب لك هالرساله من صميم قلبي ، عشان تعرف انك للحين حبي الاول والاخير ..واني مانسيت ايامنا الحلوه مع بعض حتى ولو مر الزمن !
صديقي العزيز ..
لما اشيلك في ايدي هالايام .. اتم اتذكر ايامنا الخوالي .. ايام الطفولة .. لما كنت ترافقني ونا رايح المدرسة .. وتكون معاي ونا راد منها ..
اشكثر كنا نستمتع مع بعض ومعانا رفيجنا ( مينو ) .. مره مينو الاخضر ومره اخوه الازرق !
تتذكر مينو ..؟ ذاك اللذيذ المحشي بالكريمة البيضا .. تتذكر لما كنا نجتمع انا وانت وهو ونشكل مع بعض ثلاثي عنيد .. يتحدى الغبار والاتربة في الطريق من والى البيت والمدرسة .. واتم انا شايلك وشايله بيدي .. اشفط منك شفطه .. واقضم منه قضمه ..
مممممم .. ايام وياليتها تعود ..
تتذكر التلفونات اللي كنت اسويها منك .. يوم اربطك انت وواحد من ربعك لخيط ونتم نسولف انا ورفيجي واحنا احذا بعض .. يعني مسوين فيها انك تلفون !!
ولا لما كنت اقص اطرافك .. واسوي فيك مروحه !!
صديقي العزيز ..
تدري اشميزتك ياصديقي العزيز ..
ان الدنيا تغيرت ..
كل الدنيا تغيرت ..
شارع ال شافي اللي كنا نمشي فيه مع بعض تغير اسمه .. وتغيرت ملامحه ..
بس انت ماتغيرت !
المدرسة اللي كنت اخذك معاي لها .. تغيرت .. كانت مدرسة الاخلاص النموذجية وصارت الحين مدرسة الامام الشافعي الاعدادية .. ومايندرى اذا تغير اسمها بعد ولا توها ..
بس انت ماتغيرت ..
مدرسة الريان الابتدائية .. اللي كنت اخذك من الدكاكين اللي قدامها .. واستمتع فيك في عز الحر خاصة ونت مثلج .. تغيرت ..
بس انت ماتغيرت !
ربعك البضايع اللي يكونون حذاك تغيروا .. ان ماكان باسعارهم .. فتغيروا بشكلهم ..
وانت ماتغيرت !!
ميزتك يوم حبيت تتغير حطيت لك نقشه على ويهك .. مسوي فيها تمويه يعني محد بيعرفك !!
حتى البقالات اللي كنت اشتريك منها تغيرت .. صارت ديكوراتها غير .. عمالها غير .. حتى بضايعها غير .. بس انت مهما صار لك مكانة .. مب بس في قلبي .. ولكن في قلوب كثير من الناس .. تدري ليش ..؟
لانك ماتغيرت !
اخر هالرسالة .. ابي اعتذر لك لاني كنت استمتع ونا احفر حفر بويهك .. شاسوي ويهك مغري ويخليني اسوي هالشي غصب عني .. مرة بالمصاصه ومره بصبعي ومره بضروسي !!
تقبل مني كل الحب والوفاء .. لك ولامثالك اصحاب المبادئ الثابته .ياصديقي !!!
ملاحظة .. مرفق صورة شخصية لك .. مع توقيعي عليها عشان تتذكرني دايما ..
http://i7.tinypic.com/4dbrpj8.jpg
http://i10.tinypic.com/33o4pxw.jpg
الى اللقاء ياصديق طفولتي .. عصير بونص !!!