شنو العبره من هالشي ؟؟؟؟؟

[محمد]

السلام عليكم ..
راودني سؤال بصراحة بعد تخصيص ناقلات ..
اولا محد يقدر ينكر انها مكرمه و مكرمه ممتازه ايضا
خاصه ان السهم على 5 وبعدين بيوصل الاضعاف وهذا بحد ذاته محد ينكر انه مكرمه
لكن ..
ليش ما ذكروا من البداية ان مثل حد التخصيص بين 1500-2000 او شي من هالقبيل
عشان الناس وخاصه العليميه الي باعوا بيوتهم وحلالهم يعرفون وين الله قاطهم ..
وهذا الشي انا مستغرب منه صراحة
لو كان هالشي انذكر محد اعتبر التخصيص فيه اجحاف ولا حاجه اتوقع
لكن التعتيم بهالطريقة وتعشيم البعض بالكثير و الكثير وفي الاخير :confused: هو المشكله !

تحياتي

[النورس]

صدقت أخي محمد في هذا الكلام

وفعلا كان على المسؤولين الأفاضل

يبينون للناس هذه النقطة قبل ما يدشون الناس في ديون مع البنوك وهي المستفيد الاول

ولكن الظاهر هم حاطين في بالهم أن الناس كلها هوامير ومحد محتد على البنوك أو محتد أن يبيع حلاله

الله يعوض عليهم

[ومن الغباء ماقتل]

مع كل احترامي لرايك يا اخي الكريم .. بس ماكان فيه داعي .. لان كل المحللين الاقتصاديين كانو ينصحون الناس بعدم الاكتتاب بمبالغ كبيره .. والكل كان ينصح بعدم تخطي ال 4000 سهم لكل بطاقة .. وفي الايام الاخيرة للاكتتاب ولما الكل لاحظ الاقبال كانوا ينصحون ب 2000 سهم فقط .. يعني الكل كان متوقع والتخصيص على 1233 بصراحه ماكان مفاجئة .. لان الاقبال كان ضخم جدا.

[شرقاوي]

اخي "من الغباء ماقتل" فعلا لم يكن مفاجئه

وبعدين اخوي ترى اسمك يسبب احراج

ماودك تغيره والراي لك بالاول والاخير


معليش على اللقافه

[ومن الغباء ماقتل]

ضحكتني يا شرقاوي .. اضحك الله سنك قول آمين :)

والله شسوي ياخي .. هاذي حكمه عظيمه وعبره .. خصوصا للي يشتغل في سوق الاسهم .. ولا شرايك؟

عموما راح اسجل باسم ثاني .. لان كلامك نوعا ما صحيح .. شاكر لك تفاعلك اخوي الكريم.

[شرقاوي]

والله ياخوي اني كنت حاط يدي

على قلبي خايف تفهمني غلط :( وتزعل

لكن الحمدلله انك فهمت قصدي :)

وكبرت في نظري :o الله يحفظك ويبارك فيك

[محمد]

اخوي "من الغباء ما قتل"
كانوا ينصحون بعدم تخطي 4000
طيب والفرق بين 1233 و 4000 شوي ؟
احسبها على واحد عنده مثلا 10 ولا 12 بطاقة و شوف :)
وبعدين ايش الفايده بنصايحهم اخر الوقت .. اصلا محد قط فلوسه بالاسهم اخر ايام الاكتتاب الا الهوامير :) اما العليميه صفوا بهالطوابير من اول يوم في الاكتتاب ..

تحياتي لك

[بوناصر-قطر]

السلام عليكم ورحمة الله وبركاته

صباح الخير

اولاً الحمدلله رب العالمين على ما تم تخصيصه , والله ياجماعه اني ماكنت متوقع هذا التخصيص كنت متوقع بالكثير 1000 سهم لكن الحمدلله , وهذي تنعد مكرمه .

وانا اضم صوتي لصوتكم بأن المحللين حذروا ان محد يبيع اسهمه وخصوصاً الصناعات .

ولا احد يكتتب بمبالغ كبيره الا اللي عنده سيوله , اما اللي يبيع بيته ويبيع حلاله فالمحللين حذروا من هذا الشي , وكانت هناك عمليات حسابيه من قبل المحللين كل يوم في الجرايد وحطت نسب متفاوته وكم راح يكون التخصيص .

وكان في اعلى حال راح يكون اذا ماخانتني الذاكره ( 2000 وشوية خرده اذا كانوا المكتتبين 120000 مكتتب ) .

والحمدلله رب العالمين على هذا التخصيص اللي يعد كرم من سيدي صاحب السمو الامير المفدى .

ودمتم سالمين

[قطر]

السلام عليكم

اخواني قبل دخولكم في استثمار المفروض تدرسونه

مش لانه اكتتاب بيربحكم فخلاص بندخل .... ادخلوا فيه واكتتبوا بس بعد دراسة
ودراسة كم المبلغ المراد الدخول به

المسؤولين مب شغلتهم ايحددون للناس... عطوكم راس المال وعدد الاسهم

280,000,000 سهم

اقسمها على عدد سكان قطر ... وفي اخر احصائيه كان 500 الف شخص لكن لنفرض انك حسبتهم على 200 الف

280,000,000÷200000= 1400 سهم

لاحظ مع ان نص قطر ماادخلوا


فليش مالناس اتفكر قبل الدخول بمبالغ كبيره؟

ليش ماتبحث وتدرس وتتعلم ؟

ام هو مجرد اعتماد على المسؤولين حتى بحسبت اموالكم؟


اسمحوا لي بس لازم كل واحد ياخذ درس من هالموضوع ويبحث اكثر واكثر قبل البدء بالاصطفاف في طوابير من اول الايام


اتمنى محد يفهمني غلط بس من حرقت قلبي على اللي باعوا حلالهم واخرتها بيطلعون مديونيين.

سلام

[محمد]

حبيبي
اذا بتتكلم في المنطق
فالمنطق عكس كلامك تماماً ..
اولاً الاحصائيه هذي قطر 500 الف .. غلط 100% لان المواطنين تعدادهم اقل من 180 وتقريبا فوق ال160
وهالشي الكل يدري به
علاوه على هذا شوف اشكثر ناس ما اكتتبوا
فوق هذا لو افترضنا هالشي وقسمنا 280 مليون على 160 الف شوف العدد كم وطبعا هالعدد ما وصلنا نصه في التخصيص
ثاني شي ليش ما قالوا من الاول ان في نسبة 25% نسبه و تناسب ؟ قالوا كل الاسهم راح تخصص

الزبده من كلامي انا ما اقصد ان يكون التوضيح لي و لا لك يالغالي الحمدلله انا واعي لمثل هذه الامور واصلا المفروض الواحد ما يقط فلوس بالاسهم الا وهو في غنى عنها ان ربح زين وان خسر لا حول ولا قوةا لا بالله وهذا مبدأي فيها والحمدلله مافي خساره لكن في ناس بيوتها اختربت من ورا هالسالفه لان ماعندهم لا خبره ولا شي والمفروض كان فيه توعيه ..

تحياتي

[قطري]

شكراً لك اخوي محمد
لو كاتب الموضوع في منتدى النقاش افضل
ليتسنى لاخوانك مناقشة الموضوع
قطر ماعتقد ان عددنا 500 الف الصراحة وايد
تم نقل الموضوع
شكراً لكم

[قطر]

حبيبي
اذا بتتكلم في المنطق
فالمنطق عكس كلامك تماماً ..
اولاً الاحصائيه هذي قطر 500 الف .. غلط 100% لان المواطنين تعدادهم اقل من 180 وتقريبا فوق ال160
وهالشي الكل يدري به

اولا اعصابك انا بعد ماقصدتك انا قصدت اللي باعوا حلالهم

بالنسبة للاحصائيه هذا اللي انا قريته عقب ماكانوا ايمورون على البيوت تقريبا في سنة 2000 اذا ماخانتني الذاكره

ثانيا اذا كانوا بين ال180 او 160 من وين جاوا اللي اكتتبوا ؟ ووصل عددهم فوق 200 الف؟


:o على العموم انا رديت بانفعال لان شفت كم حاله جدامي وكنا ننصحهم ونقولهم لاتفعلون لاتسوون
كل على بالهم ان نبي ناخذ اكثر منهم الله ايهداهم

وماقصدتك انت فلاتزعل وحقك علي لوضايقتك



قطــــــــــري .... والله هذا اللي اخبره .......بس انا قلت قسموا 200 الف لا تقسمون 500الف :)


حصل خير

[إنتعاش]

هلا فيك اخوي الحبيب

المشكلة انا كمسؤول كيف اريد توجيه الناس من البدايه

وانا مش عارف كمية الاموال او الاكتتابات اللي راح تتقدم ؟


ماقدر اقول لك لأني ما شفت شي فعلي

وكانت توقعات المسؤولين بالتغطيه 4 مرات فقط


وايضا تم تمرير تصريحات غير مباشره بعدم جواز بيع البطاقات للمواطنين

لكي ينعم الجميع بنصيبه من خلال بطاقته فقط ولا يزاحم الآخرين

وثانيا ً أكثر من مقال و تصريح لمحللين ماليين من ضمنهم الاستاذ بشير الكحلوت

حذروا الجميع من الاقتراض من البنوك لأجل الاكتتاب لأنها منطقيا ً غير مجديه إطلاقا ً

وياخوي لو كل واحد استشار قريب له او صديق خبير و له إطلاع كافي في السوق والاسهم

صدقني ماحد بينصح بذلك

[بوحظين]

يا محمد الناس دايم يقولون "هل من مزيد" و بعدين كانت في اشارات كثيرة تقول ان التخصيص ما بكون مثل ما كان في الصناعات ...... وزير التجارة قال هذا الكلام أكثر من مرة ..... والانسان بطبعة طماع
ودام راس بو مشعل اشم الهوا .... ابشروا ...... الخير جاي :)