رحلتي الحزينة اليوم إلى الحدود على طريق أبوسمرة الجديد !!! !!!!!!!!!

[PoBox]

بسم الله الرحمن الرحيم

السلام عليكم ورحمة الله وبركاته


السلام عليكم ..

انا سمعت صوت صفارات .. لكن كانت صفارات الاسعافات والشرطة ورجال الدفاع المدني
حوالي الساعة 6 ونص بعد المغرب على طريق سلوى ..
حادث قوي .. حوالي 12 سيارة

اللهم احفظنا واحفظهم


ذكرني هالخبر بحادث حصل اليوم الساعة 7 المغرب تقريبا
على خط أبوسمرة (( الجديد ) امحق جديد

وانا قابض الخط في طريقي الى الحدود في شغلة خاصة
(( شالشغلة اللي على الحدود - مروج مخدرات- :eek2: ))

وانا ماشي في أمان الله

الا اشوف شارع مثل المعكرونة
تقريبا نفس الشوارع اللي تنشال منها الطبقة العلوية
هذا مب الموضوع
الله يجازي اشغال واللي كان السبب واللي تغافل عن السبب

المهم
شوي الا الشارع لف يمين بنفسه
دون اشارات توضيحية ولا عواكس انارة ولا اي بطيخ
وانا كنت شوي مسرع والله ستر

عدينا ،،،والحمد لله

بعد شوي وانا في أمان الله
حواجز على اليسار وتخليك غصب تلف يمين
لكن قبل ماتوصلها
لا اشارات عاكسه ولا اي بطيخ
كل واحد وانتباهه


الحمد لله عديت من هالحاجز أيضا

خلصت منه
الا لف الشارع بقوة يسار ،،
لفيت معاه كاني في رالي


بعد شوي
الا مصائد فئران في الطريق

سيارتي سبورت مع الأرض
وياعيني جات مطبات راعي السكسويل ينتفظ منها
وكأني في تراك درفت يمين ويسار
آخر شي قلت ياعمي واحد وراك يلتبك ويدعم من لفاتك
ضربت المطبات وامري لله ومادري شصار تحت السيارة

شوي حفر ومطبات - فقع
شوي الشارع يوسع
شوي يضوق
الا يمين
الا يسار
تحت
فوق

حقيقة شارع لا يوصف
القديم المكسر كان ابرك ودون مبالغة


المهم
وصلت الحدود وانتهى موضوعي
بدات رحلة الرجعة
نفس المغامرات بس اهون شوي

على الشارع المقابل
شارع الروحة

حادث مأساوي جدا جدا
ماوقفت للحادث كنت مستعيل
ولان كمية محترمة من الدوريات كانت موجودة
فلقافتي مالها لزمة

مالايقل عن 3 سيارات اسعاف
ودوريات الدنيا والدين

عند احد الحنيات الغبية في شارع الروحة





من المسؤول عن مقتل البشر على هذا الشارع
كل المسالة ليتات اولو بخلاء
عاكس فقط ينبه الناس ان ترا في لفة قريبة في الشارع ابو 4 خطوط
ارواح الناس لعبة في يد اشغال ؟؟؟؟

لازم واحد من عيال المسؤولين في اشغال يموت
علشان يحس بالناس !!!

ارحموا من في الأرض يرحمكم من في السماء
والله يجازي اشغال والمسؤولين عنها مايستحقونه من الجزاء

لان هذا اهمال واهمال سخيف لابسط امور السلامة

بس فالحين نفتخر (( ميزانيتنا 30 مليار ))
فاتحين مدرسة تعليم يتعلمون على مشاريعنا
واي غلط نقول نحن دولة صغيرة ونتعلم !!!!!!!!!!!!!

وزيادة الحوادث
أشغال وشغلها سبب رئيسي فيها
بغض النظر عن طيش الشباب وغيرهم


الله يرحم البلد الفلانية
اللي لو شارع فرعي مسكر
قبله بفريج تلاقي اشارات والوان الطيف من التنبيهات
ترا في لفة قوية جاية اونزلة او طلعة


ولاحول ولا قوة الا بالله :court: :court:

[الزاجل]

8
8
8
8
صدقت والله
اخر مرة مريت فيها على الشارع قلبي عورني

من بدايته لنهايته امبطط الشارع
وشكله كأيب تقول مطربة من غير عمليات تجميل ..:looking:

من العادة الواحد يسوق ويخاف من الحوادث
اما في شارع سلوى الواحد يخاف من الشارع crazy
حرام والله
خلهم يشوفون شوارع السعودية الحدودية
ويشوفون اشلون شوارع سلوى الحدودية
واشكثر اخسروا عليه من ملايين ..

وتعيش الأمة العربية ..

[التيما]

لان مافي حسيب لو المسؤول عن هالمصخره اللي صارت بالشارع يعترف ويتحاسب وتنزل درجته الوظيفيه جان تعلموا السنع او المقاول الحرامي اللي مايخاف الله حسبي الله عليه ونعم الوكيل من مقاول خاف الله وضميره وسوا الشارع عدل ما صار اللي صار لو اشغال تهتم بارواح الناس ما صار اللي صار يبيلنا وقفه صريحه مع هالاشكال اللي لا تخاف ولا تستحي

[sulai6i]

السلام عليكم ..



حقيقة شارع لا يوصف
القديم المكسر كان ابرك ودون مبالغة

والله هذا الكلام اللي نردده يوميا ..

بحكم عملي في الحدود فهذا الشارع اصبح صديقي ..
امشي عليه يوميا .. ليلا ونهارا .. وارى ما ارى من حوادث

وصفك للشارع اخي الفاضل رائع .. فهو فعلا مثل المتاهه
تارة يأخذك يمينا وتارة شمالا .. وتارة تجد نفسك في المنتصف !!

كل التعابير الغريبة تصلح لوصف هذا الشارع ..


بحكم مروري على الشارع بشكل يومي .. فوالله انها ليست مبالغة فالحوادث تقريبا يوميا

اصبحنا نحن ( موظفوا ) الحدود نقول ..

" متى بيجينا الدور !! "

اللهم احفظنا واحفظهم

اللهم آمين

[سيف قطر]

معاك حق في كل ما قلت

لكن الحل في الصبر ...لمتى الله اعلم ..؟؟

وننتظر الحل ...!!!!لكن كيف يكون ..؟؟

هل هو مجدي او موقت ..!!

المهم حل في نظر اشغال ..!! :deal:

يعطيك العافية اخوي

[سهم طايش]

شي يفشل و الله

[التيما]

السلام عليكم ..




والله هذا الكلام اللي نردده يوميا ..

بحكم عملي في الحدود فهذا الشارع اصبح صديقي ..
امشي عليه يوميا .. ليلا ونهارا .. وارى ما ارى من حوادث

وصفك للشارع اخي الفاضل رائع .. فهو فعلا مثل المتاهه
تارة يأخذك يمينا وتارة شمالا .. وتارة تجد نفسك في المنتصف !!

كل التعابير الغريبة تصلح لوصف هذا الشارع ..


بحكم مروري على الشارع بشكل يومي .. فوالله انها ليست مبالغة فالحوادث تقريبا يوميا

اصبحنا نحن ( موظفوا ) الحدود نقول ..

" متى بيجينا الدور !! "

اللهم احفظنا واحفظهم

اللهم آمين

الله يحفظك يارب انت واللي يشتغلون معاك عالحدود لا تفاول على نفسك

[رايق]

انا مستغرب من الامبالاه عند الجماعه .. مادري هم ما يشوفون الل احنا نشوفه .. هل هي وقاحه .. استهزاء بأرواح الناس .. عمليه نهب لأموال الدولة في مشاريع فاشله و تفشل ..

اذا استمر الوضع على ما هو عليه .. انجازت الدولة في مجال البنية التحتية راح تكون مجرد تصريحات و مؤتمرات صحفيه على الخرطي اذا أشغال و اشباه اشغال هم اللي ماسكينها

[الزاجل]

انا مستغرب من الامبالاه عند الجماعه .. مادري هم ما يشوفون الل احنا نشوفه .. هل هي وقاحه .. استهزاء بأرواح الناس .. عمليه نهب لأموال الدولة في مشاريع فاشله و تفشل ..

اذا استمر الوضع على ما هو عليه .. انجازت الدولة في مجال البنية التحتية راح تكون مجرد تصريحات و مؤتمرات صحفيه على الخرطي اذا أشغال و اشباه اشغال هم اللي ماسكينها
ما ادري ليش
عجبني ردك واايد:con2:

[مكنتوش]

في لقاء مع اشغال لبرنامج صباح الخير طرح هذا السؤال عليهم على الهواء مباشر ردت اشغال هذا قضاء وقدر !!!

شفت حجم الجسور على الطريق ( اللي تحت التشيد ) ؟

[PoBox]

في لقاء مع اشغال لبرنامج صباح الخير طرح هذا السؤال عليهم على الهواء مباشر ردت اشغال هذا قضاء وقدر !!!

شفت حجم الجسور على الطريق ( اللي تحت التشيد ) ؟

تطييرهم من مناصبهم ايضا قضاء وقدر
وان شاء الله نرى هذ اليوم قريبا

حجتهم بالقضاء والقدر
كمن يلخك كف على وجهك
ولو قلتله ليش
يقولك قضاء وقدر

شين وقوي عين بعد :anger2: :anger2: :anger2:

[رايق]

ما ادري ليش
عجبني ردك واايد:con2:

تراني متسبب .. لا تخليني استرسل و اطلع حرة المواطن البسيط من أشغال

[الزاجل]

تراني متسبب .. لا تخليني استرسل و اطلع حرة المواطن البسيط من أشغال
احس ان اعجابي فيك نابع من احساس طاغي علي
بأنك تحمل ما بجعبتي ولكن اتردد في قوله..:looking:
اتمنى تكون عندك الشجاعة اكثر مني :strong

[الزاجل]

في لقاء مع اشغال لبرنامج صباح الخير طرح هذا السؤال عليهم على الهواء مباشر ردت اشغال هذا قضاء وقدر !!!

شفت حجم الجسور على الطريق ( اللي تحت التشيد ) ؟
يقول لي واحد اليوم
ان الجسر اللي بيسوونه صوب الخليفات ( المعمورة ) والسلطة
حديد الأساس عوي :looking:
ويحذرني اليوم يقول لي مب تركبون الجسر :looking:

ويحلف انه كان عوي وكانوا يبون يعدلون الحديد :court:

[رايق]

احس ان اعجابي فيك نابع من احساس طاغي علي
بأنك تحمل ما بجعبتي ولكن اتردد في قوله..:looking:
اتمنى تكون عندك الشجاعة اكثر مني :strong

ههههههههههههههههه ازهلها .. انت بس عطني اللي في جعبتك و انا اغرد على روسهم :D

[الزاجل]

ههههههههههههههههه ازهلها .. انت بس عطني اللي في جعبتك و انا اغرد على روسهم :D
ونرجع للأساس
ان ما بجعبتي تحتاج الى شجاعة لم اعد املك منها مثقال ذرة crazy

[مكنتوش]

شارع سلوى وعرفنا من اللي تسبب بهذا قالو الاستشاري وو ( يعني كنا شارع سلوى فقط اللي مضروب ) خاطري اسالهم الشارع الجديد من اشارات الجامعة الجديدة الي النورث لاحظت وجود ابار نفط في وسط الشارع تقريبا فوق 20 بأر كيف تحفر الشارع وتوه جديد (new ) ؟

[PoBox]

يقول لي واحد اليوم
ان الجسر اللي بيسوونه صوب الخليفات ( المعمورة ) والسلطة
حديد الأساس عوي :looking:
ويحذرني اليوم يقول لي مب تركبون الجسر :looking:

ويحلف انه كان عوي وكانوا يبون يعدلون الحديد :court:

هين لو على تعديل الحديد
يبقى حديد


في احد شوارع الدولة
تم استخدام (( تواير قديمة ))
وطحنها وخلطها مع شوية قار

وتناسى المهندس الفطحل الجهبذ
ان السيارات تمشي على تواير

وان التاير على التاير (( يذيب بعضه بعضا ))

وكل هذا علشان يوفر على الدولة قرشين
ويقولهم ترا انا وفرت
ويتقرب للمسؤولين زيادة

ولازالت الاختراعات تتوالى مع جهابذة أشغال ومهندسيها وتواقيع مسؤوليها :court: :court:

[رايق]

ونرجع للأساس
ان ما بجعبتي تحتاج الى شجاعة لم اعد املك منها مثقال ذرة crazy

بالعكس الموضوع اسهل مما تتصور .. ممكن مثلا نخطف البتان اللي شغالين على مشروع طريق سلوى (ما يتعدون 6 عمال بالكثير) و نطالب بوضع حد للي قاعد يصير .. انت بس تعال و خل الباقي علي

[الزاجل]

هين لو على تعديل الحديد
يبقى حديد


في احد شوارع الدولة
تم استخدام (( تواير قديمة ))
وطحنها وخلطها مع شوية قار

وتناسى المهندس الفطحل الجهبذ
ان السيارات تمشي على تواير

وان التاير على التاير (( يذيب بعضه بعضا ))

وكل هذا علشان يوفر على الدولة قرشين
ويقولهم ترا انا وفرت
ويتقرب للمسؤولين زيادة

ولازالت الاختراعات تتوالى مع جهابذة أشغال ومهندسيها وتواقيع مسؤوليها :court: :court:


الحمدلله والشكر

الإمارات يستخدمون رمال الصخور
وعندنا يستخدمون الصبخة والرمل المملح :court:

[الزاجل]

بالعكس الموضوع اسهل مما تتصور .. ممكن مثلا نخطف البتان اللي شغالين على مشروع طريق سلوى (ما يتعدون 6 عمال بالكثير) و نطالب بوضع حد للي قاعد يصير .. انت بس تعال و خل الباقي علي
شكلك راعي سوابق في جرائم الخطف والاختطاف ..

صدقني لو البتان مسوين الشارع كان بيكون احسن شارع
اتحصل العمال من قوم الفوافي اللي طاخ طيخ تعب
ورقد على راس الشارع :court:

[مكنتوش]

يقول لي واحد اليوم
ان الجسر اللي بيسوونه صوب الخليفات ( المعمورة ) والسلطة
حديد الأساس عوي :looking:
ويحذرني اليوم يقول لي مب تركبون الجسر :looking:

ويحلف انه كان عوي وكانوا يبون يعدلون الحديد :court:
:eek2:

[PoBox]

بالعكس الموضوع اسهل مما تتصور .. ممكن مثلا نخطف البتان اللي شغالين على مشروع طريق سلوى (ما يتعدون 6 عمال بالكثير) و نطالب بوضع حد للي قاعد يصير .. انت بس تعال و خل الباقي علي


بغيتوا صعايدة ولا شي ترا حاضرين
الصعيدي يضرب
والبتاني يستحمل عنه

وانا وانت والزاجل نحط رجولنا ههههههههههه

[بوخالد2]

موضوع حلو بس لو ضايف صور للشوارع علشان انشوووف :eek2:

[رايق]

شكلك راعي سوابق في جرائم الخطف والاختطاف ..

صدقني لو البتان مسوين الشارع كان بيكون احسن شارع
اتحصل العمال من قوم الفوافي اللي طاخ طيخ تعب
ورقد على راس الشارع :court:

:court: :court: :court:

[PoBox]

موضوع حلو بس لو ضايف صور للشوارع علشان انشوووف :eek2:

للأسف رايح بالليل وماكنت متوقع هذا الفلم:eek2:

[ROSE]

بغيتوا صعايدة ولا شي ترا حاضرين
الصعيدي يضرب
والبتاني يستحمل عنه

وانا وانت والزاجل نحط رجولنا ههههههههههه
:funny: :funny: :funny:

[الزاجل]

بغيتوا صعايدة ولا شي ترا حاضرين
الصعيدي يضرب
والبتاني يستحمل عنه

وانا وانت والزاجل نحط رجولنا ههههههههههه
الحياة تجارب
والتجارب اتعلم
وتعلمت
اني احط ريولي قبل لحد اييب طاري :strong

[رايق]

بغيتوا صعايدة ولا شي ترا حاضرين
الصعيدي يضرب
والبتاني يستحمل عنه

وانا وانت والزاجل نحط رجولنا ههههههههههه

صعايده ؟ لا مافي داعي .. السرعه مطلوبه في المهمه .. و الجماعه يبيلهم وقت على ما تفهمهم هذا اذا فهموا .. اخاف يروحون قاعدة العديد بالغلط و على قوانتنامو على طول هههههه

[PoBox]

http://www.q6r.com/up/uploads/818c56e7bb.jpg (http://www.q6r.com/up)

عصر جديد ... لإعمال:mad: :mad:

[رايق]

http://www.q6r.com/up/uploads/818c56e7bb.jpg (http://www.q6r.com/up)

عصر جديد ... لإعمال:mad: :mad:

رجعونا للعصر الحجري حسبي الله عليهم

[PoBox]

وقال أن من يعمل لابد أن يخطأ وهذه سنة الحياة، فمن أصاب فله أجران، ومن أخطأ فله أجر:eek2: :eek2: :eek2: ، مستطرداً "لا يعني ذلك تبريراً للخطأ أو القبول به"، مؤكداً انه يتم محاسبة المقصرين سواء كانوا من مهندسي وموظفي الطرق أو كانوا يعملون لدى المقاول المنفذ للمشروع أو الاستشاري المشرف عليه. وشدّد على أنه مثلما توجد عيوب في مشاريع الطرق فهناك الكثير من الايجابيات، إلا أنه دائماً ما ينظر للسلبيات فقط مهما صغر أو كبر حجمها ومن خلال "مجهر مكبر"! مبدياً احترامه لكل وجهات النظر، وتقبله للنقد بكل رحابة صدر.


http://www.ashghal.com/arabic/news.php?extend.53

يااااااااااحبيبي وأجر بعد

[الزاجل]

وقال أن من يعمل لابد أن يخطأ وهذه سنة الحياة، فمن أصاب فله أجران، ومن أخطأ فله أجر:eek2: :eek2: :eek2: ، مستطرداً "لا يعني ذلك تبريراً للخطأ أو القبول به"، مؤكداً انه يتم محاسبة المقصرين سواء كانوا من مهندسي وموظفي الطرق أو كانوا يعملون لدى المقاول المنفذ للمشروع أو الاستشاري المشرف عليه. وشدّد على أنه مثلما توجد عيوب في مشاريع الطرق فهناك الكثير من الايجابيات، إلا أنه دائماً ما ينظر للسلبيات فقط مهما صغر أو كبر حجمها ومن خلال "مجهر مكبر"! مبدياً احترامه لكل وجهات النظر، وتقبله للنقد بكل رحابة صدر.


http://www.ashghal.com/arabic/news.php?extend.53

5"]يااااااااااحبيبي وأجر بعد[/SIZE]

تدري الأجر وينه فيه ؟

الله يسلمك

ناس متأذين من مديرهم لأنه ظالم ..

والمدير هذا طلع وسافر في مثل هذه الشوارع

كلها كم كيلو متر والشارع يفكهم منه..
بكل بساطة راح يموت المدير..


اهنيه كسب فيهم أجر لأنه فكهم من ظالم:looking:

[السديم]

أشغال وما أدراك ما اشغال :court:

يعني بصراحه من يوم احنا يهال واحنا نسمع مشكلة الشارع الفلاني والمسؤول العلاني بالبلديه ؟؟
طيب ولين متى ؟؟؟؟؟
كلشي في بلادنا تغيير من اممممم مانقول الثمانينات خلنا نقول من التسعينات الا الشوارع هذي هي ؟؟
التعليم المباني الاسواق المطاعم حتى التفكير وبعض العادات والتقاليد و و و الخ كلشي تغير كلشي تطور الا شوارعنا كبرنا وربينا على مشكلة الشوارع واللحين عيالنا يواجهون نفس المشاكل ..
والحديث يا طارح الموضوع مايقتصر شارع سلوى بس صحيح هم ابدعو في شارع سلوى بس بنظرة سريعة بتشوف مشكلة الشوارع شملت كل مناطق الدوحه وخارج الدوحة ؟؟
وينكم يا مسؤولين ليش احنا كمواطنين عاديين يحترق دمنا ليل نهار وانتو ماتحسون !!!
مثل ماهي بلادنا هي بلادكم والمفروض تحبون لها الخير ولا البوق والفلوس تعمي العيون !!!!
المسؤولين الكبار واللي فوق واكبرمن اللي بأشغال مايشوفون الشوارع ليش مايعاقبون كل متخاذل :anger1:
وايد وايد اتنرفز من سالفة شوارعنا وسوري على الاطاله .. ويا الزاجل والرايق اي عملية انتحاريه بس دزوني عليهم ترا فيني حره :strong

[خبير أقتصادي]

بالعكس المشروع ناجح جدا و الجِمال تمتلك الآن أنفاق تم الإنتهاء منها حفاظا عليها من السيارات - هل سمعتم بأن جمل مات بعد إنتهاء المشروع

[daaark]

المسئلة كلها وقت وتشوفون اشلون بيصير الخط

[الزاجل]

بالعكس المشروع ناجح جدا و الجِمال تمتلك الآن أنفاق تم الإنتهاء منها حفاظا عليها من السيارات - هل سمعتم بأن جمل مات بعد إنتهاء المشروع
وهل الجمال اغلى من الإنسان ؟:looking:

[ANONYMOUS]

بسم الله وكفى.. وسلامه على اللذين اصطفى..

انا هنا مش بصدد ادافع عن اشغال... بالعكس.. اشغال تتحمل الجزء الاكبر في التقصير
ولكن

شبابنا الله يهديهم..

يعني يعرف ان الشارع تحت الانشاء..

يا اخي مافيها شي لو سرعت 40 .. لين يتعدل الشارع.. ويصير سيده..

لين متى والناس مابتعتبر من السرعه..

السرعه هي السبب الاول.. وطبعا كل شي قضاء وقدر..

السرعه ثم السرعه ثم السرعه.. هي السبب الاساسي.. ومن ثم الانشغال بغير الطريق..

انا عملت احصائيه في نفسي.. عن عدد حوادثي.. والحمد لله اغلبها بسيطه.. لقيت ان 80 في لميه منها سرعه... والباقي عندم انتباه..

فيا شباب.. لاتخلون اشغال شماعه .. صحيح مقصره في امور.. بس مش سبب رئيسي..

[قناص قطر]

لا تذكرني اخوي


الشهر اللي طاف مغير تايرين والسبب طريق بوسمرة الجديد

كنت مسافر البحرين بالسيارة

والشارع الله بالخير

عن السرعه في حدود 80 لان ماتقدر تسرع اكثر من جذي

والله القار مقطوع ويبداء قار جديد وهكذا

التواير اي ام جي ( السيارة اس 500 ) يعني التواير سبورت

وضربه تحت الموتر و2 من التواير على طول مع كسر في الرنق الامامي

وتلتهت هذا اليوم

وكرهت السفر بالبر

الى ان يتم افتتاح الشارع بالكامل وبشكل رسمي

[PoBox]

بسم الله وكفى.. وسلامه على اللذين اصطفى..

انا هنا مش بصدد ادافع عن اشغال... بالعكس.. اشغال تتحمل الجزء الاكبر في التقصير
ولكن

شبابنا الله يهديهم..

يعني يعرف ان الشارع تحت الانشاء..

يا اخي مافيها شي لو سرعت 40 .. لين يتعدل الشارع.. ويصير سيده..

لين متى والناس مابتعتبر من السرعه..

السرعه هي السبب الاول.. وطبعا كل شي قضاء وقدر..

السرعه ثم السرعه ثم السرعه.. هي السبب الاساسي.. ومن ثم الانشغال بغير الطريق..

انا عملت احصائيه في نفسي.. عن عدد حوادثي.. والحمد لله اغلبها بسيطه.. لقيت ان 80 في لميه منها سرعه... والباقي عندم انتباه..

فيا شباب.. لاتخلون اشغال شماعه .. صحيح مقصره في امور.. بس مش سبب رئيسي..


اخوي الشباب متهورين ، انا معاك

لكن الشارع يكون 3 خطوط فجاة يصير خط ونصف بقوة
ولو 10 سيارات ورا بعض
افرض واحد منهم اللي تخربط
بيدمر الباقيين اللي وراه
حتى لو ماكانوا مسرعين

مااعفي الشباب وغيرهم من المسؤولية
لكن الحمل الاكبر على اشغال

كل العالم يصكرو الشوارع
بس في تنبيهات محترمة واضواء تبط العين قبلها واشارات وبلاوي
لكن وين هذا الكلام في مشاريع اشغال

ولاتنسى هذا الخط يستعمله الداخلين للبلد من الخليج
وشعرفهم عن بلاوي بلادنا
وفجاة تلاقي الموتر الكويتي الا طاب في حفرة
وهذا حصلت امامي من فترة
وماكان مسرع
من كثر ظلمة الشارع
توقع ان اللفة بتكمل معاه يسار
الا فجاة تعدلت اللفة وصارت سيده وهو كمل يسار على الحفرة
وهذا انا وهذي بلادي وشايف الخط كنت بطيح فيها
فمابالك بالكويتي والسعودي وغيرهم

[ANONYMOUS]

اخوي الشباب متهورين ، انا معاك

لكن الشارع يكون 3 خطوط فجاة يصير خط ونصف بقوة
ولو 10 سيارات ورا بعض
افرض واحد منهم اللي تخربط
بيدمر الباقيين اللي وراه
حتى لو ماكانوا مسرعين

مااعفي الشباب وغيرهم من المسؤولية
لكن الحمل الاكبر على اشغال

كل العالم يصكرو الشوارع
بس في تنبيهات محترمة واضواء تبط العين قبلها واشارات وبلاوي
لكن وين هذا الكلام في مشاريع اشغال

ولاتنسى هذا الخط يستعمله الداخلين للبلد من الخليج
وشعرفهم عن بلاوي بلادنا
وفجاة تلاقي الموتر الكويتي الا طاب في حفرة
وهذا حصلت امامي من فترة
وماكان مسرع
من كثر ظلمة الشارع
توقع ان اللفة بتكمل معاه يسار
الا فجاة تعدلت اللفة وصارت سيده وهو كمل يسار على الحفرة
وهذا انا وهذي بلادي وشايف الخط كنت بطيح فيها
فمابالك بالكويتي والسعودي وغيرهم



زين ارفعوا قضايا على اشغال..:con2:

واللي له حق بياخذه :dance

بس شوي شوي ياشباب.. السرعه مصيبه..

[Rayyan]

هي جات بس على شارع سلوى
حتى الشوارع الداخلية
كلها شغل حي الله وكلها حفر ومن غير فعل فاعل ليس الا من رداءتها
ولا بالله شارع اربع مسارات يتحفر ومن النص بعد
ماشافو طريق ( الجافوره ) سلوى الهفوف
شارع واحد ذهاب واياب
( ولتوضيح حتى لاتحسب عليهم السبب شارع واحد هوا لتجهيز المسار الجديد ).
ضغط عليه
وكل انواع السيارات من خاصة وشاحنات نقل تمر عليه
ماشفت حفرة على الطريق
ليش يعني ؟؟؟؟؟
يجوز الارض الرملية هناك لعمل الطرق اسهل من الارض اليابسة هنا .
لا وشغلة ثانية خاطري اعرف ليش الشارع من يجهز
ماتمر عليه سنه أو بالكثير سنتين الا وهو صاير املح ولونه ولون الحصا واحد
خافو الله يا مسئولين هاذي بلدكم وين غيرتكم
الزائر للبلد والانسان العادي عندما ينظر تفسيره ؟؟؟؟
اما اهمال وعدم اكتراث
او عدم وجود كفائات
وعيب والله

[خبير أقتصادي]

وهل الجمال اغلى من الإنسان ؟:looking:

للأسف الشديد عند أشغال أغلى

أنا شخصيا المفروض أكون راقد في أبوهامور من سبة هالشوارع و الشرطي يقولي ( والله مستغربين شلون طلعت حي من هالدعمة ) و الحادث كان بالصناعية الساعة 6 مساءا و أنت تدري في الصناعية لا شوارع ولا إنارة :anger1:

هدوا الشوارع المهمة بالبلد و راحوا يحفرون حق البعارين :funny:

[الزاجل]

للأسف الشديد عند أشغال أغلى

أنا شخصيا المفروض أكون راقد في أبوهامور من سبة هالشوارع و الشرطي يقولي ( والله مستغربين شلون طلعت حي من هالدعمة ) و الحادث كان بالصناعية الساعة 6 مساءا و أنت تدري في الصناعية لا شوارع ولا إنارة :anger1:

هدوا الشوارع المهمة بالبلد و راحوا يحفرون حق البعارين :funny:
:funny: :funny: :funny:

[ALRAYYAN]

الله المستعان بس ياخوي