الفزعــــــه ياجماعة الخيــــــــر

[بدوي]

ياجماعة الخير .. اللي عنده خبره

يفيدني

انا عندي 1670 سهم في المصرف وكنت شاري 1452 بسعر 339

وبعدين شريت 218 بسعر 333 يعني الناتج 1670 سهم

المشكله اني بعتهم بسعر 346.5 كلهم 00 وبعدها ارتفع الى 352.5

وسألت (مصري) يشتغل عند واحد من الربع وشغلته بس في البورصه

المهم : نصحني إني أعوض قالي : إشتر 1000 سهم في التخصصي و 1000 سهم في النقل

شريت التخصصي على 113.9 وشريت النقل على 106.9

000000000000000000000000000

اللي ابيه الحين ابي ارجع واشتري في المصرف لأني متحسف اني بعت كل اسهمي فيه

مع العلم انه ارتفع .. واغلق على 352.5

وهل يمكن اني اعوض عن طريق التخصصي والنقل

ياليت من اللي عندهم خبره يفيدوني


أنتظر ردودكم بفارغ الصبر

[ابوعلي اليافعي]

اخوي بدوي..
بيعت المصرف جائت فالوقت الخاطء خاصه وانت تلاحظ ان السهم يرتفع وترتفع معه كميات التداول وعاود التجميع مره اخرى...
بالنسبه للنقل اتوقع ان السهم يحتاج الى وقت لانطلاقه جديده خاصه ان كميات التداول عليه باسعار اقل من ال100كانت كبيره واستمرت لفتره طويله ومعنى هذا اننا سنشاهد تصريف لجني الارباح خلال الفتره الحاليه والمنظوره..

بالنسبه للتخصصي فاتوقع صعود للسهم خلال الايام القادمه وربما حتى منتصف الاسبوع القادم وقبل الاستحقاق بيومين ولا تنسى ان نهاية تداول الخميس بعد القادم 11/8هو تاريخ الاستحقاق للاسهم المكتتب بها..

النصيحه..ان حققت ربح بسيط فالشركتين لاتتردد فالبيع وعاود الشراء فالمصرف وجعله سهم استثمار..

[بدوي]

ابوعلي اليافعي


شاكر لك حضورك الكريم


يعطيك العافيه اخوي .. ورأيك كان يهمني جدآ


بس في ظنك .. هل المصرف بينزل مره ثانيه خلال الايام الجايه ، ومتى أشتري ؟؟

[qatarilover]

الأخ بدوي.. أن بعت المصرف على 295 بعد ماشريته على 235. وصار لي نفس موقفك وارتفع المصرف الى 340. بس ما شريته لأني ما حبيت اني ألحق السهم وهو في حالة ارتفاع. القاعده تقول اشتر برخيص وبيع بالغالي.
الآن لو كنت مكانك أبحث عن الأسهم القوية اللتي ثبت سعرها في الفتره الأخيره ولم تنطلق حتى الآن مثل الصناعات والعقارية.

[بدوي]

qatarilover

شاكر لك مرورك وحضورك الكريم


بس ياخوي فيه مجال الحق عليه قبل لايطير وآتحسف


والصناعات الحمد لله سباحنه وتعالى أولآ وأخيرآ


عندي 3000 سهم من أيام الأكتتاب


بس ياخوي المصرف ضاااااارب في الراس وفي نفس الوقت مابي أشتريه بخساره

[مساهمة بسFresh]

انا ابي اعرف شي واحد

ليش مارديت تشتري في المصرف مرة ثانية؟؟؟؟؟ وشريت في شركات ثانية؟؟؟؟

وبعدين انت ماسالت المصري وشحكمته من الموضوع؟؟؟

انا مااقول هالكلام انك خسران لاسمح الله , بالعكس الشركتين اللي قال لك عنهم لهم مستقبل حلو ان شا الله بس ياريت لو تسال قبل لاتتخذ اي خطوة

وبالتوفيق

[qatarilover]

اخوي في طريقه انك تشتري بنصف المبلغ في المصرف وتنتظر...فاذا ارتفع السعر خلاص. أما اذا نزل سعر المصرف فتشتري بالنصف الآخر من المبلغ حتى تعدل المتوسط.
لنفترض انك شريت بكره بنصف المبلغ على 355 ونزل السهم الى 345 ثم اشتريت. يصبح متوسط الشراء 350. انا في رأيي المتواضع أن هذه الطريقه تقلل المخاطر.
وبما أنك تقول أن المصرف ضرب في راسك ولازم تشتريه..أحب أقولك لا تقع في غرام أي سهم مهما كان. هذا حسب كلام كبار المستثمرين. والى اللقاء