الاستهتار بقوانين المرور إلى متى ؟

[N7eEeS]

مساكم الله بالخير .
الدوحه زحمه مابعدها زحمه مادري وش اللي صاير احس من كثر الزحمه شرطة المرور مو قادره اطبق القانون او بالاحرى مو قادره تلحق ماشوف الا لخويا المرور مادري وينهم ؟؟
امثله على ذلك:
حزام الامان ماشوف الا الاجانب يلبسونه وهل القطر غالبيتهم خايفين على ثيابهم اتكسر وعلى البرستيج!!
التحدث بالهاتف بدون سماعة هاتف وين التطبيق ؟؟
وضع اطفال اقل من 10 سنوات في المقعد الامامي وين التطبيق ؟؟
التجاوز من اليمين يوميا والله من كم يوم بغى يصير لي حادث لولا الله ستر بسبة شباب مستهترين متسابقين !!
قطع الاشارة الحمراء حدث ولا حرج بشكل يومي حتى الللي يسوقون باصات قاموا يقطعون الاشاره استهتار في ارواح الناس علشان دقيقه او دقيقتين والله ان الاشاره تفتح لي خضراء واتلفت يمين ويسار قبل لا اطلع اخاف احد يقطعها !!
متى بيصير عندنا احساس بالمسؤلية ؟
شرايكم بتشديد العقوبات ؟

[أمة الله]

من أمن العقوبة أساء الأدب

لو القوانين بالفعل تتطبق ما كان في حد سوا هالشي...... لابد من تشديد الرقابه وبالذات أوقات الذروه....بصراحه لاعت جبودنا من التجاوزات والمشكله ان حتى الأجانب اللي هم يا بلفيت راعين قوانين قاموا يخالفون!

صبرٌ جميل واللـــــــه المستعان

[GPC]

تشديد العقوبات ليس هو الحل
الحل في رأيي يكون يالآتي:
1- سرعة اتمام إصلاح الطرق حتى تعود السيوله المروريه من جديد ولا يكون هناك داعي للتجاوزات.
2- تكثيف دوريات المرور في مناطق الزحمه وخاصة وقت الذروه وعدم التهاون مع المتجاوزين.
3- في حالة الحوادث الخفيفه التي لا ينتج عنها إصابات بشريه أو وفيات لا قدر الله فلا داعي للوقوف مكان الحادث انتظاراً للشرطه بل يمكن أن يتوجه الطرفان إلى أقرب مركز مرور وتحرير التقرير هناك وذلك تجنباً للزحام الذي بنتج عن الوقوف انتظاراً للشرطه التي لا تأتي إلا بعد ساعه أو ساعتين وقد لا تأتي أبداً.
4- التشديد على السائقين الهنود بعدم البرود وعدم السواقه ببطء عندما تصير الاشاره خضراء وكأنه لا يصدق أن الاشاره فتحت.

هذه بعض الحلول من وجهة نظري والتي وردت على خاطري بمجرد قراءتي للموضوع والشكر موصول لصاحب الموضوع

[ww1000000]

متى بيصير عندنا احساس بالمسؤلية ؟


بيكون لنا أحساس في المسؤولية لين الشركات الخاصة في بناء الشوارع والبنية التحتية يكفوا سرقة ويشتغلوا بضمير هذا أول شي

حاسبوا الشركات أولاً بعدين .....crazy
حاسبوا الناس وبعدين ...:con2:
حاسبوا رجل المرور .:looking:

[ســـهم]

انا خلال هذا الشهر معطيني اربع مخالفات

حزام أمان 1

ورادار 2

والانشغال عن الطريق 1

كل شوي واصلتني رساله من مطراش :confused:


وين غافلين يمكن مأدين دورهم علي انا بس :court:

[أمة الله]

4- التشديد على السائقين الهنود بعدم البرود وعدم السواقه ببطء عندما تصير الاشاره خضراء وكأنه لا يصدق أن الاشاره فتحت.


:funny: :funny: :funny:

شر البلية ما يضحك

[بوخالد2]

صح اخووى نحيس يس تدري ليش

السبب الشوارع كلها مسكره لحق ماتلحق اذا افتحت الاشاره

الحين اذا عندي شغل والله اطلع قبلها بساعه علشان اوصل للغرض الى ابيه ؟؟؟ كل مكان مسكر مثل ماقالوا الاخوان تفتح الاشاره وتحصل الهنود وغيرهم من الجاليات يتمشى على سعه ماعنده شغل على راحه والناس مستعيله :anger2:

اظن الاوضاع راح تتعدل اذا خلصت الشوارع والجسور واخاف اذا خلصوا يردون يرقعون في الشوارع :deal:

[meandme]

يا أخي فعلا المشكلة الأكبر أصبحت في قطع المستهترين للإشارة الحمراء....والله لو ما أطالع قبل لا أمشي جان الحين أنا في عداد الأموات ...صارت معاي 3 أو 4 مرات في خلاي شهرين...لولا إني أوقف شوي ألاقي واحد طاير على سرعة مليون ....مادري شالحل...الفلوس ماعادت توقف الناس عند حدها..أنا أقول مافي غير الحبس ...

[ROSE]

الزحمه

الزحمه تلعب دور في اعصاب السائقين

الشوارع المتكسره

والله الواحد صار ماوده يطلع من البيت الا للضروره

فوق الزحمه والشوارع تشوف ناس لافين عليك ومخالفات بالهبل

لا اخلاق ولا ذوق


اشكرك اخوي

[التيما]

لازم يكون في توعيه وحمله مروريه توعويه كبييييييييييييييييييييييره وعلى مستوى واسع الفلوس والمخالفات تكون على هوى الشرطي مو هي الحل الحل كل واحد يحط نفسه شرطي ويحترم الطريق

[خالد32]

لازم يطبقون نظام النقاط على الرخص
انا اشوف الكل مستهتر بالمخالفات و كنها ولا شي
و شركات التامين لازم تشدد شوي و تسوي ملف موحد بينهم لكل سايق مش للسياره يعني اذا السايق راعي حوادث ترفع عليه السعر وقتها المستهتر بيخاف و بيتادب
و النقاط لين خلصت سجن و دور حد يخالف ذاك الوقت

[Breakaway]

إذا حبيت تشوف تقدم مجتمع وتحضره انظر كيف يسوقون سياراتهم وكيف يتعاملون مع بعضهم البعض،

بصراحة سائقينا وبما فيهم الغير قطريين من جنسيات أخرى يسيؤون لسمعة مجتمعنا.

[PoBox]

مع احترامي لاخواننا في السعودية
لكن اشوف الآن سواقة القطريين صارت قريبة من سواقة السعوديين في السعودية


اذكر مرة كنت في الاحساء
واشوف سعودي الاشارة حمرة عنده
لكنه واقف جدام الاشارة (يعني لو صارت خضرة ماراح يدري )
هرنتله لقافة ابي اعرف ليش هالاسلوب
قتله ليش ماوقفت ورا الخط لو صارت خضرة ماراح تعرف

قالي إلا راح اعرف
لو صارت خضرة
اللي وراي راح يدق البوري ( الهرن) خخخخخخخخ :D
حب للازعاح ماله داعي لكن هذي ثقافة من بعض الناس سواء قطر او السعودية

والدوحة صارت نفس الشي

والصراحة مانقدر نحط كل اللوم على الناس
فاللي سوته اشغال ماصار ولا استوى من اغلاق جميع الشوارع مرة وحده
دون تحويلات محترمة
والمشكلة لو تميت مؤدب في سيارتك ماراح تتحرك:eek3:
تقول خلني انا مواظب والناس ان شاء الله تواظب

لكن الكل يدخل عليك من اليمين وانت واقف واقف واقف تتقدم كالسلحفاة:eek3:
والاردى لو تلز في اللي قدامك عشان محد يدخل يعصب عليك اللي يبي يدعس روحه
وكانك انت الغلطان مب هو :court: :court:

الزحمة ترا تسوي هوايل
وتضطر تروح يمين او تضرب رصيف او تعدي اشارة صفرة ( مب حمرة )

العتب الصراحة على اشغال وقسم التخطيط في المرور اللي يسوون التحويلات

بما ان الدوحة مكسرة من كل مكان
فلازم كل الشوارع يسوون فيها تكويعات
مثلا
اشارة معينة
معروف ان الطابور عليها طوله 500 متر

ليش قبل ال500 مايسوون تكويعة بكسر الرصيف الايسر
مب كل اللي رايحين الاشارة يبون يمين ويسار وسيده
بعضهم راجعين
فليش يزيدون الزحمة
ممكن تكون التكويعة محترمة وماتجيب حوادث (مصكرة من اليمين )
مثل اللي سواها قبل اشارات مطار الدوحة الدولي

صحيح احنا نقول
لو انا رميت بيبسي في الشارع ماراح ياثر وايد
لكن لو شفنا 100 واحد رموا البيبسي بيصير الشارع فلم اكشن

لكن للاسف مانقدر نطبق هالقاعدة في الزحمة
ما اقدر اقول انا بحترم القواعد (( نعم احترم الحزام وتقعيد الاطفال والجوال وغيره مما يخصني وحدي ))
اما مايتشارك فيه معي الغير
لازم (( في حالتنا الآن ))
نطبق قانون الغابة:) (( ولو مؤقتا ))
والقوي ياكل الضعيف ولا عمرك ماراح تعدي

للاسف جربت اكون مسالم
لكن حقك ماكول (( لا ويعصبون عليك بعد )):anger2:
فوق الشين قوة عين بعد


اسمحلي شطحت بموضوعك اخوي نحيس
بالنسبة لتشديد العقوبات اعتقد شيئ ضروري لكن لو يتطبق
اما تقولي عقوبة 10 آلاف ريال للي يرمي شي في الشارع وكل شرطي يراف بحال الناس( والحمد لله انهم بشر )
ومايطبقها ، هذا مب كلام

خفض المخالفة الى 2000 مثلا
لكن طبقها على الكل
ونشوف الناس تخالف ولا لا
بيخالف مرة وبيدفع 2000 وبيخالف عقب اسبوع وبيدفع 2000
ولما يشوف راتبه خلص
بيعرف ان الله حق ، ويوقف مخالفات

واقترح تنزيل الجيش لضبط المسالة لو ماوفوا الشرطة ولخويا
لان الصراحة مب حالة لازم الكل ينتظم
اما شوي ينتظمون وحقهم يروح فلا والف لا
وتحياتي

[N7eEeS]

شكرا لك من مر وعلق وشاهد :)
PoBoxing
اما لحسا قصتها قصه مالها مثيل ولا لها شبيه :)

[الطرف الأغر]

:eek3: :eek3: :eek3:

كلهم في صوب أخوي نحيس و الشــــــــــــاحنات في صوب :eek3: أخاف منهم وانا اسوق تقول بشلوني شيل من سيارتي بيطيروني

سرعه وتهور و تصرفات في منتهى اللا مبالاة


شكرا عالموضوع أخوي

[حنان الدنيا]

احلى شى مخالفه القوانين


:dance كنت التزم بس ماصار ينفع بس الحين صرت اخالف بعض القوانين :dance

[ونه الم]

في هالزحمه الى قاعدين نشوفها ماعتقد انه في حد يلتزم في قوانينهم

[غزلان]

المهم يشوفون حل للحوادث كل يوم لازم نصبح على حادث

ويصلحون الحفر الى كسرتنا وكسرت سياييرنا

[حسن بن علي]

مع التشديد