أبيع ولا ما أبيع !!!

[غلا]

عندي :
المستشفى التخصصي = 200 سهم
قطر للوقود = 200 سهم
المواشي = 200 سهم
المخازن = 16 سهم



أفكر أبيعهم وأحط فلوسهم على الفلوس المرتجعة من ناقلات وأشتري 500 سهم في الصناعات
وش تنصحوني به ( أبيع ولا ما أبيع )

:confused:






شكرا لكم مقدما

[ام طلال]

غلا

انا شرايه
ابغي اسهم المواشي

[بيـــزات]

والله انا نصيحتي لج الغاليه
لا تبيعين..ولا تشترين الصناعات الحين لانى اشك ....

الحين اللي عندج احتفظي به واذا قدرتي تشترين زود اشتري

انا بصراحه ما احبذ التفريط في الوقت الحالي

وفي النهايه انتي احسبي احسابتج قبل كل شي وشوفي

انتي كم فايدتج الحين.. وكل بتطلعين به اذا خذتي الصناعات

ترى لازم الواحد يدرس الخطوه المقدم عليها قبل (( التفريط))

والراي لج اختي

[بــو فهــد]

السلام عليكم ..
انا بقولج وجهة نظري وانتي براحتج ..


المستشفى التخصصي = 200 سهم

بيعيهم .. أو اذا ما تبين تتحسرين عليهم اذا ارتفعو بيعي 100 وخلي الــ 100 الثانيه



قطر للوقود = 200 سهم



تحملي حتى تفكرين بالبيع خليهم ..




المواشي = 200 سهم
هالشركه مب ذاك الزود على راحتج ..


المخازن = 16 سهم
شتبيعين فيهم الله يهداج بكبرهم 16 ..
خليهم عسا يفيدونج ..

واخوي بيزات ..
لاتستهين بـ شركة صناعات قطر لانه مستقبلها كبير وايد ..

[mE mYself & i]

عندي :
المستشفى التخصصي = 200 سهم



لا تبيعينه :rolleyes:

[ابوعلي اليافعي]

الاخت غلا لا للبيع كل الاسهم الي ذكرتيها جيده وليست للبيع حاليا ..اذا تملكين مبلغ اخر اشتري فالصناعات والا خليج على اسهمج..الله يوفقج

[إنتعاش]

هلا فيج اختي غلا

ياريت اختي لو كتبتي تكلفة كل سهم عليج عشان يعرف الاخوان ملعومات اكثر


وبالنسبة للمخازن دامها كميه ما تذكر اشوف مالها داعي تبقى والله

التخصصي: 200 * 74.2 = 14840

وقود : 200* 127.6 = 25520

مواشي: 200 * 44.2 = 8840

مخازن : 16 * 53.8 = 860
------------------------------

مجموعهم اليوم : 50.000 ريال


اشوف اختي انا

التخصصي : في خبر انه بيزيد راس المال ومعرض انه يرتفع اكثر من الحين ويمكن يوصل 90 ريال

الوقود : بيترفع إلى اخر شهر 3

فيعني مادري

يا انج تخلين كل شي على ما هو عليه


او انج تبيعينهم كلهم

وتحطينهم كلهم في :

يا : 1- السلام

2- المخازن


والله يوفقج ان شاءالله

[جمال النعيمي]

السلام عليكم

EPS = وهو سعر السهم مقسوم على عائد السنوي دائماً يعطي مؤشر جيد لتنبؤات بمستقبل السهم على المدى القريب المتوسط .

اعتقد ان سلة الاسهم التي توجد لديك والتي ذكرت الاسهم فيها لابد يعادة صياغتها على الاقل كل اسبوع تداول وعلى ضوء النتيجة يمكن ابدء الرى

سؤال رقم

1- بدية تعامل في هذة المجموع من الاسهم التي لديك كانت تساوي ( سلة الاسهم ) مؤشر المادي = ؟
2- سؤالك عن ممكن ان ابيع واضع المجموع في الصناعات - اعتقد ان الصناعات ممكن ان تحقق ارتفاع بسيط في الايام القادمة ولكن حذاري من المنتظرين يوم الاحد لمتصاص النقد القادم من الاكتتاب وعلى ذلك ركزي النظر على سلة الاسهم لديك اذ كانت حققة ارباح تزيد عن 20% من القيمة بداية التعامل فيها لابد من جني ارباحها مهما كانت المقريات من الاشاعات التي تقال
3- ابتداي بانظر في الاسهم التي تم التراجع في سعرها بمقدار 5 الى 10 %
4- ابتدي بتسجيل الاسهم هذة التي حدث بها تراجع في سلة وهمية ولاحظي هل تحقق نتيجة جيدة
بعد ذلك ابتداي في اتخاذ قرار انشاء سلة لتعامل ( ابد لاتضعي كل ما لديك في مكان واحد )

وانا ارشح لكي
1- الدوحة للتامين السعر / العائد = سعرها 92.6 / عائد السنوي 1.2 = 77.16 يفترض ان سعر هذة الشركة = 77.16 ريال
A- دائماً استخدمي EPS / وهو سعر السهم مقسوم على عائد السنوي (الارباح الموزعة السنوية) لمعرفة السعر الحقيقي لشركة ....

هذة المعادلة دائماً تعطي مؤشر قوي لاتنسي ماقلت .

EPS =وهو سعر السهم مقسوم على عائد السنوي

وتمنى لكي التوفيق :cool:

[شرقاوي]

افضل البيع منتصف الاسبوع

والشراء مجددا بعد فتره قصيره

يصعب تحدديها بالضبط حاليا