السلام عليكم و رحمة الله و بركاته
أمس كنت في قطر للبترول
و أنا في المصعد ركبو معاي ثلاث شباب شكلهم قطريين ، مب كبار وايد في العمر ( يعني بداية العشرينات ). و ركبو معاهم اثنين أجانب .
المهم
طول ما هم في المصعد ( الثلاث شباب )يرطنون مع بعض بالإنجليزي . الصراحة حاولت أفهم و أستوعب ليش ما يتكلمون عربي مع بعض بس ما قدرت .
انتو تشوفون الوضع طبيعي .
التفسير الوحيد انه ما يبون غيرهم يفهم كلامهم ( أنا ). بس بعد تذكرت انه كان في اثنين أجانب و أغلب الظن يعرفون انجليزي .
على فكره أنا أعرف انجليزي و كلامهم كان عادي جدا . بنروح الإجتماع و بنكلم المهندس . يعني مافي شي سري أو خاص عشان يتكلمون انجليزي .
هل لهذه الدرجة فقدنا اعتزازنا بلغتنا ، نسولف مع بعض بالانجليزي و احنا عرب .
عجبي !!!!