سوفت وير بلاكبيري الجديد (مميزاته وكيفيه التنزيل) OS7 only
السلام عليكم ،، عساكم علقوه،
نزل السوفت وير الجديد للبلاكبيري OS7 رسميا،، كان السوفت وير نزل من يناير بس كانت نسخه مسربه وفيها عيوب،، هال الاصدار اهو الرسمي من شركه بلاكبيري
الاصدار 7.1 bundle
مميزات السوف وير الجديد:
1- فيه خاصيه "الهوت سبوت" mobile hotspot:
تقدر تخلي البلاكبيري حقك كأنه وايرلس،، الحين انا عندي ايفون مافيه خدمه انترنت، شغلت الهوت سبوت حق البلاكبيري وفتحت الوايرلس حق الايفون طلع لي هوت سبوت ، شبك وياه والحين اقدر اتصفح النت في الايفون ويسحب من بيانات البلاكبيري،، السرعه زينه وعمليه الربط فيها باسورد وحمايه،، تقدر تشبك ويا الاب توب او الاي باد،
2- يشبك 3جي و وايرلس اسرع من الاصدار الي قبله
3- لين تسوي بحث من الهوم بيج يسوي بحث بالنت اوتاماتيكي (كان قبل يسوي بحث بس داخل الجهاز) الحين يستعين بموقع Bing للبحث، (آلسرعه ممتازه حق البحث)، فمب لازم الحين تروح للمتصفح وتسوي بحث في جوجل تقدر تسوي بحث الحين من الهوم بيج !
4- الجي بي اس الخرائط صار ادق واقوى ! كان قبل يعطيني مكاني تقريبيا (1 كيلو) الحين جاب موقعي بالضبط كذا مره،،
5- طريقه ضبط المنبه صارت اسهل وعمليه اكثر وشكله احلى
6- تقدر تضيف وتمسح لغات (اللغات الي مالها لزمه نفس الفرنسي واسباني بسهوله) "تغير اللغه تحصل تحت مكتوب manage وتشيل العلامه من الي ما تبيه
7- احس انهم حلو مشكله البوصله انها كانت ما تشبك بسهوله،، الحين صار سهل
8- جميع البرامج تم تحديثها اوتوماتيكي (خايف من الاصدار الجديد حق المسنجر محد يمدحه، بشوفه لو ما عجبني اقدر ارد للاصدار القديم عن طريق برنامج desktop)
هذا الي قدرت اشيك عليه علسريع،، بشكل عام السوفت وير سرع التلفون وخلاه اكثر عمليه، خفت عندما سمعت خبر ان بلاكبيري بينزلون تلفون جديد شهر اكتوبر قلت اكيد بيهملون التلفونات الحاليه وسيصدرون تلفون خارق، الحين راض كل الرضى عن تلفوني وحتى لو نزلوا تلفون جديد ما بيكون فيه مميزات اضافيه كثيره (اصدار OS10)
كيفيه تنزيل السوفت وير الجديد:
1- تشبك التلفون مع الكمبيوتر يفتح لك برنامج الدسك توب اوتوماتيكي blackberry desktop software
2- تسوي نسخه احتياطيه "backup"
في موضوع مثبت اسمه "شلون تسوي (باك اب + فورمات + ريستور) للبلاكبيري "
يشرح لك طريقه الباك اب الي اهي اول خطوه
3- بعد الباك اب تشوف نجمه حمراء في برنامج الدسك توب مكتوب جنبها تحديث, تضغط عليها وينزل لك السوفت وير الجديد (يحتاج بين 30- 40 دقيقه للعمليه كامله)
" لما تضغط على تنزيل السوفت وير بيسألك تبي تسوي باك اب ولا لا، لو ما سويت خطوه رقم 2 قول له "نعم سوي باك اب" لو سويت خطوه رقم 2 فمب لازم،
4- لما ينزل السوفت وير الجديد تلفونك بيكون فاضي وجديد كليا،
5- سوي restore (طريقه الريستور من نفس الموضوع المثبت) بيرجع لك كل بيانات تلفونك من أ لل ي والسوفت وير بيكون الجديد،
6- انتهى
