فرصة اخرى لبلادي العزيزه (جبل علي)

السلام عليكم ورحمة الله

اظن اغلبكم الان يدري عن مشاكل جبل علي والغش والفضيحه اللي بدات بعلبة دخان والان كثير من اخواننا السعوديين اكتشفوا انه الغش يطال كثير من الاشياء الضروريه اللي يحتاجها الانسان بشكل يومي في حياته وادخلوا تويتر وراح تشفوفون انه الشاي والصابون والشامبو والادوية والادوات الكهربائيه وكثير كثير من الاشياء مضروبه وليست بالمواصفات اللي تستحق سعرها لدرجة انهم اكتشفوا انه حتى سيارات تويوتا ولكزس ونيسان وجمس وشفر وهونداي فيهم قطع غير اصليه مثل الطبلون والشاشات والانوار الاماميه والخلفيه والمناظر الجانبيه والدواسات وغيره اشياء كثيره طلعت تركيب جبل علي وتباع في الوكالات على انها جديده مما جعل وارد الامارات ووارد البريمي رخيص لانه الوكيل هناك يبيع السياره نصها قطع غير اصليه !!!


عموما اتمنى الان مسؤولينا في الدولة ياخذون هالفرصه ويتم تطوير منطقه تنافس جبل علي لكن بشروط رقابية ومعايير افضل بشرط انه يكون التعاقد مع اليابان وكوريا والصين وامريكا بانهم يفتحون مصانعهم هنا في قطر وبنفس الجوده والرقابه اللي موجوده في دولهم الام مع توقير جو استثمار يجذبهم لقطر ويكون ايضا من ظمن الشروط يكون نسبة تقطير محدده ليستفيد منها اهل قطر بعد


وياليت تكون هالمنطقه محصوره فقط على الدول المذكوره فوق مب فاضين حق شغل هنود وباكستانيين وبنقال لانه للاسف هذولي يسحب منك ويعطيك اردى شي عكس الدول المتحضره والمتقدمه اللي تحترم نفسها

اقتباس:

---

المشاركة الأصلية كتبت بواسطة Jspec

بشرط انه يكون التعاقد مع اليابان وكوريا والصين وامريكا [/U]بانهم يفتحون مصانعهم هنا في قطر وبنفس الجوده والرقابه اللي موجوده في دولهم الام مع توقير جو استثمار يجذبهم لقطر [U]

---

لي تحفظ على هالجملة
مش ناقصين تلوث ..
حبذا لو تم التركيز على الصناعات التي لا تسبب التلوث و مدخولها و تاثيرها كبيىر.. مثل الصناعات الاعلامية (خصوصا الوثائقية منها) و الصناعات التي تقوم على تكنولوجيا المعلومات الخ

اقتباس:

---

المشاركة الأصلية كتبت بواسطة مواقف النجادة

لي تحفظ على هالجملة
مش ناقصين تلوث ..
حبذا لو تم التركيز على الصناعات التي لا تسبب التلوث و مدخولها و تاثيرها كبيىر.. مثل الصناعات الاعلامية (خصوصا الوثائقية منها) و الصناعات التي تقوم على تكنولوجيا المعلومات الخ

---

صحيح افتتاح المصانع وحتى الورش الصغيرة مؤذي للبيئة ولساكني هذه الأرض وصراحة دوشة ووجع راس

تكلمت قبل في هذا الموضوع مع أخ لي وهو سفير سابق وداوم في عدة دول منها أمريكا .. وذكرت بأن انتاج بعض موديلات التيوتا حصري فقط لأمريكا ويجيبون منه شوي هنا مثل الأفلون والسكويا وميني فان راقية نسيت اسمها وهي أوسع بوايد من البريفيا وأجمل .. المرسدس كذلك والهوندا وكثير سيارات صعب حصرها

السوق الأمريكي كبير 350 مليون + كندا ودول أمريكا اللاتينية العدد يتضاعف أكثر وأكثر وحتى بعض هذي السيارات توصلنا

كان رد السفير بأن هذي دول الاستثمار فيها مضمون والعمالة متوفرة وماهرة وبسهولة تتعلم .. عندنا الوضع صعب في كل شيء واحنا قلة ومتفرقين

الجيد إن حكومتنا تسعى لتصنيع سيارة كهربية ولا شفنا عنها شيء غير في الأخبار العنكبوتية .. وصراحة اشوفها مغامرة لو تمت على نطاق كبير ومعقولة لو اكتفوا بانتاج محدود وبجودة عالية وسعر معقول .. هذي المعادلة صعبة حتى الفراري ولها ناسها ما تقدر تتعايش معاها ودخلت في ديون ومشاكل كثيرة .. والرولز كلنا عرفنا من استولى على شراء ديونه ومشاكله الاقتصادية وطوره وهو تقريباً من أوائل السيارات في العالم

في النهاية وكالاتنا هي الأفضل بين وكالات الخليج وتهتم بالجودة الا قليل منها مثل الفورد والبيجو

اقتباس:

---

المشاركة الأصلية كتبت بواسطة Jspec

السلام عليكم ورحمة الله

اظن اغلبكم الان يدري عن مشاكل جبل علي والغش والفضيحه اللي بدات بعلبة دخان والان كثير من اخواننا السعوديين اكتشفوا انه الغش يطال كثير من الاشياء الضروريه اللي يحتاجها الانسان بشكل يومي في حياته وادخلوا تويتر وراح تشفوفون انه الشاي والصابون والشامبو والادوية والادوات الكهربائيه وكثير كثير من الاشياء مضروبه وليست بالمواصفات اللي تستحق سعرها لدرجة انهم اكتشفوا انه حتى سيارات تويوتا ولكزس ونيسان وجمس وشفر وهونداي فيهم قطع غير اصليه مثل الطبلون والشاشات والانوار الاماميه والخلفيه والمناظر الجانبيه والدواسات وغيره اشياء كثيره طلعت تركيب جبل علي وتباع في الوكالات على انها جديده مما جعل وارد الامارات ووارد البريمي رخيص لانه الوكيل هناك يبيع السياره نصها قطع غير اصليه !!!


عموما اتمنى الان مسؤولينا في الدولة ياخذون هالفرصه ويتم تطوير منطقه تنافس جبل علي لكن بشروط رقابية ومعايير افضل بشرط انه يكون التعاقد مع اليابان وكوريا والصين وامريكا بانهم يفتحون مصانعهم هنا في قطر وبنفس الجوده والرقابه اللي موجوده في دولهم الام مع توقير جو استثمار يجذبهم لقطر ويكون ايضا من ظمن الشروط يكون نسبة تقطير محدده ليستفيد منها اهل قطر بعد


وياليت تكون هالمنطقه محصوره فقط على الدول المذكوره فوق مب فاضين حق شغل هنود وباكستانيين وبنقال لانه للاسف هذولي يسحب منك ويعطيك اردى شي عكس الدول المتحضره والمتقدمه اللي تحترم نفسها

---

كفيت ووفيت

لكن الصين انا مش معك لان معظم البضائع الصينية مضروبة ومغشوشة ورخيصة والصين اهم شيء عندها هو البيع بأي سعر ولا يهمها صحة الإنسان او جودة البضاعة .

التركيز على الدول التي يهمها في المقام الاول صحة الانسان وجودة المنتج والسمعة الدولية في الأسواق الدولية

كا الاتحاد الأوربي ، الولايات المتحدة ، كندا ، اليابان ، استراليا

دول تستحق الثقة والتعاون معها وإنشاء تحالفات وشراكات اقتصادية معها.

مساكم بالخير

ما اعتقد ان مشكله التلوث بالحجم الي تتصورونه

الان التكنولوجيا تطورت و قلت نسب التلوث من المصانع بشكل كبير

و لنا الافضليه في فتح مصانع جديده بنسب تلوث قليله في مقابل تعديل مصانع موجوده لخفض تلوثها كباقي الدول

ميزه ثانيه ان اي مصنع بيفتح سيتحمل شروط البيئه عندنا وهي نسب تلوث محدده لكل رخصه مصنع

الي قليل يعرفونه ان تلوث الكربون له بورصه عالميه لبيع نقاط الكربون. كاربون كريديت

يعني عندك مصنع ينتج مليون طن كربون تقدر تشتري نقاط من بورصه الكربون نمعدل نص مليون طن و يصير ناتج مصنعك نص مليون بدل المليون

لو مصنع في اوروبا مرخص انه ينتج مليون طن كربون وهو خفض انتاجه بأمكانه ان يحسب نسبه الخفض و يبيعها لمصنع ثاني يرغب برفع انتاجه و ترتفع انبعاثاته الكربونيه فياخذ النقاط و يحسبونه بأنبعاثات اقل

هالشي صار عندنا بقطر

مشاريع الملاعب تضمنت صفر انبعاثات كربونيه للفوز بالبطوله و طبعا مستحيل صفر فيشترون كردت الكربون من البورصه و يصفرون انبعاثاتهم

هذا الي نعرفه من اخبار مشاريع الملاعب

معلومه حبيت الكل يعرفها عن المصانع و التلوث :)

اقتباس:

---

المشاركة الأصلية كتبت بواسطة Jspec

لدرجة انهم اكتشفوا انه حتى سيارات تويوتا ولكزس ونيسان وجمس وشفر وهونداي فيهم قطع غير اصليه مثل الطبلون والشاشات والانوار الاماميه والخلفيه والمناظر الجانبيه والدواسات وغيره اشياء كثيره طلعت تركيب جبل علي وتباع في الوكالات على انها جديده مما جعل وارد الامارات ووارد البريمي رخيص لانه الوكيل هناك يبيع السياره نصها قطع غير اصليه !!!

---

صراحة انا مستغرب من هذه الجمله لانه موضوع الغش في السيارات القادمة من جبل علي قديمة من كم سنة و احنا نشوف فيديوهات لاحضار سيارات ستاندرد و يقومون يركبون عليها كل الكماليات لتبدو مواصفاتها اعلى ... هالشي شوفته في سنة 2015 تحديدا و لهالسبب كنت متخوف من وارد الامارات اللي يجيبه النخبه و غيره مع انه كان وقتها عارض سيارات باجيرو فل اوبشن وارد الامارات بسعر خرافي و خفت منها و ما قبلت

اما وكيل التويوتا بالسعوديه فانتشرت بعد سالفة الجناح الخلفي على الكروزر اللي تم تركيبه بعد وضع اللاصق على السيارات اللي يحدد تاريخ تصنيع السياره في أي شهر بالزبط و أي سنة. يعني الجناح مغطي علامة الشهر و هالشي يؤكد تركيب الجناح بعد وضع اللاصق وتحديد شهر التصنيع و خروج السيارة من المصنع

اقتباس:

---

المشاركة الأصلية كتبت بواسطة معماري قطري

صحيح افتتاح المصانع وحتى الورش الصغيرة مؤذي للبيئة ولساكني هذه الأرض وصراحة دوشة ووجع راس

تكلمت قبل في هذا الموضوع مع أخ لي وهو سفير سابق وداوم في عدة دول منها أمريكا .. وذكرت بأن انتاج بعض موديلات التيوتا حصري فقط لأمريكا ويجيبون منه شوي هنا مثل الأفلون والسكويا وميني فان راقية نسيت اسمها وهي أوسع بوايد من البريفيا وأجمل .. المرسدس كذلك والهوندا وكثير سيارات صعب حصرها

السوق الأمريكي كبير 350 مليون + كندا ودول أمريكا اللاتينية العدد يتضاعف أكثر وأكثر وحتى بعض هذي السيارات توصلنا

كان رد السفير بأن هذي دول الاستثمار فيها مضمون والعمالة متوفرة وماهرة وبسهولة تتعلم .. عندنا الوضع صعب في كل شيء واحنا قلة ومتفرقين

الجيد إن حكومتنا تسعى لتصنيع سيارة كهربية ولا شفنا عنها شيء غير في الأخبار العنكبوتية .. وصراحة اشوفها مغامرة لو تمت على نطاق كبير ومعقولة لو اكتفوا بانتاج محدود وبجودة عالية وسعر معقول .. هذي المعادلة صعبة حتى الفراري ولها ناسها ما تقدر تتعايش معاها ودخلت في ديون ومشاكل كثيرة .. والرولز كلنا عرفنا من استولى على شراء ديونه ومشاكله الاقتصادية وطوره وهو تقريباً من أوائل السيارات في العالم

في النهاية وكالاتنا هي الأفضل بين وكالات الخليج وتهتم بالجودة الا قليل منها مثل الفورد والبيجو

---

كانت مجرد فقاعة
والشركة صرفت النظر عن الموضوع

اقتباس:

---

المشاركة الأصلية كتبت بواسطة جاسم الدوحة

كانت مجرد فقاعة
والشركة صرفت النظر عن الموضوع

---

نفس مستشفى وج ثاني التايلندي حطوا عليه عراقيل ويبونه تجاري وبعد ما أعلنوا إنهم بيسوون فرع في قطر إدارة المستشفى بروحها انسحبت بسبب عراقيل الاستثمار والشروط التعقيدية