عرض للطباعة
السلام عليكم ورحمة الله وبركاته
اخواني وخواتي
بغيت اعرف في المقابلة مع اللجنة الطبية ايش اسألتهم للمريض ؟؟؟ انا للحين ماقابلتهم واول مرة هل الامور سهلة ولا ؟؟؟؟ علما باني قدمت التقرير الطبي لجهة عملي وهم خاطبو اللجنة وانا بنتظار الموعد مع اللجنة والله كريم ......
خلال مقابلتي قاعد دكتور قطري وشلة دكاتره محلفين يمين ويسار الطاولة وانا مقابل الرئيس في الطرف .. زين كنت شوي مفتح واسمع سكرتير اللجنة يقرأ ويقول زس بيشنت هاز فيرلي كونترولد دايبيتس .. طبعاً إنجليزي على مصري وبالسريع .. قمت قاطعته بصوت عالي وقلت شنهو فيرلي كونترولد دايابيتس وعلى الريق 350 .. خربطت اجتماعهم وبغيت اسوي هوشة والرئيس بقق عيونه وسئلني كم سؤال وقال خلاص روح وتم يتلاغى معاهم وبعدين تمت الموافقة والحمد لله .. كانت تقاريري كثيرة .. عظام وجلدية وحصلت منهم إنصاف أكثر من السكر
انا اخبر في السابق يخيرون المريض تبغي نص دوام والا على التقاعد هذا اولا وثانيا على حسب أعضاء اللجنة فطبعا لازم كل فترة يتغيرون.
طبعا اولا يقرون التقرير ويسألونك عن مشكلتك او المرض الي معك وهي أسئلة عادية.
والي
طالع عن طريق لجنه طبيه يقصون من كل سنه 2% ولا لا ؟؟؟؟
الي يخدم 15 وعمره 40 يطلع بستقاله تقاعديه وع كل سنه لين 60 يقصون 2% من غير لجنه ولا شي صح ياجماعه ولا جد جديد ؟؟
يمشوف على تقرير اللي قدامهم اذا صالح للعمل او غير صالح للعمل
وانت من طرفك لازم تشرح لهم انك غير قادر على العمل
اشكركم اخواني على المعلومات
واللي عنده بعد تجارب معاهم يقول لنا ومنكم نستفيد:)
تسلم على المعلومات وجزاك الله خيراقتباس:
المشاركة الأصلية كتبت بواسطة aloosh
جزاك الله خيراقتباس:
المشاركة الأصلية كتبت بواسطة رجل الجزيرة
ابشركم لما راجعت اللجنة الطبية طلع ان حضرة الموارد البشرية عندنا ارسلو لهم كتاب للكشف على الموظف والنظر في تخفيف ساعات العمل !!!!!!!!
وانا اصلا مابي جذي
واتصل لهم مليون مرة محد يرد لاني مازلت مريض وفي اجازة وتعبان ولا حتى رئيس قسمهم يرد علي عشان يعدلون ويرجعون يعيدون مخاطبة اللجنة لطلب الكشف عشان اقدر للعمل او لا
والله العظيم مرااات ومرات ولا حد يرد حسبي الله هو نعم الوكيل شنو هاي جهة عمل او وكر عصابة
يعني انا لا اطر ولا شي وهذا الموضوع من حقي ولا باخذ من جيبهم شي
اللجنة الطبية قالت اذا احنا بنقابلك وبنرد على جهة العمل على اساس طلب جهة عملك تخفيف الساعات وماعندنا صلاحية نقول انك تقدر للعمل او لا لان هذا لازم جهة عملك يخاطبونا مرة ثانية بطلب كشف صالح للعمل اولا
والحل ؟؟؟؟؟