عرض للطباعة
اخواني واخواتي منتدى اسرتي واحبتي
السلام عليكم ورحمة الله وبركاتة
الموضوع
مسافر الى واشنطن محتاج نصيحتكم السياحية
1- المدن
2-الفنادق هل الافضل حجز الفنادق من قطر او من امريكا
3-الامكان السياحية
4-التنقل بين المدن
5- المدة شهر تقريبآ من شهر 8
6- التكلفة التقديرية
عدد الاسرة 2 + 3 اطفال = 5
ولكم جزيل الشكر
السلام عليكم
اذا كانت الرحله سياحيه فا اعتقد الفترة الي بتقعد فيها بواشنطن وايد
انصح انك تتنقل من ولايه لولايه خلال هالفتره ( واشنطن نييويورك معشوقتي بوسطن وتقدر تروح مدينه ملاهي سكس فلاقز وممكن تروح فوق لجهة نياغرا.
عموما التنقل بين واشنطن وبوسطن ونيويورك يكون بالقطار او طياره او سياره .
لا انصح باستخدام السياره في نيويورك وبوسطن .
اعتقد اسبوعين كافيه لواشنطن وبوسطن ونيويورك ونياغرا.
ممكن تستغل الفتره الباقيه في جهة اورلاندو وميامي
او لاس فيغاس ولوس انجلوس وسان دييغو وسان فرانسسكو
كافة الحجوزات يفضل من النت قبل لاتسافر واهم شي يكون معك كريدت كارد .
رحله موفقه
احسنت بارك الله فيكاقتباس:
المشاركة الأصلية كتبت بواسطة Rashid554
ياريت تذكر لي ابرز الاماكن السياحية في هذة الولايات وشكرآ
الله يوفقك واتوقعك سافرت هذا الوقت
أمريكا قارة كبيرة بين مدينة ومدينة ساعات وواشنتن بروحها مدينة ولا اذكر فيها أشياء ترفيه وايد قعدتي فيها 3 أيام بس وما حبيتها كثر مثلاً لوس أنجلوس أو ميامي أو اورلاندو
إذا قصدك ولاية واشنتن ذيك غير وفيها مدن كثيرة وولاية باردة وجميلة وتعتبر مصيف لأمريكا .. في الصيف حلوة وغالية بالنسبة للسكن وللسيارات أما الشتاء كيئبة والمطر ما يوقف وأوقات ثلج
أمريكا الحلو فيها السفر بالسيارة والنزول في المحطات اللي على الطريق .. تقدر تاخذ لك تيدر قلص للشناط لو حبيت أجار وزين تخلي خط سفرك واحد مثلاً الساحل الغربي تقدر تبدأ من سياتل أقصى الشمال الغربي وتسوق وانت نازل على تكوما حول ساعة ونص ومنها الى اوريغن واكبر مدينة فيها بورتلاند حول 4 ساعات وبعدين حاول تمر ساكرامنتو في شمال كاليفورنيا ومنها الى سان فرانسيسكو ومنها الى لوس أنجلوس ولو تحب بعد تكمل روح سان دييغو .. تقدر تتحرك شوي من الساحل جهة لاس فيغاس أو رينو لكن هذي مناطق برية وحارة
الخط الشمالي نيويورك ولو تعمل حسابك تاخذ فيزا لكندا بعد تطلع صوب كندا تشوف شلالات نياغرا من هناك أحلى بكثير .. المسافة من نيويورك للشلالات حول 7 ساعات بالسيارة بس الطرقات كلها متعة ومناظر وسواقتهم محترمة وفيه استراحات كثيرة .. ممكن لو حبيت توصل شيكاغو
من رايي شهر كفاية 3 مدن ويكونون قريبين أو مسافات متقاربة ما تزيد عن 3 ساعات بالطيارة
مرة رحنا ميامي ومنها الى تامبا وبعدين طيارة الى نيويورك وبعدين اورلاندو وبعدين ميامي بالسيارة السفرة بالطيارة بس بين نيويورك وتامبا ونيويورك واورلاندو .. أورلاندو فيها متعة للصغار والكبار ومولات وملاهي من كم نوع ما تمل منها .. يعني لو تقعد شهر كامل في اورلاندو عادي بس حلو تروح المدن اللي حولها مثل تامبا وجاكسونفيل وميامي وأتلانتا شوي بعيدة بس بعد حلوة ومدينة كبيرة وفيها منتجع جبلي نسيت اسمه وفيه سكن بدائي هناك مثل بيت بر .. شيء ماونتين ما ادري بير ماونتين أو بلو ماونتين ناشيونال بارك
لو عندك طاقة وتحب تسوق تقدر تاخذ طريق الساحل الشرقي لو حبيت من نيويورك لين ميامي والمدينتين تنزل وتطير منهم القطرية