-
مبردات خزانات الماي
السلام عليكم
ممكن حد يفيدني بخصوص مبردات خزانات الماي .....؟
اتصلت في بعض من المحلات واستفسرت عن الجهاز
وقالوا
كل الاجهزه كمبريسرهن امريكي الاختلاف فقط في التجميع
فيه تجميع تايلند (من شركة الطيب)
والبحرين (من شركة تدمر)( وجنرال كول الريس)
وفيه نوعين من طريقه التبريد
الاول طريقه تدوير الماي داخل الخزان
والثاني نظام وضع انابيب نحاسيه داخل الخزان
وانا محتار اي نوع افضل .....؟
اللي مجرب نوعيه معينه وزينه لايبخل علينا
(ذبحنا الحر )
-
-
اللي جربوه قالوا لي تعاملي مع شركة تدمر أحسن
بس شلون شغل المبرد مادري
وقالوا القيمة على3000 ريال
-
مشكور علا المرور نووون
وننطر باقي الاخوة والاخوات لابداء الراي
ترا الماي حار ... صلخ جلودنا
-
طيب لو حطيت مظله على خزان الماي هل بتقلل من سخونة الماي
سؤال اللي حاطين هالمظلات على خزنات الماي اللي بالسطح ..........؟
-
شوف قبل لا تركب براد عليك بالآتي
وضع مضلة فوق الخزان العلوي وحتى الأرضي
صبغ جميع الانابيب بصبع عازل ابيض..ويفضل ان البيبات تكون تمشي في اماكن مضللة..
عمل فتحات لتهوية الخزان حيث ان البخار المحبوس داخل الخزان يزيد من الحرارة..
اذا مانفع معاك هالشي... حط تبريد للخزان........بس على فكرة لازم الخزان يكون كبير علشان البراد يقدر يعمل بشكل مثالي....اما لو ان الخزان صغير.. وعليه استهلاك عالي... البراد مايلحق يبرد لك الماي.. وبينزل حار.... مثل سالفة السخان الصغير في الحمام الكثير الاستهلاك
-
اخوي توكل على الله وخذ لك من جنراال كووول انا توني مركب والماي بااااااااااااااااااارد
لدرجه اني قبل اشغل السخااااان عشاان الماي يدفا,, الحمدالله افتكييت من حراااره المااي
جرب وقووولي راايك بعد التركييب للعلم السعر 2700
الكمبريسر عليه ضمان خمس سنوات
-
هذا رقم شركة bath cool اتصل فيهم ،عندهم نظام ب 1500 ريال،يخلي الماي بدرجه عاديه ،يعني تقدر تسبح الظهر ،وبالتوفيق
-
انه شاري من عند جنرال كول ومن 5 سنين وللين البراد شغال مثل العسل ما شاء الله عليه <<< خايف يصكه بعين
-
السلام عليكم. أنا مركب كولر من تدمر من سنتيت تقريبا. وشغال تمام بس مشكلته ان الماي وااايد بارد. فلازم دايما السخان شغال. وبعدين جهاز التحكم ماله اخترب عندي مرتين. بس تصليحه كان بسيط و ما كلفني وايد.
أعتقد اقتراح عزل البيبات بعد زين. لأن كل مره تفتح الماي لازم تنتظر فتره عشان الماي الحار كله يطلع وبعدين يبتدي يجيك البارد.