السلام عليكم
لو سمحتوا وين اقدر القى رخام صناعي للحوائط ؟
شكرا
عرض للطباعة
السلام عليكم
لو سمحتوا وين اقدر القى رخام صناعي للحوائط ؟
شكرا
عند العمودي وغيره مثل العاصمة وحتى تدمر اتوقع بس أكيد العمودي والعاصمة .. وإختيار موفق لو انا مكانك باركب لجدار باركب على مربعات خشب وبليوت حتى اسوي فراغ أقدر اسوي فيه كسرات ( روشنات ) ويمكن احط اضاءة تجميلية فيها .. إسئلهم عن مواد اللصق المناسبة للخشب لو تحب
للروشنات الجدار الخشبي الملاصق تقريباً للطابوقي بيعطيك حول 9 سم وتقدر تزيد العمق تكسر شوي في الجدار الموجود ممكن توصل لعمق 20 سم
مر وقارن بتحصل البورسلان أو السيراميك المتموج وبتحصل بورسلان راقي ممكن حتى بسعر مقارب للرخام الصناعي بس ميزته تقدر تركبه زيرو جوينت ويبين كقطعة وحدة .. بتحصل بورسلان حجري بتشكيلة الحجر وبورسلان رخامي قطع كبيرة تنفع للحوائط بسهولة .. أي شيء ينفع أرضيات أسهل تركبه حوائط وأي شيء ينفع حوائط شوي صعب تركبه أرضيات ولازم تحتاط لأُمور معينة
الحجر الطبيعي ممكن يجيك أرخص ويعطيك تشكيلة ولوحة فنية خصوصاً إنه داخلي ومحمي من عوامل الجو .. واحد من الربع قاص حجر من مزرعته في قطر قص ووتر جت تشوف تموج وألوان متدرجة في الحجر صراحة كل قطعة روعة شوي عليها
معلومات قيمة اشكرك عليها ..
موووفق.
وياك يا بوخالد911