عرض للطباعة
السلام عليكم ورحمة الله وبركاته
عندي استفسار بخصوص القرض
نزل اسمي مع الدفعه الاخيرة..
مع الاسف اني ماقدر ابني الوقت الحالي لاني بكون برى الدوحه ادرس يعني نتكلم عن 5 سنين
هل اقدر ااجل القرض ولا يروح علي ولا شاللي بيصير.. اللي عنده خلفية عن الموضوع لايبخل علينا.
وجزاكم الله خير
عليكم السلام ورحمة الله وبركاته ..
ابدا القرض مش رايح عنك , لكن راح تعطى الاولوية للناس اللي بعدك , يعني يمكن الدفعه الجايه مايكون اسمك من ضمنهم ويمكن اللي بعدها .... إلخ , ومتى مانتهوا من الناس اللي تم ادخال طلباتهم قبل فترة خروجك من اللستة راح تاخذ الاولوية مرة ثانية , يعني انت اولويتك قبل الناس اللي بيدخلون معاملاتهم من بعد تاريخ 31/3/2010 ..
انا مش موظف بالبنك ولا خبير بعملياتهم , لكن استفسرت عن الموضوع وتلاحقت عمري لأني كنت ضمن الدفعة السابقة اللي انتهت بتاريخ 31/10/2009 اللي هي قبل الأخيرة اللي انت من ضمنهم ..
مشكور وماقصرت
ياخوك أتصل على بدالتهم
وخذ الكلام منهم
اخوي تقدر توكل حد او توكل المقاول اذا كان ثقه
يخلص امورك وتروح وانت مريح بالك والله يوفقك
اخوى انت اتكلم عن 5 سنوات يعنى فتره او مده طويله ما تدرى يمكن يصدر قانون مهب فى
صالحك اذا تبي رايي شوفلك واحد من جماعتك او ربعك اتعرفه ثقه بمعنى الثقه واعمله
توكيل وللعلم التوكيل انواع
بيض الله وجيهكم والظاهر هذا اللي بسويه ...
توكيل واحد من الاهل