ممكن استفسار يا جماعه

الي حصل للبورصه مع بداية هذا الاسبوع واخر الاسبوع الماضي حصل للناقلات اليوم

وانا هنا اعني ان امس حجم العرض على اسهم الناقلات فاق الـ 2 مليون ونص والطلب

صفر واليوم العكس حصل العرض صفر والطلب في حدود الـ 500 الف وهذا ما حصل يوم

الخميس الماضي اغلب الشركات عليها عرض والطلب صفر ولكن تفجائنا في يوم الاحد ان

العرض صفر والطلب شي خيالي يعني شنهي السالفه والا على ايش هذي الاستنتاجات

الي صايره عندنا وين راح ها العروض الي بالملاين وفجه تختفي وتجي بدالها طلبات

اذا ما عليكم امر اذا حد فاهم الي صاير والطريقه المتبعه ينورنا ويعلمنا علشان نلحق عمرنا مع المركب

ولكم كل التحيه

الي صاير اخوي الموسيقار بكل سهوله في سوقنا هو نفس الي يصير مع الدجاجه او البطه وفروخهم يعني الام تروح يمين فروخها وراها يمين وان راحت شمال راحو شمال ون دشت الماي الحقوها ون طبت فحفره طبوا وراها..المعنى انه يوجد محركين للسوق وراسمين خطة مرورهم على الشركات وصغار المستثمرين يتبعونهم لذالك تجد ان لكل اسبوع وضعه ولكل شركها وضعها في التداول ..والشاطر الي يفهم متى الدخول مع العالم ويغتنم افضل فرصه للخروج من الشركه بافضل الارباح واحسن وقت والتوفيق اولا واخيرا من الله..

بو علي يعطيك العافيه

احسن حل اشتر قبلهم وانتظرهم لين ارفعوا السهم بيع قبل مايبيعون ولابيعهم :D :eek2: :app:

يا موزه الجماعه هذول يلشطون الي ما يتلشط وين تبيني اشتري قبلهم

عندك طريقتين الأولى اما ان تكون قريب من اخبار الشركات تبيع وتشتري الطريقه الثانيه تشتري في احدى الشركات وتزورها بعد شهرين او اربعه وتشوف ارتفعت تبيع انزلت اتركها وزورها بعد شهرين وعلى هذا الحال عشان تكون بعيد من الضغوط وجع الراس ولك الأختيار. . .