ممكن مساعدتكم .

السلام عليكم ورحمه الله وبركاته
ممكن أعرف الجهة المسؤولة عن عمل المطبات الصناعية أمام البيوت ؟ واذا حد يعرف رقمهم ؟
وجزاكم الله خير

لا مش ممكن.. تبي تزيد المطبات مطبة؟؟؟

حراااام عليكم

هلا ابو محمد

الجهه اللي المختصه بعمل المطبات

على ماعتقد اسمها .. اللجنه الفنيه بوزارة الداخليه ..

على مماعتقد الاسم كذا صح

على العموم مكانها بعد ماتعدي جسر اللاند مارك ادخل مع المسار الداخلي لمنطقة زغوى متجه غرب

وكمل مع الطريق لين تتعدى المحطه البترول اللي بزغوى بتلاقي مبنى المختص بالمطبات ..
عليه علامة وزارة الداخليه .. على يسارك وانت على الشارع تشووفه وااضح ..


وانا اللي متعامل معاهم من زماااان

مثل ما قالك اخوي الشلال ادارة التخطيط والسلامة بوزارة الداخلية يطلعون يشوفون المكان ويعطون موافقة (على حسب) وبعدين تابع مع البلدية التابعة لمنطقتك. بالوضع العادي تاخذ لها اذا كنت محظوظ سنتين. او تكلم العضو البلدي التابع لمنطقتك

اقتباس:

---

المشاركة الأصلية كتبت بواسطة meme~qatar

لا مش ممكن.. تبي تزيد المطبات مطبة؟؟؟

حراااام عليكم

---

حراااااام ..!!!
لأن خايفين على عيالنا من المتهورين حراااام ...!!!!
قدام البيوت ..!!
نخاف على عيالنا من المخابيل اللي في الشارع ..
يسوقون في المناطق السكنية كأنهم في خط سريع ..

الله يجزاكم خير فريجنا بكبره يبي له مطبات ..