عرض للطباعة
السلام عليكم
اخواني سمعت من فترة ان الديون الاميري
يعطي مساعدة الي عندهم مديونية بنكية
بشرطة انك تقدم الطلب ومعة شهادة المدينوية من البنك
ولكني سمعت ان المبلغ بسيط
اخواني
من قدم عليها ...وكم المبلغ المساعدة؟
وهل تختلف من شخص الى اخر؟يعني لي عنده ديون بنكية اكثر يعطونة اكثر ولا شنو بضبط؟
وكم تاخذ من الوقت من التقديم الى ستلام مبلغ المساعدة؟
ارجو الفائدة ومشكورين
ممكن حد يرد علي
ممكن يعطون اي حد بس لازم شروط اخوي
الله يسلمك انا عمتي من فتره اسبوعين راحت لمبنى الديوان بس الي المبنى الثاني الي كان صوب مطعم نجمة الهند القديم وتقول ان في السنه يعطون الرجال المتزوج والغير متزوج مبلغ مرتين بالسنه حق مديونيته يبتدي من 10 الاف لين طالع بس ماعتقد اكثر من 30 الف ـ، والمطلقه والارمله لها مبلغ شهري ينصرف لها من الديوان اعتقد على راس كل ياهل 1500 ريال ، بس الي عليه يجيب ورقه المديونيه من البنك ، هذا الي قبضته منها هذا والله اعلم ـ افضل تروح ذاك المبنى وتتاكد اكثر
اخي الفاضل,اقتباس:
المشاركة الأصلية كتبت بواسطة $hamad$
على قدر ما سمعت "والله اعلم", يتم تقديم كتاب بأسم صاحب السمو الأمير والتوجه الى الديوان الأميري مع البيانات التى تثبت طلب الأعانه مع صورة من البطاقة الشخصية.
هناك امثال كثيرة لطلب كتب الأعانه الى الديوان الأميري, منها على سبيل المثال "طلب مساعده في حدوث كارثه مثل الحريق, دية, او اي مصيبة يتوجه بها الى مساعدة صاحب السمو, وهناك طلبات اخرى مثل "العانية او الشرهه" وهنا تتم لعمر معين..واعتقد ان الديون تندرج تحت بحث الحاله اي بما يخص العمر والمبلغ المطلوب والمتبقي..
اطلب من الله العلي ان يفك ضيقتك وويسر امرك
هذا والله اعلم
السلأم عليكم
هاذي اول مشاركة لي ونشالله اني اقدر افيدك او يفيدونك باقي الأخوان انا من سنتين قدمت على الديوان مساعدة مديونية بنك وبعد سبوعين عطوني 15000 بس مع ان مديونيتي فوق الخمسمية الف والحمد الله على كل شي اما بنسبه اذا دينك كبير بيعطونك اكثر هذا العلم عند الله .
مشكورين وما قصرتوا على الفادة
بس سوال هي كم ناخذها ؟ ولا بس مرة واحدة