قلت له:سهمك الي بعته ارتفع,.قال:بشرك الله بالخير
السالفه صارت لي مع واحد من شيبانا الله يطول في اعمارهم ولي من زمان يطقطق في الاسهم .
سئلته شخبار اسهم المواشي الي عندك
قالي الحمدلله بعتهم على 29
قلتله : افااا السهم وصل 33
قالي:بشرك الله بالخير
قلت :على وشو
قال: والله اني افرح اذا بعت سهم وشفته ارتفع لان الي شرا مني ماقصر ربحني واتمنى له وادعيله ان الله يوفقه ويبيع بربح .
ودايما اقول اللهم ارزقني وارزق مني .
قلت ماشالله عليك ماتدري ان اغلب المضاربين ودهم اذا باعوا السهم يرضخ ولايرتفع ولسان حالهم يقول
انا ومن بعدي الطوفان
وتناسينا ان رسولنا الكريم يقول
لايؤمن احدكم حتى يحب لاخيه مايحب لنفسه.
الله يعينا على نفسنا ان شالله ويجعل الدنيا في ايدينا لا في قلوبنا.
