عرض للطباعة
السلام عليكم
اخواني وخواتي انا الحين بمرحله التشطيب وباقي لي البيبان وماعرف وين افضل مكان يسوي بيبان للغرف ومعروف عن تجربه
وبعد ابي مغاسل رخام ل7 حمامات وين احصل على مستوى
واخر استفسار ابي اركب جزاز للشور مال الحمام وين احصل باب جزاز للشور ؟
ويجزيكم خير مقدما
بالنسبه للبيبان ان شاء الله الاخوان يفيدونكاقتباس:
المشاركة الأصلية كتبت بواسطة غروب الشمس
وبالنسبه للمغاسل اذا تبغي ديزاينات عندك شبيب وعلي العطية طريق سلوى
تدمر ابواب الشاور روعة عندهم
ان شاء الله بمر عليهم كلهم الله يجزاكم الجنه
وياليت لو بعد في حد يعرف مايبخل علي بالرد
مغاسل الرخام عندك عناصر مهمة اللي هي الرخام والمغسلة والخلاط والاكسسوارات .. ولازم تخطط تصميم معين أو عدة تصاميم لكل حمام مثلا تصميم يختلف شوي تعطي شكل وروح غير للمكان .. مثلاً عندك نوعيات مغاسل تتلزق تحت قطعة الرخام وهذي شفت أفضلها المنقوشة عند علي وشبيب العطية ماركة كولر وهي شويتين غالية بس تسوى .. وفيه منهم نوعيات تتركب وحافتها تكون أعلى الفتحة وفيه نوعيات تتركب بالكامل فوق الرخام .. فيه نوعيات غير تتركب بارزة من الرخام وهذي حسب وضعية الحمام عندك والمساحة تقدر تخلي الرخام وراها كحامل وكرف للصابون والمنظفات وغيره، وتقدر تتحكم في عرض أو عمق قطعة الرخام مب شرط يعني 60 سم.
القزاز للشاور فيه تفصيل ويطلع أرخص بس المشكلة يكون خطر ويمكن ينكسر ويسبب مشكلة .. وفيه نوعيات معينة تكون مقواة بحيث لو تنكسر تنزل على شكل قطع صغيرة غير حادة .. ومحلات الحمامات أغلبها تبيع هالنوعيات .. بس لو تاخذ تفصيل وتطلب نوع مقوى أو من قطعتين وفيه بلاستيك بينهم يسمونه Laminated هذا بيكون أحسن وتقدر تسويه بحديد ستانلس وبدون فريم وتسويه حسب الوضع عندك وبمقاسات شوي أكبر تاخذ راحتك في الشاور .. فيه محل قرب مصرف قطر في العزيزية يسوي هذي القواطع والأبواب تفصيل.
الأبواب شوف المتحدة عندهم نوعيات راقية مصنعة ومصبوغة صبغ حراري ويركبونها لك جاهزة بقراطيسها.
بخصوص الابواب عندك مصنع الشرق للاثاث الانواع ممتازه عنده