مماطلة مؤسسة العمادي للالكترونيات ( جنرال )
ادخل فالموضوع على طول
احذرالجميع من التعامل مع هالشركة بصراحة قمة الوقاحة والحقاره عندهم ،،
رحت خذت 2 مكيفات جنرال من عندهم ولين جيت بادفع قلت للمصري بعطيك عربون
ولين تركب اعطيك الباقي ، والا يقول : لاء ماينفعش لازم تدفع المبلغ كامل !!
قلت طيب بادفع وهذا من حقه ، وعطاني موعد تركيب بعد 15 يوم قلت له وايد متأخر ،
واذا ماتقدر قبل عشان اشوف محل ثاني لان عندي مناسبه ولازم تركب المكيفات
قالي : لاء ده ماكسيموم حنقيبو ابل التاريخ ده ، رديت انه كذاب وعيار الله لايبارك فيه ،
دق علي قبل الموعد بيومين قلت زين الحمد لله بيركبه ، والايقولي حضرته : في مجال نأجل الموعد يومين
بعد موعدك ؟ قلت له لاء لان عندي مناسبة وضروري تركب المكيفات . قالي اوك مفيش مشكله .
ويوم الموعد اتصلت له الصبح اسأله متى بيجون يركبون ، قالي حيجو اليوم ،
اتصلت له الظهر قلت له محد اتصل او جاني !! قال العصر
اتصلت المغرب قلت له محد وصل !! قال المشكلة اتصل للتركيبات تلفوناتهم مسكرة !!
قلت له اذا ماجوو يركبون اليوم لايجون وبكرة انا جايك المعرض استلم فلوسي .
واتصلت لحماية المستهلك قدمت شكوى ..
اسمحولي على الاطاله لكن والله المشكلة اني رتبت رجعتي من السفره على موعد المكيفات
وثالث يوم عندي مناسبه ، يعني المكيفات ضروري تركب .
ووالله اني متأكد ان صار دهان سير وواسطة واحد اخذ موعدي !!
لكن حسبي الله عليهم
النصابيين يلعبون فينا لابارك الله فيهم .
