لاهنتوا
في العادة كم مدة الفيزا للقطريين
والخادمه الفلبينية كم المده بالضبط
ابي اتأكد لاني سمعت انهم يعطونها
على فترة بس الجلوس في ألمانيا
ودمتم
عرض للطباعة
لاهنتوا
في العادة كم مدة الفيزا للقطريين
والخادمه الفلبينية كم المده بالضبط
ابي اتأكد لاني سمعت انهم يعطونها
على فترة بس الجلوس في ألمانيا
ودمتم
هم يعطونك مده على كيفهم
اخبر يوم رحت كل جواز مده غير
مادري شلون يحسبونها بس يمكن على سالفة متى ينتهي جوازك
بالنسبه للخدامه ماعرف
السلام عليكم في الغالب يعطون 3 سنوات اذا كان جوازك جديد والخادمة غالبا 3 شهور مع مراعاة تاريخ انتهاء جواز الخادمة
والعالم الله عن القوانين الجديده هذه السنة من الأفضل تستفسر منهم مباشرة
مرحبا اخوي
اعلى مده يعطونك للتأشيره 3 سنوات
هذا اذا جوزاك صالح للمده كلها
اما اذا باقي للجواز مده اقل على الانتهاء فتكون المدة اقل حسب جوازك
ومده انتهاء الاجراءات للقطريين اقل شي 3 ايام عمل الى اسبوع*
انا الخادمه اجراءات التأشيره مابين اسبوعين الى شهر
وبالتوفيق
وانا هذا اللي شفته بصراحةاقتباس:
المشاركة الأصلية كتبت بواسطة المحاميه
يعطونك المدة على كيفهم
وعلى فكرة اخوي :
اسمها شنغن
مب شنقل
السلام عليكم ورحمة الله وبركاته
صحيح 3 سنوات لكن مدة الإقامة مكتوب بخط صغير تحت 90 يوم للسياحة
اما اذا كانت علاج تأخذ فيزة علاجية وومدتها غالبا تكون 6 اشهر وتتجدد من المانيا كل 3 اشهر وهي افضل اذا كان السفر للعلاج
ورحلة سعيدة
نفس ماقالوا عادتاً 3 سنوات اذا جوازك باقيله 4 او 5 سنين
ومثلا اذا جوازك باقيله 3 سنوات بالضبط يعطونك فيزا سنتين
اللي لاحظته عند السفاره الالمانيه انهم دايما يخلون فتره سنه كامله بين انتهاء الجواز وانتهاء الفيزا
وبالنسبه للخادمه مايندرى ،، في خدم ينعطون شهر وفيه 3 وفيه حالات يعطونهم بالضبط على عدد ايام السفره
جدامي شفت هالحالات يوم رحنا نستلم الجوازات عندهم ،، فيه اكثر من عيله ماكان عاجبها مده الفيزا بالنسبه لخادماتهم و عوايل ثانيه اسيويه الام والاب عطوهم سنه لكن ولدهم عطوه 12 يوم فقط فسبب لهم مشكله لانهم كانوا يبغون يأجلون تاريخ السفر
اقتباس:
المشاركة الأصلية كتبت بواسطة monatee
بالضبط هذا الي صار معاي من اسبوعين تغريبا...يعني جوازي عطوني ثلاث سنوات وهذي اكبر مده..
لاكن العيال الي سنه والي سنتين مع ان مدة انتهاء الجواز اكثر...وقلت لهم ليش قالو مب من عندنا للاسف
الفرنسيه وعن تجربه شخصيه سريعه وسهله ومادخلت فرنسا اول شي دخلت دوله ثانيه في الاتحاد الاوربي ولامريت على فرنسا وعطوني اياها حتى صلاحيه الجواز وقرب الجواز ينتهي والحين افكر ازور فرنسا