دخيل اللهـ يالضيقه

دخيل اللهـ يالضيقهـ , أمااانهـ بس خليني

................. أبي يومي يمر بدون أنا مابــلّلْ اجْفاني ,



ليا صار الكلام أوهام , ومالي من يواسيني

................. ولا لي غير كراس الحزن وجموع ألواني ,



ولا صار القلم يمشي ولا يدري عن سنيني

................ ولا صار العمر غلطهـ , تجر انسان وحداني ,



ولا صار القصيـــــــد اللي أجرّهـ مايسلّيني

................. ولا صار الفرح حلم وْ طريقهـ دوووم يجفاني ,



دخيل اللهـ يالضيقهـ , أنا ناقص تزيديني ؟؟!

................ كفــآيهـ ماجرى منكـ , ترى ماصار كفّــــآني ,



تعبت ! ولاتعبت اتركْ انا الدنيــــا تمشّيــني

................ عجزت ولا عجزت ابكي واجرّ الصوت وانصاني ,



كتبت ولانزف شعري , انا الوحدهـ تعنّيني

.......... حزنت وضاقت الدنيا , ضحك غيري على اشْجاني ,



وحيدهـ ! عاجزهـ ! علّهـ , وماحولي يجافيني

............... واحس إنّ المحيطَ اللي أعيش بْداخلهـ فاني ,



يتيمهـ في وجود أمي , نست حتى تحس فيني

................... وابوي برغم طلاّتهـ , تغيّر ماهو الحـآني ,



وسكين الجراح اللي تمشّــــــى في شراييني

................ ونار الصّدْ والغربهـ وانا في حضْرة اخْواني ,



دخيــــل اللهـ يالضيقهـ , أماااااانهـ لاتخلينــي

................ أنا مالي سواكـ انْتي واوراقي وأحزاني ,

جميلللة

الله يبعد الضيقة و يسعدك أخوي

^-^

مرورج اجمل

اللهم امين ويسعدج ويسعد كل صاحب قلب ابيض مايشيل بداخله غير الخير ومحبة الناس

تسلمين وجزاج الله خير