المشاركة الأصلية كتبت بواسطة ام الشهداء
اولا يعطيج العافيه اختي بشاير ما قصرتي ما شاءالله عليج لانه فعلا الموضوع كان يمس عورات اخواتنا والعالم كلها تتطمش
واخ حسن الساعي ما قصر وصل الموضوع للجهات المختصه علي طول يعطيه العافيه ثاني يوم وهم منزلين الرخام ويوم نقول جهات مختصه تري كلنا نعتبر جهات مختصه وكلنا لنا دور معين اللي يصور واللي ينشر واللي يتصل واللي يوصل الخبر كلهم يعتبرون جزء من ها الجهات
وبخصوص انكار المنكر
هذي عاد الطامه الكبري..... المنكر لما يكون في بلاد ناسها يجهلون اداب الاسلام
يجهلون احكام الشريعه ننصحهم’ نرشدهم’ لكن نشوف ناس يعرفون الله ورسوله؟؟
يعرفون الحلال والحرام...يعرفون كل شي .. يعرفون الجنه والنار
اشلون ننصحهم والله ان قلبي ينغصصص احاول قدر الامكان اني اغير المنكر بلساني
البعض يطالعني نظره استنكار.. والبعض تعجب كاني قلت شي غريب وما غريب الا الشيطان
والبعض كانه يقول لي مالج خص
اخر الخيارات طبعا الا وهو تغير المنكر بقلبي واطالعهم وانا اقول الله يهديكم
تتسائلون عن شنو اتكلم
كلامي تعقيب علي كلام الاخ الفاضل راجي العفو كلامه صح مليون بالممليون
((ترى عملية الإنكار و تغيير الفساد اللي صاير في لبس البنات او أخلاقهم
انتو عليكم مسؤوليه كبيره فيها )) لبسسس البنات من المسئول عنه مش الام بس الام الاب الاخ الزوج العم الخال .. كل الاسره
نعم كل الاسره مطالبه بمراقبه لبس بناتها
للاسف الحجاب وصل لين نصصصصصصص الراس قبل كنا نناقش في العطور والبخور وقلبنا كان يعورنا بس الحين
الحـــــــــــــــــجاب؟؟
معقوله في بنت ترضي علي نفسها شعرها يطلع وتكون سافره؟؟
وتلبس عبايه مفتوحه وتلبس التايز وفخوذها طالعه
وقيسوا علي ذلك من المناكر اللي قاعده تتنشر مب من عاداتنا ولا تقاليدنا ولا من عادات المسلمات
الرجال صح ينحرجون اذا نصحوا وحده غريبه.. بس اكيد مافي حرج اذا كلم اخته ولا بنته ولا زوجته ولا اي وحده من قريباته
لو كل واحد اتخد ها الخطوه صدقوني بتختفي الظاهره هذي اختي الغاليه نصيحه كل شعره بجمررره لا تستهينين
الادله كثيره والكل يعرفها ومافي داعي احطها يعني
وسامحونا ع المداخله بس غيره مسلمه تحب الخير لاخواتها والله يهدي الجميع يارب
