السلام عليكم.
استفسار ثاني.
في احد جرب مصاعد هيونداي؟؟؟.
لأنني سمعت عنهم لكن ما قد شفت لهم مصاعد في اي مكان
عرض للطباعة
السلام عليكم.
استفسار ثاني.
في احد جرب مصاعد هيونداي؟؟؟.
لأنني سمعت عنهم لكن ما قد شفت لهم مصاعد في اي مكان
السلام عليكم ورحمة الله وبركاته
استفسار بسيط عن فوجي
اللي اخبره وكيلهم المفتاح والحين في شركات ثانيه اطلعت تورد فوجي ومن ضمنها راما
عطوني عرض ممتاز أرخص من المفتاح بظ¢ظ¥ الف ونفس اللفتات اللي عندهم بضبط من ناحية المكينه والكبينه
في حد جرب شركة راما للمصاعد كيف السيرفس عندهم وجودة اللفت افيدونا الله يجزاكم خير
عليكم السلام ورحمة الله وبركاته
شوف العرضين وقارنهم ولو تشوف استشاري مختص بيفيدك أكيد خصوصاً اللي تخصصهم هندسة ميكانيكية وممارسين لشغلة اللفتات
انا افضل المفتاح لو سعرهم أكثر لأنهم معروفين ويعطون العميل حقه .. ويمكن الشركة الثانية تكون جديدة ومجتهدين بتنزيل الأسعار بس العقد دقق فيه لو بنود العقدين متشابهة والفرق يسوى خذ من الجديدة .. بعدين هذا مصعد تبي تستخدمة طول عمر البيت وتبي صيانة وضمان واستبدال لكثير من القطع وبعضهم مثل متسوبيشي يستبدلون بدون تكاليف اضافية الا بعض القطع تكون مسجلة .. والأهم بعض الشركات تفتح 5 سنين أو 10 وبعدها تسكر وتخلي مسؤوليتها
السلام عليكم
أشكركم على الموضوع الأكثر من رائع والمفيد.
عندي كذا استفسار لو سمحتوا، حاليا قاعد أسوي خرائط البيت:
ظ،) هل يفضّل انه اللفت مايكون وسط الدرج؟ لانه اللفت وسط الدرج ممكن يلغي جمال الدرج ومايخليه يكون شرح.
ظ¢) بالنسبة حق اللفت الي كله بانوراما، هل صحيح انه يشوه المنظر لانه وايرات اللفت ومعدات اللفت يبين وهو طالع ونازل؟
أتمنى تنقلون تجاربكم بخصوص ذي الموضوع.
السلام عليكم ..
أشكر جميع من شارك في تجربته في هذا الموضوع المهم ..
زرت كذا شركة من الشركات التي تم ذكرها في الموضوع .. لكن المتسوبيشي إلى الآن ما عرفت أوصل لهم ..
ماعندي رقمهم .. الرقم الموجود في أحد المشاركات معظم الوقت يعطي مشغول وهو أمر غريب لشركة مثل مستوبيشي للمصاعد ..
حاولت مع رسالة إلى 180 كذلك لم احصل على رقمهم .. اعتقد أن اسم الشركة غير .. أي ليس متسوبيشي للمصاعد ..
إذا في حد يخدمني ويعطيني أرقامهم أو على الأقل إسم الوكيل .. محتاج زيارتهم لأنني في آخر مرحلة من الخرائط ..
والشكر مقدماً للجميع ..
شركتهم في اسمها الشركة الالكتروميكانيكية .. حتى اسمهم غلج الله يعينك عليهم
البانوراما غالي وايد وبعض الشركات أكيد عندها حلول وفيه النص بانوراما واللي يكون مغطى بالكامل من الخلفاقتباس:
المشاركة الأصلية كتبت بواسطة بوجاسم_قطر
أكيد الإجابة جات متأخرة كثير
وبالنسبة للمصعد اللي وسط الدرج انا احبه لأنه بيكون يغنيك عن الدرابزين ويكون مرتبط بخرسانة الدرج يعني الدرج يجي بعتبات معلقة من الصوبين مما يوفر في كمية التسليح والخرسانة لو تم تصميمه صح .. بعدين عارف وين اتجاه الخروج والدخول للبيت بدال جهتين ويمكن جهتين تكون أوقات أفضل لكن أكيد بتضيع عندك مساحة
شيء أخير خرسانة بيت المصعد تكون وسطية ما تدخلها حرارة قوية وكذلك تسهل تهوية الفراغ والمكينة من الهواء المكيف داخل البيت
حتى هذا الاسم ماجاب لي نتيجة !!اقتباس:
المشاركة الأصلية كتبت بواسطة معماري قطري
هو لهم اسم معين .. بس المفروض انهم يسجلون متسوبيشي للمصاعد من ضمن اسم التجاري .. حتى يقدر الواحد يحصل على رقمهم ..
في شركة حصلت عليها اسمها (المعمورة للمصاعد)
نوع المصعد Bonex .. مصاعد إيطالية .. وعلى كلامهم أنه يصنع في إيطاليا لكن الماكينة والكنترول ألماني ..
هل في حد جرب هذه الشركة ؟؟
مصاعد فوجي وجدت شركتين
المفتاح ومصعد فوجي عندهم صيني
وشركة كومفورت وعندهم فوجي الياباني حسب كلامهم
ولذلك أودّ الااستفسار عن شركتين فقط ،،، اذا في احد جربهم
كومفورت - مصعد فوجي ياباني
وشركة المعمورة وعندهم مصاعد بونكس الإيطالية (اللي ذكرتها فوق)
المفتاح عندي فكرة عامة عن خدماتهم ومصاعدهم لكن كومفورت والمعمورة اذا في احد تعامل معهم أرجو ان يثري الموضوع هذا عن تجربتهم ،،
والشكر مقدما للجميع مرة اخرى
السلام عليكم
انا من فترة قريبه مريت على كذا شركة وبعطيكم ملاحظاتي
- شركة فوجي وكيلهم المفتاح بطريق سلوى ، الكبينة صينية لكن المكينة من اليابان والصراحه لحد الحين افضل سعر وشكل حصلته بالسوق
- الدرويش بطريق سلوى وكلاء أوتس سابقا وحاليا وكيل كليمان شركة اوروبية وافضل سعر حصلته لمصعد اوروبي بس مشكلتهم الاشكال قليلة للكبينة
- شركة كوني قرب جسر الجيدة وشركة معروفه وبنظري الشركة التوب في هذا المجال تصنيع وصيانة وعندهم مصنع بالصين ومصنعين باوروبا
نصيحتي الواحد يشتغل مع الوكيل أفضل من الموزع واذا كان حاب يشتغل مع الموزعين يعين استشاري مصاعد يراقب الشغل ونصيحتي الثانية يكون العقد كامل بالتشغيل لان عادي الاتفاق سعر وبعد التركيب يكتشف الواحد مبالغ اضافية مش موضوعه بالحسبان
أفضل طريقة عن طريق موقع الشركة الام بالانترنت يعطونك اسم وعنوان الشركة واعتقد من فترة سويت بحث وطلع لي شركة اسمها المتحدة في الجيدة سكويراقتباس:
المشاركة الأصلية كتبت بواسطة asulaiti
الكثير يشكر شركة المفتاح .. لكنهم معظمهم شكروا للسعر .. والمهم بالنسبة لي الخدمة مابعد البيع ..
الاسعار جداً متقاربة ... الفروقات تتراوح ما بين 5000 - 15000 تقريباً ..
بالنسبة لي .. لا مانع من أن أزيد 15 ألف إذا عملت وتأكدت أن الشركة تقدم خدمة مابعد البيع ممتازة ..
قطع غيار المصعد متوفرة .. ملتزمين بالمواعيد .. لا يتأخرون .. مرنين بالتعامل !!
:con2: يبدو لي أنني أحلم !!!!!!
خدمة ما بعد البيع عند متسوبيشي وعن تجربة حتى عقدهم عبارة عن صيانة واستبدال مع ضمان .. بس أكيد فيه قطع يستثنيها الضمان .. حصلت لك رقم في تلفوني القديم مكتوب باسم لفت واتوقع حق متسوبيشي 55935196 .. انا قبل كنت متابع عقود الصيانة والدفعات بعدين حولت الشغلة على إخوي غانم الله يغفر له لأن هو ركب من عندهم حق بيته
صج شغلهم قانوني وينفذون العقد من ناحية مكان التخزين لو بنيانك بيتأخر والسقالات ولو تطلبها لازم بيحطون أتعابهم
بعدين شغلة انا ما تدخل عقلي واللي هي أبعاد بيت المصعد واللي المفروض كل شركة تعطيك مخطط سريع ومجاني وحتى لو زدت شوي يوازنون بالحديد المثبت داخلياً ولو قاع البير كان أغزر من المطلوب وزنه يكون بسبرنغات خاصة مثل جامبينات السيارة
لو عندي شركة مصاعد باحط اعلان من وقت لوقت في الجريدة يحتوي على المواصفات والأبعاد والضمانات للحصول على أكثر زبائن وللعمل بصورة جيدة
اخواني حد سمع عن شركة عبدالعزيز العمادي
للمصاعد والسلالم المتحركة
ارجوا ان تفيدونا افادكم ربي
أنصحج يا اختي بالشركات الموجودة والمعروفة واللي لها سنين طويلة في السوق .. أي شركة جديدة غامضة وممكن تسكر بسرعةاقتباس:
المشاركة الأصلية كتبت بواسطة مررايم
شوفي الدرويش والمفتاح ومتسوبيشي .. ثلاث شركات فيها أطقم صيانة 24 ساعة وطواريء وفيها عدة نوعيات من المصاعد وعدة ماركات
لو الشركة المذكورة قديمة والنوعية اللي عندها جيدة وسعرها مناسب وبيعطون ضمانات وصيانة وعقود صيانة طويلة المدى توكلي على الله
اخواني حد عنده استشاري مصاعد اذا سمحتوا
مافيه شي اسمه ( استشاري مصاعد )
ايش المشكله عندكم ( عطل ) في المصعد !!!!
او بناء جديد وناوين على مصعد !!!!!
اومحتارين بين الشركات !!!!
صحيح اخوي سعود
المصاعد ميزتها بين الكهرباء والميكانيك .. ولو راجع مواصفاتها وتابعها مهندس يستحسن الاثنين يشتركون فيها .. طبعاً المتطلبات المعمارية يحطها المعماري والانشائية يحطها الانشائي .. وهذا اللي يخلي العمل الهندسي تيم وورك
أي المصاعد أحسن للفلل الخاصة كهربائي او هيدروليك
صادق ابا ( عبدالله )اقتباس:
المشاركة الأصلية كتبت بواسطة معماري قطري
والافضل ناخذ ( مخطط ) المصعد ابعاد المصعد وبير المصعد ( طول + عرض المصعد + طول+ عرض باب المصعد من الشركة نفسها الي بتسوي المصعد على اساس يمشي عليها المقاول وقت التنفيذ وفيه شركات يختلف مكان مكينة المصعد فيه منهم تكون ارضية وفيه علوية .
يفضل قبل البناء نجمع مهندس من شركة المصاعد ومهندس البناء في الموقع لوضع النقاط على الحروف ....
عندي اضافة مهمة بخصوص المصاعد لازم نعرف تهوئتها ونحاول قدر الإمكان نخطط مكان المصعد ما يكون قريب للجدار الخارجي حتى نبتعد عن حرارة الشمس ويكون بيت المصعد محاط بهواء مكيف .. حركة معمارية ممكن توفر في التكلفة كذلك نسوي كسرات معمارية في حوائط المصعد أو نسويها جزئياً بالطابوق لأن الخرسانة مب ضرورية لكامل الجدار
شركة Otis سابقا توقفت عن الانتاج
وكيل الشركة هي شركة الدرويش للمصاعد
وتم استبدال الشركة OTIS بشركة KLEEMANN
وكيلهم شركة الدرويش للمصاعد
رقمهم
44567385
44568216
عنوانهم
55 Al Waab Area
Building No:334, Street No: 340
Near Aziz Petrol Station
P.O. Box: 4887, Doha Qatar.Tel: +974 4456 7385 / 4456 8216
Fax: +974 4456 7301
e-mail : elevator@darwish.com.qa
طريق سلوى - بالقرب من محطة بترول عزيز
موقعم على النت
http://www.darwish-elev.qa/index.php
شركة المتسوبيشي
وكيلهم في قطر
شركة
ARABIAN GULF MELCO Elevator Doha W.L.L.
موقعهم ام غويلينا فوق الخطوط الجوية الكويتية - الطابق الرابع
مقابل محطة بترول التيسير
رقمهم
44328309
اوقات الدوام
Thursday 8AM–12:30PM, 1:30–5PM
Friday Closed
Saturday Closed
Sunday 8AM–12:30PM, 1:30–5PM
Monday 8AM–12:30PM, 1:30–5PM
Tuesday 8AM–12:30PM, 1:30–5PM
Wednesday 8AM–12:30PM, 1:30–5PM
شركة فوجي
وكيلهم شركة المفتاح - طريق سلوى بعد اشارة سوق الخميس والجمعة مقابل البنك التجاري
Almuftah Elevators and Escalators
Salwa Road (Opposite Commercial Bank), P.O. Box 875, Doha, Qatar
Telephone: (+974) 4469-9123
Fax: (+974) 44680921; (+974) 44680916
Email: elevator@almuftah.com
Business Hours: 8:00am till 6:00pm
Ramadan Business Hours: Showroom: 9:00 AM – 3:00 PM; Operation: 6:00 AM – 12:00 NN
وهاذا موقعهم على النت للاستفادة
https://www.almuftah.com/our-compani...scalators.html
جزاك الله خير أخوي اللوز ... على معلوماتك
من وكيل مصاعد فوجي في قطر؟؟؟
الي اكتشفته في مليون شركة تجيب مصاعد فوجي في قطر والكل يقول نحن الوكلاء فقط
الجابر للمصاعد
المفتاح
كونفرت
الواحه
وغيرهم كثير للعلم كلها تجيب من الصين واسعارهم متقاربة جدا مابين 85 الف الى 100 الف ولأفضلية ك ديزاين في الكابينة للجابر ك شكل ومميزات وصيانة 2 سنتين وضمان 10 سنين.
أتكلم عن فوجي فقط للعلم
ضعت صراحه من وين اخذ المصعد؟
هل فيه احد ينصح شركة معينة وخصوصا الخدمة ما بعد البيع
شركة اطلس تقريبآ بعد البحث الارخص وعندهم خدمة طواري 24 ساعه ويعطونك ضمان ( مدى الحياه ) على كل شي في المصعد مع سيرفس شهري وكل سنة تدفع لصيانة 5 الاف .
صار لي سنة وشوي من التركيب وتعاملهم ممتاز
أخوي سعود شنو الماركات الي في شركة اطلس؟
انا حصلت 85000 الف عند فوجي تكنولوجيا والمصاعد من الجابر
المواصفات:
المكينة فوجي روم ليس
الكابينة تركية
حمولة 10 أشخاص 800kg
يوقف في 3 وقفات ارضي اول بنت هاوس
الابواب زجاج ومذهب الكبينة وتسكر من الصوبين.
وفيه ديكور والبنل الشاشات ديجتل والصيانة سنتين مجاني والضمان عشر سنوات
هذي مواصفاته فما أدري احصل نفس المواصفات ونفس السعر في شركة ممتازة ومعروفه
الي متخوف منه ان شركة فوجي عند الكل والصيانة مهتم فيها
ضمان مدى الحياه هذي بحد ذاتها شركة ممتازة وضمانها ممتاز
بس شنو ماركات المصاعد عندهم والأسعار
وهل اشكال الكبائن عندهم زينة او عادية ستاندر
صناعة ( فرنسا )
الكبائن في العادي وفيه vvip
مصعد البيت خله صغير سعه 4 اشخاص بالكثير
من فترة مغيرين اسم الشركة الي ( سوديماس )
اخوي سعود ليش أخليه 4 أشخاص المصعد.
سوديماس اعرفها جيتهم في النصر مكتبهم والكابينة حقتهم من الكويت اتوقع.
حتى قالي مايحتاج الفريق يجيك اذا في صيانة في بعض الاحيان لان مشبوك بالنت شريحة
يقدرون يتحكمون في السيستم ويعرفون وشفيه ويقدر يسوي ريست من اي مكان في العالم
المكينة يقول لي من فرنسا والسعر تقريبا يوصل الى 95000 الف.
الحين هل أطلس مش موجوده حاليا؟!
هل تغيرت الى اسم سوديماس؟!
اقتباس:
المشاركة الأصلية كتبت بواسطة ALJokar
لنك ماتحتاج بالبيت مصعد سعة 10 اشخاص
مشبوكة الشريحه مش لصيانة للاتصال في حال الطواري تحط كذا رقم يتصل اوتوماتيك عليهم
الصيانة الشهرية تشيك فقط وكل فتره يغيرون الزيت
بالضبطاقتباس:
المشاركة الأصلية كتبت بواسطة ALJokar
ممتاز انا اقصد في بعض الاحيان تجي اعطال ويمكن يشيك عليها عن طريق النت بالشبكة
واذا يحتاج احد يرسله عشان يصلح راح يرسله اما في الاغلب يقول تجي مشاكل بسيطة اسوي لها ريست في اي مكان في العالم
بخصوص الضمان قالي 10 سنوات اذكر مش طول العمر والصيانة سنة وبعدها 5000 ريال شهريا.
والسعر مايفرق كثير مابين 6 اشخاص او 8 اشخاص والافضل كل ماتسع الكبينة احسن
يا شباب شلون اخلي المصعد بارد
هل اركب في طابق البنت هاوس مكيف 2 طن
انصحوني
اتوقع في مكيف خاص للمصعد يباع
المصاعد بالعادة فيها مروحة دفع هواء فقط
أو تخلي مكيف مقابل فتحات المصعد يكون اول مايفتح المصعد يكون المكيف مدخل هواء بارد.
وترى مايحتاج اذا حق فيلا من راي الشخصي لان كلها الا كم ثانية وبتوصل اذا كثر الوقفات دور سفلي دور ارضي دور اول دور ثاني.
ممكن اذا عمارة او برج يحتاج.