عرض للطباعة
شيء بسيط إخوي سعود ولا له تأثير هو لو يشيل العمدان بالكامل ويسوي الطابوق اللي مسويه بيمشي حالهاقتباس:
المشاركة الأصلية كتبت بواسطة سعود.
بس فكرة حلوة حاولت أشغل نفسي بتنفيذ مجسم ثلاثي الأبعاد هذا يمكن فكرته يسوي مجسم حتى بالمواد نفسها
https://www.youtube.com/watch?v=i4ofX0Tw19w
هههههههههه
هذا عجيب فيه تعشيش وايد بس ماشي حاله
https://www.youtube.com/watch?v=gKddX70lNMg
والله فنان
هههههههه
أفضل بوردات الستايروفوم المضغوط تكون قوية ومنها سماكات مختلفة نقدر نقص منها ونحفر بمقدار لتوزيع الحوش وحفر مستوياته المختلفة .. بنفس الوقت يكون قوي كفاية وثابت وخفيف تقدر تشيله لأي مكاناقتباس:
المشاركة الأصلية كتبت بواسطة سعود.
نجي للمقياس المناسب .. انا افضل 1 : 100 أو باختصار كل 1 سم للمجسم يساوي 1 متر على الطبيعة .. يعني السرير يجيك 2 سم في 2 سم تقدر تسويه بسهولة من الورق أو البورد أو حتى تنقشه من الخشب .. لنموذج بيتي أحتاج سطح عمل طاولة عادية لو باسوي هذا المقياس .. لكن تروح لمقياس أكبر 1 : 50 مثلاً بتحتاج طاولتين جنب بعض وبتحتاج تسوي قطعتين وتوصلهم ببعض حتى النقل بيكون عندك مشكلة
شفت أمس عنوان فيديو معمل في الصين مسوي مجسم بقيمة 100000 دولار .. وشفت في قطر مهندس عربي معاه عمال فلبينيين مسوي مجسم ومخططات معمارية حق واحد بخمسين الف ريال .. بس الرخصة المعمارية ومن زمان أيام الرخص من حول 20 سنة وهذا بزنس مربح لو الواحد يحصل نوعية العملاء هذي
بس شوف النموذج الأخير إحنا نركز على زيادة الإرتفاع وهذا ارتفاعه اقتصادي كلش والا ما يمثل الواقع
شفت مكتب هندسي يسوي نموذج لنادي رياضي أظن السد .. مسويه مجسم بالكمبيوتر اللي يسمونه وايرفريم هذا تشوف أسطح وزوايا المبنى بس تشوف من خلاله .. بعدين مسوي الظلال رسم يدوي وخلفية السماء والغيوم والأشجار رسم يدوي وماسح الخطوط اللي لازم تكون مخفية .. طالع لوحة فنية خيالية .. مزج بين الفن اليدوي والرسم الهندسي بالكمبيوتر .. هذا قبل كانت قدرات الكمبيوترات بسيطة وصعب تجيب كل هاللوحات والصور كمبيوتر وتظهرها .. يمكن الإظهار أو ما يسمى رندرنغ ياخذ معاك يومين أو ثلاثة والكمبيوتر يحك حسابات وشغل ويمكن يعلق ويوقف .. ألحين تسهلت هذي البرامج واستويت تقدر تحط وجوه أشخاص على هيئات أشخاص أو حتى صور كاملة لهم في المبنى لدرجة البعض يصدق انها صورة طبيعية
نحت بيت في جبل .. شوفوا في النهاية شلون سوى مظلة من الخشب مغطاة بسقف خرساني بسيط
https://www.youtube.com/watch?v=fyfxB_SqWtc
للي عندهم شاليهات زراعة هذي الشجرة وجوز الهند سهل بالقرب من البحر
https://www.youtube.com/watch?v=Uo2wmE6qElA
والري بمياه البحر
شغل 3 دي على الاوتوكاد مع إضافة المواد والإظهار شغل مرتب لأدق التفاصيل
https://www.youtube.com/watch?v=oq1332L_7U8
هذي حلوة لعمل مستويات الأرض على مجسم ثلاثي الأبعاد .. كأنه يبدو لي كل 1 سم يمثل ارتفاع معين أو إحتمال كل نص سم يمثل ارتفاع متر في الطبيعة أو فوت حسب مقياس الرسم .. وهذي يسمونها خطوط الكونتور كنا نسويها في كورس المساحة خطوط يدوية ومكتوب على كل خط الرقم مثل الورقة اللي كانت عنده وحولها لمجسم ثلاثي
https://www.youtube.com/watch?v=zRE6fGy_Vd4
فنان بوعبدالله :yes:
شكراً كبيرة مهندسات المنتدىاقتباس:
المشاركة الأصلية كتبت بواسطة sara jsm
ألحين الشباب يتعلمون سرعة ويسوون مجسمات أحلى حتى طلاب الجامعة .. عندي بنتي مهندسة كهرباء وحابة هالشيء مسوين مجسم ليد صناعية بطباعة الثري دي وتقول سهل يسوون أي نموذج وفيه مكتبة .. بس راويتها بداية اللي سويته على الأوتوكاد فيه تفاصيل كثيرة الموديل اليدوي أسهل ويبقى وبعد بيكون وجع راس
بديت أسوي على الاوتوكاد بس شغلة مزعجة ويعلق وايد كل ما كبر حجم الفايل وفيه أشياء كثيرة صعب اتحرك فيها بسهولة لأني ما واصلت وانقطعت فترة طويلة
https://www.youtube.com/watch?v=g861tI6zLG4
حد شاف مثلها عندنا والا تتوقعون تنزرع عندنا؟
https://www.youtube.com/watch?v=AETjen5b8G4
مرفق عنوان طلب المخططات للبناء لمن يرغب .. بس أكيد قوانين البناء عندنا والارتدادات تفرق لكن ممكن تطبيقها في أرض شوي أكبر
انا حالياً مسويته جذي مغطيته باسمنت بورد ومصبوغ مع الطوفه ..
ولا حد انتبه اصلا ان هذا مكان اصانصير او شي :playball:
ولا افكر اركبه الا عقب كذا سنة ..
الشك بأن سبب إنهيار العمارة 12 طابق في ميامي كان انشائي بعد تضرر الأساسات من تسريب حوض سباحة في البيسمنت
ما يقدر بوفاة 159 شخص مفقودين والبحث جاري عن أحياء
https://www.youtube.com/watch?v=dP-0alsIytc
خطط بس تركيبه سهل لو كل التمديدات مجهزة ويركبون وصلات حديد للتثبيت والمجرى لكن لو الكهرباء غير أو يحتاج شيء خاص بتدخلون في تعقيداتاقتباس:
المشاركة الأصلية كتبت بواسطة sara jsm
ذيلا عجيبين عندهم فن عمل البلاستر وعلى بلاستر جاهز
https://www.youtube.com/watch?v=AtFOIajKxUM
الفوم هذا قليل الكثافة وممكن ينضغط لذلك يعملون فيه الفتحات هذي الجزئية وقليلة العمق تعطيه كثافة أكثر فلا يهبط وبنفس الوقت يستفيدون من خاصية العزل الحراري منه .. عزل الفوم هذا سمك 5 سم يعادل سمك 100 سم من الخرسانة وكذلك يعطي عزل صوتي جيد
هو أكيد التبادل الحراري بين الأرض تحت والغرفة قليل لكن في الدول الباردة توصل تحت الصفر .. وكذلك مهم عزل الجدران عندنا وعندهم سواء للحرارة أو للبرودة .. تركيب السيراميك لو باسمنت ممكن لكن البورسلان ممكن يكون الإسمنت مضافة له مواد غير ومناسب صعب نحكم
https://www.youtube.com/watch?v=YQ6kT1v0_yg
موضوع التصميم ثلاثي الأبعاد حلو وممتع بس يجذبك ويخليك دايم التفكير في التصميم
المشكلة تعليق الكمبيوتر أوقات وحجم الملف .. بديت أسوي تصميم بيتي وأنجزت جزء بسيط من بعض الشغلات وبواصل
https://www.youtube.com/watch?v=c4dIlVvy_yU
بوعبدالله ليش يعلق الجهاز ؟
هل الخلل في البرنامج او جهازك التعبان :looking:
حرام والله شغفك بالتصميم يوقف عشان جهاز او برنامج !
عيل الناس اشلون يشتغلون ؟
بحبح جيبك :pic:
[جهازي زين وقوي بس أعتقد المشكلة فاتح 8 نوافذ وكل وحدة فيها عدد كبير من النوافذ الفرعية + كنت فاتح الوتس أب والتلغرام + كم فايل بي دي اف سكرتهماقتباس:
المشاركة الأصلية كتبت بواسطة sara jsm
خايف من الشماتة والقصف والا باحط اللي وصلت له لكن خليني أخلص أكثر وبإذن الله نتشارك التعليقات في موضوع مراجعة المخططات المعمارية
المبنى اللي انهار وهو من 12 طابق في ميامي وتحقيقات حول الإنهيار واخلاء مبنى جنبه فيه تصدعات ومشابه له في الأساس .. فيه مقطع لسقوط المبنى
https://www.youtube.com/watch?v=ZbbvAJC313k
الله عليك معماري هالفيديو جا في وقته ..اقتباس:
المشاركة الأصلية كتبت بواسطة معماري قطري
احب الفل وايد :cry2: يذكرني باياام حلوة وبترجع ان شاءالله :shy:
آمين الله يحلي أيامج وأيام الجميعاقتباس:
المشاركة الأصلية كتبت بواسطة sara jsm
انا جربت رش الزراعة في البيت بماي مذوب فيه أسبرين والنتيجة زينة وسريعة ما شاء الله .. كانت عندي كمية مقربة تنتهي صلاحيتها
أعتقد الشجرة مشابهة لشجرة النيم بس طريقة عمل الحماية والمبيد طريقة سهلة وآمنة أتوقعها
https://www.youtube.com/watch?v=cr3DyGpNcic
الطريقة هذي فيها خطورة كبيرة .. ممكن وجود خلل في عمل هذي الوصلات أو ما تتسكر بالكامل والتوفير ما يكون كبير الا في مشروع كبير
https://www.youtube.com/watch?v=6P64z9Zuvtk