المونة بين الطابوق كأنها كريمة بين طبقتي كيك معمول للتصوير الدعائي .. صج شغل أبو أسد
عرض للطباعة
المونة بين الطابوق كأنها كريمة بين طبقتي كيك معمول للتصوير الدعائي .. صج شغل أبو أسد
من أبو اسد؟؟؟؟؟اقتباس:
المشاركة الأصلية كتبت بواسطة معماري قطري
ههههه هذي مقولة اليمني في الفيديو وانا اكررهااقتباس:
المشاركة الأصلية كتبت بواسطة SouthK
نصيحة لكل واحد يبني ليستخسر في عزل زين مب مسألة توفير في هذا الوقت الكهربة ببلاش بس المسئلة مسئلة ارتياح حراري والبيت بسهولة تقدر تبرده أو تدفيه .. حماية للهيكل الخرساني من الضغوطات الحرارية وكذلك لغلاف الطابوق الداخلي من تأثيرات الحرارة والشلوخ .. فوق هذا المكيفات تشتغل براحتها ولا تتعطل وايد .. وبعد فوق هذا في أي لحظة ممكن يطبقون رسوم على الكهربة
ملحق السطح تحصيل حاصل أساسات عندك موجودة وأعمدة تمديدها سهل ويكفي .. صدقني خسارة بيعرفها بعدين الواحد يسوي على الأقل شقة كاملة لأحد الأبناء لو كبروا ولا فيه داعي للتشطيب الغالي أو ممكن يخلي التشطيب أي وقت يقوم به
https://www.youtube.com/watch?v=N33CFVzeaiM
المشكلة يبو عبدالله ان اللي يبني ينجلط من الاسعار اللي يطلبونها حقين الشغلات هذي. فالمفروض يصير فيه تسعيرة من الجهة الرقابية.. لكن للأسف هم شركاء ف الاثم مع المؤسسات.اقتباس:
المشاركة الأصلية كتبت بواسطة معماري قطري
لا يوجد الشخص ينصح و لا شخص يقدم معلومة .. اشلون بتحصل من يطبق؟؟؟؟؟؟؟؟اقتباس:
المشاركة الأصلية كتبت بواسطة معماري قطري
شفت كم تسعير يا اخوي ومن الفترة الأخيرة شفت تسعير بنيان لبيسمنت وأرضي وأول وبنتهاوس وواضح الفرق البيسمنت كان متره حول 1500 ريال والأول والأرضي حول 850 ريال والأرقام فيها عشرات ومئات ما اذكرها لكن قريب للألف .. البنتهاوس كان بحدود ال 500اقتباس:
المشاركة الأصلية كتبت بواسطة سالم الزهران
الظاهر الإرتفاعات تفرق وبعدين مواد التشطيب المطلوبة تفرق
ألحين انا في تسعير صيانة بناية قديمة صغيرة ست شقق من ثلاث أدوار كل دور شقتين .. حتى الدرايش قبل الألمنيوم عمرها حول 45 سنة وكانت مشتراة ذاك الوقت أعتقد ب 400000 وكان مبلغ كبير على وقته .. على عمرها دخلت قيمتها مرات عديدة والحمد لله بس الحكومة طلبت هدمها .. وطلبنا رخصة صيانة ووافقوا لنا .. الهدم بسبب القدم وبأنها آيلة للسقوط وما بيعوضونا ولو بنبني بنصفي على شقة لكل دور بعد استقطاع جزء بيعوضونا عن الأرض فقط وبيقررون ارتدادات للبناء الجديد تخلي الأرض وايد صغيرة
المهم ألحين في تسعير الصيانة جاتنا تسعيرات من حدود 700000 الى حدود 250000 والعملية تدخلوا فيها الاستشاري المشرف وضامن صيانة المبنى ومتانته للبلدية والمسؤول عن البناية وتأجيرها هو اللي أعطى أعلى سعر وانا جبت مقاول ثالث مجربه قبل عطاني 220000 بس الاستشاري طلب منه بعض الشغلات واقنعني بها ووافقت ارتفع السعر الى 250 الف ريال
القصد من السالفة فوق السعر تتحكم فيه بتنازلات عن بعض الجودة وتحديد مواصفات كاملة ومقبولة والسعي عند مقاولين جيدين وعادي تشوف أسعار من مختصين ومن استشاري ومن شركة وساطة عقارية .. بعدين تفرض ذوقك .. مثلاً فيه دريشة طويلة للدرج عليها مشربية طابوق أو جبس مزخرفة زخرفة قديمة هذي ما تحصلها ألحين .. طالبين إزالتها وانا شفتها زينة تتغير الدريشة بس هي تتعالج وتنصبغ
التكييف وندو ولازم له تغطية وارخص شيء البلاستيك أو الفيبر والأغلى تغير نظام التكييف الى سبلت وهذا اوبشن باطلب له تسعير لو يستاهل بنسويها بهالطريقة وبنأجرها مكيفة بإيجار أعلى إن شاء الله
بالنسبة لتسعير المقاولين نصيحة اللي بيطلب تسعير بدون حساب كميات يطلب تسعير للمراحل مع ذكر المقاول للأعمال وطريقة تنفيذها والوقت .. حتى لو هو حاط مواصفات ملزمة ياخذها بلسان المقاول مكتوبة وواضحة
مثال انا ابغي مرحلة الحفر بنفسها .. ومن يستلم الاستشاري الارض محفورة ابغي أشوف مواقع الأساسات والأعمدة مرسومة برش على صبة النظافة وواضحة ومحددة بالخيط أو بالليزر حسب إختياري .. ذيك الساعة يقرر الاستشاري ويوقع على دفعة الحفر وأدفع له بعد خصم أي قيمة مدفوعة مسبقاً من الدفعة المقدمة أو محجوزة لدفعة الصيانة
هشكل الدفعات تكون فيها أريحية وتكون قليلة والإستشاري والمقاول عارفين مسار العمل ومتى تنتهي كل مرحلة وكل مرحلة شمطلوب فيها وكم تكلفتها بالضبط
فرضاً العقد يقول لو فيه ماي بتكون تكلفة سحب المياه وعمل منهول جانبي لتصريف أي مياه مستقبلية عليه وعمل أنابيب صرف حسب المواصفات والمخططات بيكلف كذا .. وممكن نطلب هذي إحتياطية خصوصاً لو بنسوي بيسمنت وحتى لو ما طلع ماي .. لكن لو فيه ماي تنحسب التكلفة بالمتر المكعب وكم نقلة يشيلها الدنكر وكم متر مكعب بيشيل وتكلفتها طبيعي تنحسب بعدين والأيام الإضافية لتوقف الشغل أو الشغل الزايد تضاف لفترة المرحلة
هذي الطريقة تريح الاستشاري والمقاول وكذلك المالك يعرف شاللي له واللي عليه
يعني المقاول هو اللي يحدد تكلفة أعمال كل مرحلة ويتم التوافق عليها بين الثلاث أطراف
ممكن تفاصيل اكثر و شرح اوسع؟؟اقتباس:
المشاركة الأصلية كتبت بواسطة معماري قطري
حسب عقدك يا اخوي والعقد المفروض انت تفرضه على عدة مقاولين اللي بيسعره وبيوافق على بنوده بتتفق معاه .. شارح كل شيء في موضوع العقود المثبت بس هذي الطريقة تختلف شوي .. إختلافها هو بدال ما انت تسوي حساب كميات تطلب من المقاولين يحطون تقديراتهم لكل مرحلة من البناء ويسجل بكتاب واضح تفاصيل الشغل اللي إنت أصلاً طالبهااقتباس:
المشاركة الأصلية كتبت بواسطة SouthK
أكيد بيضيف مخططات البيت وتفاصيل التركيب اللي سويتها أو سواها الاستشاري وشروط عقدك الأساسية هو بيضيف بس خطته للعمل وجدوله الزمني مع المالي اللي يشوف هو يستحقه .. في النهاية يجيك الإجمالي اللي عليك تدفعه .. مع الدفعات لكل مرحلة والدفعة المقدمة .. شغل الاستشاريين اللي يبغونك تنسرق ولا يبغون شغلك منظم يقولون لك ما له داعي لأنه شغل بيحميك وقانوني وبيخليك تتابع صح والإستشاري ملزم بالمتابعة حسب عقدك معاه وحسب هذي الجداول .. أسهل له ولك وللمقاول كلٍ عارف شعليه وحقه وواجبه
اللي شلته انت بتتفق عليه مع مقاولين غير مثل الأبواب والدرايش والجبس ولو تبغي هذي الأشياء يسويها لك حتى يحق لك تطلب هو يجيبها من مكان معين بالإسم والنوعية المحددة .. ممكن هو يحصل لك أسعار أحسن حتى لو بياخذ عمولة تطلع تكلفة الشغلة أرخص لك وبدون وجع راس .. وبتكون عندك أريحية شتشيل من العقد وشتخلي على المقاول واللي بتشيله تتفق على شروط مسبقة لتنظيم فتحات الأبواب والدرايش حسب المواصفات اللي تبغيها وحماية الموقع لو ركبت القطع
هذي أمور كلها مهمة
تجي للتسعير على سبيل المثال سعر المقاول مليون والدفعة المقدمة 100000 أو 10% وكل مرحلة سعرها لك غير مثلاً الأساسات 5% .. أو 50000 للدفان .. هذي تاخذ منها 5 أو 10% حسب اتفاقك لدفعة الصيانة وأكيد حسب شروط العقد .. ما طلبت دفعة صيانة من الأساس ما فيه مقاول بيرضى بها بعدين ولا بتقدر تربطه بالمشروع .. لو كانت الأُمور كلها صحيحة من البداية بتاخذ خل نقول 5% 2500 ريال بتخصمها من الخمسين ألف بتستوي 47500 فوق هذا بتخصم لو فرضاً مقسم بيتك لعشرين مرحلة بتخصم بعد 5% 2500 ريال تفترض إنه سحبها من ال 100000 ريال الدفعة المقدمة وبيستوي يستحق 45000 من ال 50000 اللي له.. تبقى من الدفعة المقدمة عنده 97500 وتستوي انت إحتجزت للصيانة 2500 ريال .. وإحتجازك من كل دفعة 5% يوفر لك مبلغ 50000 من المليون للمقاول تبقى عندك فترة بعد متفق عليها وفي العادة في قطر تسجل 400 يوم لو ما احتجت لصيانة تدفعها للمقاول مخالصة ولو إحتجت لصيانة وصيانة مستحقة بسبب سوء العمل تطلبه وهو يجي يصلح لك لأنك حاجز مبلغ مستحق له
البعض فهلوي أوي يقول لو سويت جذيه بتزيد علي الأسعار .. صحيح بتزيد لو رايح لمقاول واحد وتتفاوض معاه لكن لو حاط هذا شرط كل مقاول بيحاول ياخذ المناقصة بينزل سعره للحد الممكن وبيرضى بالشروط أو بيتفاوض فيها .. للحكومة غير يعطونه دفعة مقدمة وياخذون منه ضمان بنكي بقيمة محتجزة تعادل هذي الدفعة والضمان ما يقدر يحركه من البنك .. للأشخاص الضمان شيك موقع بدون تاريخ والتوقيع مطابق ومؤكد من البنك يعني فعلياً المقاول ما احتجز عليه مبلغ وعنده سيولة الدفعة المقدمة يمشي فيها نفسه وكثير مقاولين حتى ما يحتاجون الدفعة المقدمة
في المرحلة التاسعة لو مقسم المراحل على 10 مراحل بتكون النسب 10% بتكون محتجز 45000 للصيانة وهو مستهلك 90000 من ال 100000 المقدمة
المراحل تحددها انت في يدك أو يحددها الإستشاري .. مثلاً تقول تجهيز الأرض والحفر .. تسوير مؤقت أو دائم بس محدد بطابوق حسب مواصفات معينة ورسومات وتفاصيل مع بوابات شينكو + الحفر للأساسات + بناء أو إحضار كبينة حارس بمواصفات معينة ومكتب لو تبغي وتكييف ودورة مياه للعمال .. تقدر تعتبر هذي مرحلة
وتعتبر الإنتهاء من صب الأساسات مرحلة غير والدفان والدك مرحلة غير .. وتقدر تعتبر كل هذي مرحلة وحدة هي مرحلة التأسيس وتحضير الموقع .. كثرة المراحل يعني دفعات أكثر وأسرع وأقل وقلة المراحل تعني فترات أطول .. انا أشوف 20 مرحلة تقسيم أفضل من 10 للي موجود ومتابع وحتى اللي مب موجود يقدر يتابع ألحين اونلاين والدفعات تكون حتى اونلاين الأُمور تسهلت وايد
منتشرة فيديوهات لتصوير صبغ يقال إنه عازل للحرارة وتوجه عليه كيمرة قياس الحرارة وهذي تقيس حرارة الأسطح فقط وليس المحيط .. اللون الأبيض أي لون وأي صبغ درجة سطحه دوم متدنية وما يختزل الحرارة لكن الحرارة تمر منه للداخل ولا يعزل .. يعكس الأشعة ولا يختزل الحرارة لكن يمرر حرارة المحيط حوله
المسوق لهذا الصبغ استغل هذي الميزة الموجودة في كل الصبغ ( الأبيض ) حتى الجص القديم والجبس ليسوق لنوع من الأصباغ بأمانة وهو بعيد عن الأمانة ولا تعمق علمياً في الموضوع ولا قال أي لون أبيض فيه نفس الخاصية
هذا فيديو يوضح ما قلت وبنفس الوقت لو قسنا درجة حرارة سطح مبنى أبيض بنحصلها غير ووايد أقل من مبنى لون غير وكلما زادت عتامة اللون زادت حرارته .. بس داخل توصل الحرارة أعلى
https://www.youtube.com/watch?v=T1C7wrj3LDY
شغل نظيف للارصفة فرق عن شغلنا التعيس
لاحظوا بعد الدك والردم والخرسانة بعد حددوا فتحات فتحة لكل 2 متر مربع عملوها بالدريل الكبير وحطوا داخلها بحص صغير هذي الغرض منها لو تسرب ماي ينزل لباطن الأرض
https://www.youtube.com/watch?v=Z0JgSt2nCPg
هذي مشاكل سخيفة ما تصير عندنا لأن القوانين تحمي الجار .. حتى جدران البيسمنت تكون نازلة ومحمية
https://www.youtube.com/watch?v=vmaAchgTIbM
هذا ردي في اليوتيوب على المهندس
الطابوق هذا عازل قوي لا تتفاجأ يا اخوي .. لكن تقديراتك غلط الحرارة نزلت قليل وأكيد بتكون كفاءة التبريد أكبر لأن معدل التغير الحراري بيكون قليل .. لو جربت نفس التجربة مع طابوق متأكد بتحصل نفس النتيجة .. لكن بما إنك عندك هذي الكاميرا الكاشفة للحرارة جرب مبنى معزول ومكيف وقول لنا درجة الحرارة في الخارج كم والداخل كم ووجه الكاميرا لنقاط الضعف أو الجسور الحرارية مثل زوايا السقف ومكان الجسور الغير معزولة وقارنها بالجسور المعزولة .. وجه الكاميرا جهة أطراف الطابوق وأماكن المونة وجهة النوافذ حتى تعرف الناس بمصادر دخول الحرارة أو البرودة .. كذلك لا تنسى الأرضيات
https://www.youtube.com/watch?v=E_ADVVJySW8
إحترت وين احط هذا الفيديو حطيته في موضوع الصحة وهنا لأن فيه بنيان
https://www.youtube.com/watch?v=xW_jPa2TsGo
أنصح بمتابعته .. الموقع خيالي والتصميم متقن .. مستغرب كيف قدروا يركبون الجسم الخرساني الطويل هذا لو جابوه مصنوع في معمل وجاهز .. أو لو مبني في الموقع كيف ما بينت أي فواصل انشائية .. لاحظت في آخر الفيدو كراك قوي والظاهر الأسبان شغلهم فيه قصور لكن باقي الشغل وايد حلو
https://www.youtube.com/watch?v=jJc0_WyvIuI
هذي طريقة تركيب بايب لبيسمنت ولخزان جمع المياه تحته لتصريفها خارجاً .. هم يعرفون يتعاملون مع المياه ودوم عندهم اللي يسمونه كرول سبيس أو فراغ الزحف تحت تمدد في الخدمات .. إحنا ندفن وندك ونخسر فراغ مهم كنا نقدر نستغله ومب شرط يكون مشطب وجميل المهم يكون عملي ونقدر نبعد المياه عن أساساتنا وأسفل بيتنا
https://www.youtube.com/watch?v=-0wbFoAfBz0
معك حق ابو عبدالله، أحياناََ اذا أساس البيت والأرض ما اندكت عدل وانعزلت الانشاءات بصورة صحيحة،، اظن أهون لو يسوي بيدروم أو ويستغل المساحة مع أننا وخليجنا ما تمشي معنا شغلة البدروم او السراديب هذي..
بس اعتقد ميزتها ان تخت البنيان يصير مكشوف وتقدر تحل بعض المشاكل،. يتراوى لي.
سهولة التعامل والوصول للمعدات الخاصة بالمياه وممكن التكييف .. سهولة يكون عندك مكان تخزين خل نقول إضافي .. سهولة التمديد وعمل تعديلات للدور اللي فوق .. حتى تقدر تحط عندك مضخات مياه محمية وعندك مكينة كهرباء لو الكهرباء تتعطل أوقات إحتياط على الأقل لتشغيل المصعد مثلاً ومضخة ضغط المياه وكم لمبة نور .. في النهاية الدور بيكون انت أصلاً مسويه ودافنه بدون استفادة .. بتوفر الدفان وصبية الأرضية للدور الأرضي ممكن تكون خفيفة وتقدر تعمل دعامات في كم مكان بالطابوق الخالي لتدعيم الارضية فما يحتاج تسلحها بثقيل .. وممكن تخلي الأساسات مكشوفة بسهولة تفحصها والخرسانات والطابوق بدون تشطيب ولا تكييف تحتاج تهوئة ومروحة شفط لشفط حرارة التكييف وتغيير الهواءاقتباس:
المشاركة الأصلية كتبت بواسطة سالم الزهران
أذكر واجهت نفس الوضع في بيتي الحالي بس حسيت إن المقاول لو وافقت على اقتراحه بيطالب بمبلغ كبير وبيستغلني لو مقرر اسويه من البداية غير .. أرض بيتي كانت نازلة من وراء والحفر للأساسات استوى تحت مستوى مترين وزيادة وما كنت مخطط مثل خطتي ألحين لتصميم البيت الجديد
جزاك الله خير على تعقيبك يبو عبد الله
وجزاك الله بما دعيتاقتباس:
المشاركة الأصلية كتبت بواسطة سالم الزهران
https://www.youtube.com/watch?v=Zjp7ANgLKkc
https://www.youtube.com/watch?v=cTbqUhL-nK8
هذي الشقة عذاب بس وقت الأعاصير ما لك الا الشردة ويمكن تنتهي 25 مليون دولار في لحظة