https://www.youtube.com/watch?v=XNVAv451awY
عرض للطباعة
تصميم تم تعديله بواسطة مصمم داخلي لتتناسب المساحات واحتياج العائلة الصغيرة
https://www.youtube.com/watch?v=M6U-nCPBOI0
هنا المهندس قاس الحرارة الخارجية لجدار كانت 52 ولجدار ثاني نفس الوقت وكانت نفس الدرجة 52 وكان معزول الأول غير معزول الحرارة في الظل 44 نزلت 8 درجات وفي الثاني المعزول كانت داخل 34 والفرق 18 درجة
https://www.youtube.com/watch?v=9CSGAMieitk
تابعوا مع ولد معتوق هذا القصر المحترم في ميامي
https://www.youtube.com/watch?v=Pmcu1oieW-0
هذا مشروع غبي و بياخذ الترتيب الأول في اغبى مشروع في العالم. وما قالت بالمشروع واللي يدعمه
تدري ليش ديزني لاند في كاليفورنيا الأولى وديزني وورلد في فلوريدا الثانية ناجحين؟اقتباس:
المشاركة الأصلية كتبت بواسطة سالم الزهران
الجو يشجع طول السنة هناك وفي فلوريدا موسمها الشتاء والربيع أكثر وتزدحم الصيف موسم أقل شوي .. انا يمكن زرت اللي في فلوريدا حول 10 مرات واللي في كاليفورنيا مرة بس ما تشجعت ادخلها صغيرة وكنت تعبان شوي العيال راحو وانا ارتحت في الفندق
المدن هناك والمحيط والبنية التحتية تشجع من فنادق وجو ومدن حية ليل ونهار وهذا كله ممكن عندنا .. أتوقع مع التخطيط الجيد ولو استثمروا شوي في تكييف المناطق وعملها مغلقة وقابلة للفتح وقت الأجواء زينة بتنجح نجاح باهر .. السكان الموجودين قريبين من المنطقة كثيرين حتى الأوروبيين يسافرون بكثرة لفلوريدا وكاليفورنيا صيف وشتاء ويقطعون تسع ساعات أقل شيء طيران .. الخليج لهم وايد أقرب بين 5 و 7 ساعات واختلاف ثقافات .. المهم والأهم هو الفعاليات ومحتوى المدينة الترفيهية وأعتقد إنها بتكون نسخة من 6 فلاغز كلها ألعاب وهذي قليلة الشهرة وفي الغالب لسن من 10 الى 20 سنة ديزني للجميع حتى للأطفال الصغار بحدود سنتين وثلاث
الموقع اللي مختارينه حلو وسهل الوصول له وممكن يتطور صح
https://www.youtube.com/watch?v=OB7c-wCa2WQ
نصيحة بخصوص المظلة القماشية هي شكل صحيح لكن تجمع الغبار وتنزله مع المطر مثل الطين ومع مرور الوقت تتمزق من العوامل الجوية تقدر تسوي عمودين حديد وجسور حديدية ترتبط بالخرسانة الموجودة .. هذي الأعمدة والجسور تقدر تغطيها بقطع اسمنت بورد مستقيمة حماية للحديد وتعطيك شكل متماشي مع تقاطيع البيت .. يبقى عندك السقف بيكون معدني ( corrugated sheets ) وبيكون مخفي بالجسور الحاملة وخفيف وإحتمال كبير التكلفة تطلع أرخص من القماشية
منافذ دخول النمل الأبيض وغيره من الحشرات الصغيرة للمنازل متعددة وهنا يستعملون غشاء خاص صناعي للف البايبات قبل صب الخرسانة فلو كانت مفصولة نوعاً ما بالبايب لا تتمكن هذه الحشرات من الدخول لوجود هذا الغشاء
https://www.youtube.com/watch?v=MbyLy0---AU
فرعون يبني طابتهاقتباس:
المشاركة الأصلية كتبت بواسطة معماري قطري
وبخت نصر يبني حديقته
والى جهنم أجمعين
كلٍ بنيته إحنا لنا الظاهر البناء والتطوير شيء مفيد وضرورياقتباس:
المشاركة الأصلية كتبت بواسطة سالم الزهران
هذا الطابوق هو نفس السيبوريكس وهذا باني البيت بدون أعمدة بالكامل والتحميل على الطابوق .. بيقول لي واحد ما يصير .. تقريباً في سنة 2000 شفت بيت ينبني في المرخية كان لواحد يعرفه رفيجي من عائلة المسند وكان جايب الطابوق من الكويت .. يستخدمون للصقه نوع أبيض من البتومين ومبني بدون أعمدة ومركبين الأرضيات هولوكور جاهزة من قطر ردي مكس .. شغل بو أسد
https://www.youtube.com/watch?v=-v9cS-p7PCA
مشروع جميل .. أهم شي انهم يوفرون بيئة مناسبةاقتباس:
المشاركة الأصلية كتبت بواسطة معماري قطري
اشكر حياتك اخوي معماري!اقتباس:
المشاركة الأصلية كتبت بواسطة معماري قطري
لو عندهم مصادر يعرفون كم كلفت دزني بمجاميعها في العالم وشلون صيغة العقود مع هونغ كونغ مثلاً وفرنسا ومع ملاك الأراضي في فلوريدا لأن هذي التوسعات الحقيقية لهم والأساس اللي في كاليفورنيا .. هم يسوون دراسات ويطلعون سعر كل مكان بشكل تقريبي كم كلف في وقتنا الحاضر وكم دخل على هذي السنوات .. بيستفيدون أكثر لو تديره شركة والت ديزني لأن هذي الشركة في الأساس كانت شركة رسام مبتكر الرسوم المتحركة وغالبية الألعاب أفكارها حول الرسوم المتحركة بعدين طلعوا صوب الأفلام والابتكارات الثانيةاقتباس:
المشاركة الأصلية كتبت بواسطة SouthK
اللي في فلوريدا تتطور كل سنة وتتغير بإضافات وايد أحلى وإبتكارات
العفو يا اخوي والله يوفقكاقتباس:
المشاركة الأصلية كتبت بواسطة SouthK
إحنا في قطر محظوظين إن عندنا ناس تنتبه للمشاكل المتوقعة للمباني وتصلحها بسرعة والحكومة صارمة في هالشيء .. من المباني اللي تأثرت بصدأ الحديد والرطوبة مبنى البريد بس عالجوه صحيح شوي متأخر وأعتقد أتموا العملية
https://www.youtube.com/watch?v=pgz5Xq4GUio
روعه الشغل نفس شغل بابو وراجو عندنا :thumbdown:اقتباس:
المشاركة الأصلية كتبت بواسطة معماري قطري
ممكن ليش لا الشغل يتشابه لازم وحتى التصميماقتباس:
المشاركة الأصلية كتبت بواسطة sara jsm
بانشدك معماري دام هواك امريكي ..
البيوت في امريكا ليش اغلبها من الخشب ؟
ليش ماعندهم طابوق واسمنت ؟
اشوف الاعصار اللي ضربهم من يومين نسف البيوت كلها ..
شال السقف كامل وطيره ..
الخشب رخيص وخفيف وهو المادة المتوفرة وسهل التعامل معاها خصوصاً للأسقف ولو يبنون طابوق وخرسانة وحديد لازم يدخلون الخشب خصوصاً في السقف .. لو خف السقف يقدرون يخففون باقي العناصر .. بعدين الخشب مجرب ويعيش مئات السنين عندهم وبلا مبالغة مئات يعني عادي 400 أو 500 سنةاقتباس:
المشاركة الأصلية كتبت بواسطة sara jsm
من طرق حماية الخشب دهنه بزيت أو شحم أو حتى حرق طبقة منه وهذا في السابق وألحين طرق حديثة كثيرة
الأمريكان تهمهم المادة كثير ويوفرون ويحسبونها صح .. الأعاصير تصير وقليلة لكن ممكن البيت تمر عليه مئات السنين ولا يمر عليه إعصار ومستحيل بناء خرساني يعيش مئات السنين عمره الإفتراضي ينتهي
الطابوق ألحين يستخدمونه بكثرة بس الأسقف خفيفة وخشبية ومغطاة بمواد صناعية خفيفة أو بقرميد
شوفي المبنى اللي طاح ووايد مباني تنهي بسرعة تكون خرسانية .. اللي خرسانية هيكل داخلي ومغطى بقزاز والمنيوم ذي تختلف محمية أكثر وتعمر بحدود معقولة وأكيد حق ارتفاعات عالية ما فيه الا الخرسانة والحديد ويمكن مواد حديثة مشابهة الخشب ما ينفع كلش
يمكن قليلين يعرفون إن منطقتنا ذي الخليج العربي بضفتيه كانت المادة الأساسية في البناء الخشب بس الخشب انتهى مع تصحر المنطقة من استعمال الناس للخشب في البناء وفي التدفئة والطبخ .. وهذا حسب دراسات جيولوجية ولفترة قديمة جداً تقدر بآلاف السنين
السلابات المشدودة لاحقاً ( post-tensioned concrete slab ) صعوبتها في دقة بناؤها وبدون أي أخطاء وبعدين فيه طريقة ربط خاصة للكيبل المشدود في النهاية .. أعتقد سقوط جسر المشاة المعمول في ميامي كان سببه عدم ربط أحد الكيابل صحيح وكان الغطاء اللي يجمع كيبلين ويثبتهم في آخر الجسر الخرساني غير مشدود كفاية .. ممكن سابقة الشد شوي أسهل لأتها تنعمل في المصنع
https://www.youtube.com/watch?v=FiELAiiLe9c
هذي طريقة سهلة ومهمة لعزل أول صف طابوق أياً كان نوعه من الرطوبة الخارجية والداخلية لا يمتصها من الأرض حوله أو من الأساسات اللي تمتصها من الأرض أو من جهة الداخل صوب الحمامات والمطابخ أو وقت غسيل الأرضيات .. لو بنطورها أكثر ممكن صوب الأماكن الأكثر رطوبة ننزل العازل على الجنب أكثر ولو بنزرع ملاصق للجسور الأرضية ضروري نعزل جوانب الجسور الارضية .. بس لو بنحط نايلون سميك يؤدي نفس الغرض لفترة معينة وأقصد على الجوانب الوجه الأُفقي أفضل نسويه بهذي الطريقة
https://www.youtube.com/watch?v=ywZuiXvEP7Y
والله ماقدرت اكمل الفيديو اللكنه الهنديه في اللغه الانجليزيه ترفع ضغطي ..
احس بتلوث سمعي مب طبيعي :cry2:
شيء بسيط انا فهمت كل كلمة من اللي يقولهم وايد أحسن من غيرهاقتباس:
المشاركة الأصلية كتبت بواسطة sara jsm
إنتي متعودة على لكنة الخور وما جاورها .. بس وين عن العرب اللي يلفون ويدورون ولا توصلين للمعلومة اللي يبون يقولونها هذا مباشر ولا يطول .. تدرين حل زين قصري الصوت وحطي الترجمة بالعربي
شغلته تأكدت منه فيه ترجمة
للي ما يعرف يروح للإعدادات يمين أسفل شاشة اليوتيوب ومنها بروح لسآب تايتلز يقدر يخليها بالانجليزي لو يحب ويضغط الزر المكتوب عليه cc مب السيسي رفيجنا غير هذا يطلع الكلام مكتوب ولو اخترنا الترجمة يطلعها مترجمة
عاد بعض اليوتيوبات فيها بعضها لا
بالضبط وتقدر تسرع المقطع
مشكور إخوي على الإضافة المهمةاقتباس:
المشاركة الأصلية كتبت بواسطة سعود.