المشاركة الأصلية كتبت بواسطة معماري قطري
أتوقع قومة وقوة وعزم وأداء .. مكاين التيربو دوم تجي مضغوطة وقوتها أعلى والتيربو يدخل هواء أكثر وإحتراق أكثر بوقود شوي أقل مقارنة بمحرك شبيه بتنفس طبيعي بس مشاكلها وصيانتها أصعب وفيها تعقيد أكثر .. الله أعلم شكثر سووا عليها تجارب وواثقين منها التيوتا وأتوقع الإنتاج الأولي ما دام ما وقفوا النوع العادي يعني إن التجارب ما زالت مستمرة
المرسدس بعد تجربتي لها 8 سلندر 4000 سي سي وقوة 450 حصان وعزم أتوقع فوق ال 500 نيوتن في المتر ضبطوها الألمان بس عيبها واحد في الحر ولو دست شوي هو حرارة المكينة ترتفع .. وحرارة التيربو أكيد أكثر ترتفع وقبل كان التيربو يبرد بآيل المكينة ويحتر وايد لو سرعت مثلاً مدة نص ساعة سرعة قصوى تحتاج توقف وتبرد والا تخفف وتمشي بدون دوسات قوية تشغل التيربو والتيربو كان يشتغل من حد معين لدوران المحرك 3000 مثلاً وتحصل بداية القومة مثل اللي تطيح السيارة بعدين تطلع شياطينها
تغيرت التكنولوجيا واستووا يسوون تبريد داخلي للتيربو وبالماء بدال الآيل واستوى يشتغل من الصفر ولا تفكر في مشاكل الحرارة العالية وربما الأعطال
عندنا ألحين وهذا الوقت صعب تسرع طول الوقت تحتاج دوسات بسيطة بس وإن شاء الله تثبت وجودها المكاين الجديدة وأتمنى تجي اللكزس مثل مكينة المرسدس أو البي ام 8 سلندر وصغيرة شوي وتوين تيربو .. مسوي لوك على اللكزس خلاص وبابيع القديمة عندي لو نزلت الجديدة وعجبتني وما ذلوني بالحجز والسوالف ذي .. الكروزر كلش ما عجبني قارنت بينه وبين اللكزس القديمة وايد اللكزس أحلى وأريح وفيها مواصفات ولا مرت على الكروزر
