. {{{ معـرض وكـراج شبكـة الاسـهم القطريـة }}} .

اقتباس:

---

المشاركة الأصلية كتبت بواسطة نفسي عزيزه

لاتخليني بروحي بدون سياره اذا بتاخذ شي قولي ههههههههههههههههههههههههههه

ولا تهورت وبعت الهولكس وخذت الهولكس الجديد السته سرندل

سرندل :thumbup1:

---

الـــــTRX العادي يوصل الشهر الجاي احسن من الهلكس و ارخص من الأسعار الخيالية مالت الـــLaunch Eddition

اقتباس:

---

المشاركة الأصلية كتبت بواسطة Dana’1

https://j.top4top.io/p_1888o7hfd0.jpeg

---

هاي اس ار تي زوينه لج يا دانه

و في ديمون و في هل كات و في Red Eye هذولة اعلى من الأس ار تي و كلهم وكالة فما بالكم باللي برع

اقتباس:

---

المشاركة الأصلية كتبت بواسطة .قطر.

يقول الارقام رسميه وهاي شي ممتاز نفس الحجم بس اوسع شوي حجم زين حق السواقه واوسع يعني سمن على عسل
شكله بيكون البدي سيييده مافي نفخات نفس الحالي جنه فراري ههههه

يبقى النيسان اوسع من داخل وحجمه عائلي بس ملموم شوي مب دفش نفس اليوكن

بس اتمنى مب دفريشن ينرفز ياخي

كم مره قلت اوسع انا افتر مخي وانا اقرا ردي هههههههه

---

هههههههههههههههههههههههههاي انت عجيب

اتوقع اوسع من الداخل تحصلهم عدلو مني مناك زحموا الطلبون قدام وسعوي لعبتهم اليابانيين هههههه بس كعرض نفس العرض والطول لكن التنده ارفع عشان ماتحك الكوبرا او الترمبه فالتنده ههههههههاي

اقتباس:

---

المشاركة الأصلية كتبت بواسطة ya3coub

الـــــTRX العادي يوصل الشهر الجاي احسن من الهلكس و ارخص من الأسعار الخيالية مالت الـــLaunch Eddition

---

هلا ومسهلا بالغالي مهندسنا

سياراتك واختياراتك يالذيب 5 ستار

طبعا ماتقارن الدوج الي تقصده بالهايلوكس لان الهايلوكس موتر بسيط حق كرف ومكده عكس الدوج الي تقصده موتر قوي ريس متانه

الهولكس يتحمل الكرف لين اخر روح من عمره عادي يعطيك 25 سنه يزهقك عيشتك واغراضه رخيصه تدري مسوي له برمضان تشيكة ال 80 الف بدلو كل شي فاتوره شطول ب 1800 ريال هههههههههههههه

عكس الدوج طبعا تسوي له صيانه كامله بمبلغ وقدره عن تحربه طبعا الموتر عند الربع حلو بس صيانه تعطيك مبلغ وقدره

اليبانيين مواترهم غاليه وسومانهم رخيص
الامريكان مواترهم ارخص لكن قطعهم اغلى

وبس :o

اقتباس:

---

المشاركة الأصلية كتبت بواسطة نفسي عزيزه

يامرحبا فيك يابوعبدالله اضافتك دايما حلوه ومميزه بحكم تجاربك مع الالماني


انا باعطيك رايي مع تجارب الياباني والالماني اضافه بسيطه

لو ترجع للتاريخ ورى الثمانينات مثلا تشوف اليابان كانت صرخه وقوه وطاقه وكانو الامركيين يشترون السيارات اليابانيه بسبب اعتماديتها وهذا الكلام حتى حطوه بمقابله مع قناة الريان وفي اكثر من محللين امريكيين ذكروه يقول لك الزد غزت امريكا والسوبرا والكرسيدا والسيدرك

كانت سيارات تشتريها انت تمرض وهي ماتمرض ههههه

الزدات بكل شارع في امريكا ولحد الان اخوانا اهل الكويت يستوردونها من امريكا موديلات السبعينيات والثمانينيات وسياره قويه تلعن شكلها خطوط ومحافص مايصيدها شي وعندنا اخونا بالسناب الرحال الكويتي يسافر اروبا على زد حمرى موديل 1982 تقريبا

هذا للياباني

الالماني انا جربت المرسيدس والامريكي كابريس وبعض سياراتها السبورت والجمس والدوج والموستنق ماقول لك شي غلط لا بالعكس كانت مواتر متينه مثل الكابريس والكاديلاك بس عمرهم مب مثل الياباني اذا جيت تحكه خطوط والمرسيدس اقلهم اعتماديه انا جربت الشبح 1998 ومرسيدس شبه مخزن 1988 كلهم ممتازين بس مافيهم قوة الياباني كأعتماديه وسعر رخيص وليس كسرعه لان ماينصاد الشبح هههههههه

ايه ع ايام خط الشمال ماكان فيه الا رادار الشيخ عبدالله بن خالد الله وكيله مرسيدس اس ال من دوار الشمال لين دوار الجوازات ذيك السنين على نفس الدعسه تخيل المنظر والسرعه وهو 500 :eek3:

الالماني سرعه بس اغراضه غاليه وفيه مشاكل اذا استمريت تضغطه استعمال يومي

الخلاصه كتجربتي المتواضعه مع السيارات اشوف الاعتماديه من الثمانينات لليابان ثم امريكا ثم المانيا

اعتماديه وليست سرعه وفخامه لان اليابان اخر سياره للسرعه والفخامه امام امريكا والمانيا خصوصا الثمانينات والتسعينات

وبس :oops:

---

كلامك صحيح وانا عايشت الوضع وتقريباً كلنا سياراتنا يابانية .. الياباني الأمريكي يختلف أُمهات عيون صغار يجتهدون للأمريكان .. كانت عندي هوندا أكورد باب واحد خذتها سنة 1990 وكانت الأُولى في المبيعات في أمريكا لكم سنة وتجميع أمريكي .. 4 سلندر بس ما تسمع للمكينة صوت وناعمة وايد وقوية الحزام يجي قطعتين قطعة تحتية انت تسكره وبسهولة وقطعة تنسحب مع تسكيرة الباب تماتيك

كان رقمها سبشل iqk 81 u ولعب فيها اعصار أندرو طيح شينكو الطبيلة عليها وحك الصبغ تقول مسوي لها صنفرة وصلحوها على التأمين بسرعة يومين بس

نفس الشيء المرسدس إنتاج أمريكا مثل الجي ال اللي سموه جي ال اس

لكن تعال للألماني في دول مثل ألمانيا بعضهم موديل الأربعينات للحين يشتغلون .. اي 300 قاطع مليونين كيلو .. وشوف اللي في الأُردن ولبنان هناك يصنعون لهم قطع غيار .. عندنا يبوقون من السيارة قطع غيار ويعطونك اياها مكسحة

مرة كسروا جامة سيارتي الصغيرة اللي في الباب الخلفي وكان عندي جي 1995 وفتشوا ما حصلوا شيء يسوى قطوا الأوراق وحصلتهم قريب وبلغت ولا فيه أمل يطلعونهم ووديتها صناعيتهم .. قصوا لي جامة وركبوها في دقايق وانا انتظر وأشوف وبرخيص وكنت مهموم مغموم وقبلها رحت الوكالة قالوا ما فيه عندنا

من أيام يذكر لي واحد إنهم قانصين قرب الحدود الأُردنية وتعطلت سيارتهم دخلوا قرية في الأُردن وحصلوا ورشة طلبوا معاينة السيارة يقول جاتنا بنت لابسة لباس الميكانيكيين بتشتغل يقول ما صدقنا كانت ضعيفة وشكلها ما يوحي قالت لهم انا عندي بكالوريوس هندسة ميكانيك وصلحتها بسرعة وبرخيص

والله يابوعبدالله دايما اضافاتك حلوه وتجاربك وذكرياتك مع السيارات تبهرنا

اضافه اعطيها 100/100 لان فيها معلومات طيبه مثلك وانت استاذنا بالمواتر مانقدر نجاريك ونتعلم منك

اقتباس:

---

المشاركة الأصلية كتبت بواسطة نفسي عزيزه

والله يابوعبدالله دايما اضافاتك حلوه وتجاربك وذكرياتك مع السيارات تبهرنا

اضافه اعطيها 100/100 لان فيها معلومات طيبه مثلك وانت استاذنا بالمواتر مانقدر نجاريك ونتعلم منك

---

عندنا يا اخوي لعبوا بالألماني والأمريكي وهم مع الإنجليزي أوائل سيارات العالم ومبدعين ولحقوهم الايطاليين بقوة .. الموجود ألحين على الساحة الياباني تفوق كثير والكوري والصيني يتفوق ويتطور بس تبقى العراقة والفخامة والشغل الجيد عن الألمان خصوصاً المرسدس والبي أم

مساكم الله بالخير
بداية الغيث قطره
ع الاقل يعطيكم فكره عن التصميم
باقي الصور ف الرابط
https://www.instagram.com/p/CNIK-FoH...d=7yxabptfwppx

https://g.top4top.io/p_1917i0zid1.jpeg

اقتباس:

---

المشاركة الأصلية كتبت بواسطة .قطر.

مساكم الله بالخير
بداية الغيث قطره
ع الاقل يعطيكم فكره عن التصميم
باقي الصور ف الرابط
https://www.instagram.com/p/CNIK-FoH...d=7yxabptfwppx

https://g.top4top.io/p_1917i0zid1.jpeg

---

هلا بالحب قطرررررر

جيت بانزل من كم يوم هالصور وتذكرتك قلت مايقصر قطر متاكد انه سبقني وفعلا سبقتني ههههههههه

ماعلقت ماقلت شرايك بلي نشروه ؟ :unsure:

شتوقع من التسريبات ومتى توقعاتك يالذيب عن موعد الكشف عنه او تسريب شديد :thumbup1::thumbup1:

https://g.top4top.io/p_1919n85tc0.jpeg